தன்னை விமர்சித்தவர்களை நாய்களுடன் ஒப்பிட்ட மம்தா கருத்தால் பரபரப்பு

DERAR BABU · DERAR BABU Fri Nov 30, 2012 1:32 pm

கொல்கத்தா: தன்னை விமர்சனம் செய்பவர்களை நாய்களுடன் ஒப்பிட்டு முதல்வர் மம்தா பானர்ஜி பேசியது பெரும் பரபரப்பை ஏற்படுத்தி உள்ளது. மேற்கு வங்க முதல்வர் மம்தா பானர்ஜிக்கு, உச்ச நீதிமன்ற முன்னாள் நீதிபதியும் பிரஸ் கவுன்சில் தலைவருமான மார்க்கண்டேய கட்ஜு அண்மையில் ஒரு இ மெயில் அனுப்பி இருந்தார். அதில், ‘உங்களின் முன்கோபம் மற்றும் மனம்போன போக்கில் செயல்படும் குணத்தால் மாநில அமைச்சர்களும் அதிகாரிகளும் உங்கள் முன்னிலையில் பேசவே பயப்படுகிறார்கள். இது மாநிலத்தின் நலனுக்கு நல்லதல்ல. உங்கள் வழியை மாற்றி கொள்ளாவிட்டால் முதல்வராக நீடிக்க முடியாது' என்று எழுதியிருந்தார்.

மேலும், மம்தா கட்சியை சேர்ந்த எம்எல்ஏ ரவீந்திரநாத் பட்டாச்சார்யாவும் மம்தாவுக்கு எதிராக போர்க்கொடி தூக்கியுள்ளார். எதிர்க்கட்சிகளும், பத்திரிகைகளும் அவரது செயல்பாடுகளை விமர்சித்து வருகின்றன. இந்நிலையில் கொல்கத்தாவில் நடந்த நிகழ்ச்சியில் கலந்து கொண்ட மம்தா, தன்னை விமர்சிப்பவர்களை நாயுடன் ஒப்பிட்டு பேசியது பெரும் பரபரப்பை ஏற்படுத்தியது. அவர் பேசுகையில், ‘எங்களுக்கு கெட்ட பெயரை ஏற்படுத்துபவர்கள் ஒரு நாள் போய் விடுவார்கள். நான் இதை உறுதியாக நம்புகிறேன். பழி வாங்கும் எண்ணத்துடன் நான் இல்லை. யார் மீதும் நடவடிக்கை எடுக்க விரும்பவில்லை.

ராஜா ஊர்வலம் செல்லும் போது நாய்கள் குரைக்கின்றன. தாய், தாய்நாடு, மக்கள் என்ற கொள்கையோடு வாழ்கிறேன். எனக்கு கெட்ட பெயரை ஏற்படுத்துபவர்களுடன் எந்த உறவும் வைத்து கொள்ள மாட்டேன். மாட மாளிகையோ, கோடிக்கணக்கான பணமோ எனக்கு வேண்டாம். மக்களுக்காக எதையும் தியாகம் செய்ய தயாராக இருக்கிறேன். இது மக்களுக்கான அரசு. அவர்களுக்கு சேவை செய்வதை யாராலும் தடுக்க முடியாது' என்றார் ..........
தினகரன்

தன்னை விமர்சித்தவர்களை நாய்களுடன் ஒப்பிட்ட மம்தா கருத்தால் பரபரப்பு

தன்னை விமர்சித்தவர்களை நாய்களுடன் ஒப்பிட்ட மம்தா கருத்தால் பரபரப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக