வெறுங்காலில் ஓடலாமா?

நாகரீகத்தின் உச்சத்தில் இருக்கும் இன்றைய காலகட்டத்தில்தான் பழைய விஷயங்களின் மகிமையை மனிதன் ஒவ்வொன்றாக உணர்ந்து வருகிறான்.

அந்த வகையில், ஷூக்களை அணிந்து ஓடுவதை விட, வெறுங்காலில் ஓடுவதே நல்லது என்று தற்போது கண்டுபிடித்திருக்கிறார்கள். மருத்துவர்கள், தடகள வீரர்கள், பயிற்சியாளர்கள் எல்லோருமே இந்த முடிவுக்கு வந்திருக்கிறார்கள்.

நவீன ஷூக்களில் உள்ள எக்ஸ்ட்ரா குஷனும், ஆதரவு அமைப்பும் தேவையில்லை என்று கூறுகிறார்கள். நமது பாதங்களுக்கு இயற்கையாகவே இந்த அமைப்புகள் இருக்கின்றனவாம்.

இதுகுறித்து 2009 ம் ஆண்டிலேயே தனது பான்டு ரன் புத்தகத்தில் கிறிஸ்டோபர் மெக்டோகால் என்பவர் எழுதியிருக்கிறார். மெக்சிகோவைச் சேர்ந்த தாராஹுமாரா இந்தியர்களுடன் சிறிது காலத்தைக் கழித்த இவர், அவர்கள் வெறுங்காலில் நீண்ட தூரத்துக்கு வெகு வேகமாக ஓடுகிறார்கள் என்கிறார். ஷூக்களை பயன்படுத்தும் நவீன உலகத்தினரைப் போல அவர்கள் காயங்களுக்கும் உள்ளாவதில்லை என்று கிறிஸ்டோபர் தெரிவிக்கிறார்.

இன்றைய குஷன் அமைப்பு ஷூக்கள், ஓடுவதற்கான நமது இயற்கையான நுட்பத்தை மாற்றிவிடுவதால் காயங்களுக்கு முக்கியக் காரணமாக அமைகின்றன என்பது இவரது கருத்து. இன்றும் இந்தியா உள்ளிட்ட பல நாடுகளில் ஆயிரக்கணக்கான ஓட்டக்காரர்கள் வெறுங்காலுடனோ அல்லது மெல்லிய அடிப்பகுதியைக் கொண்ட ஷூவை அணிந்துகொண்டோதான் ஓடுகிறார்கள்.

பெங்களூரின் ஒரு முன்னணி மருத்துவமனையைச் சேர்ந்த மருத்துவ நிபுணரான சஞ்சய் ஹெக்டே, மனித பாதங்களின் இயற்கையான உயிர்ப்பொறியியல், ஓடுவதற்கு மிகவும் பொருத்தமானது. ஷூக்களின் ஒரே அனுகூலம், கற்கள், முட்களில் இருந்து அவை பாதங்களைப் பாதுகாப்பதுதான். மற்றபடி, காலணிகளால் பாதங்களின் உயிர்ப்பொறியியல் பாதிக்கப்பட்டு காயங்கள்தான் ஏற்படும் என்கிறார். ஆனால் வெறுங்காலில் ஓடுவதைப் படிப்படியாக மேற்கொள்ள வேண்டும் என்றும் இவர் எச்சரிக்கிறார்.

ஹார்வர்டு பல்கலைக்கழகத்தின் பரிணாம உயிரியல் துறைப் பேராசிரியர் டாக்டர் டான் லீபர்மேன், ஷூக்களின் குதிகால் பகுதி குஷன் அமைப்பையும், மனித கால்களின் குதிகால் அமைப்பையும் ஒப்பிட்டு ஆய்வு செய்திருக்கிறார். அவர் கூறுகையில், ஷூக்களின் குஷனைவிட, மனித கால்களின் குதிகால், தரையைத் தொடும் போது அதிர்வைக் கிரகிப்பதற்காக சிறப்பாக அமைந்துள்ளது, வெறுங்காலில் அதிர்வுத் தாக்கம் குறைவாக இருக்கிறது என்கிறார்.

தினத்தந்தி

ஆக இது தெரியாமல் பணத்தை செலவழித்து ஜாகிங் சூ வாங்கி நொந்து விட்டோமே .. அருமை மாமா ..

புரட்சி wrote: ஆக இது தெரியாமல் பணத்தை செலவழித்து ஜாகிங் சூ வாங்கி நொந்து விட்டோமே .. அருமை மாமா ..

மதன் நம்மள பலர் துரத்தும்போது - செருப்பா ஷூவா வெருங்காலான்னு பார்த்து நாம ஓடினா அப்புறம் மாட்டிக்குவோம். வாங்க ஓடுவோம் இங்க இருந்து.

காலை வாக்கிங் உடலுக்கு நல்லது..
தினமும் எழுந்து பல் துலக்குகிறோம். அன்றாட கடமைகளைச் செய்கிறோம். அதேபோல் தினமும் குறைந்தது ஒரு கி.மீட்டர் தொலவுக்காவது நடப்பதையும் வழக்கமாக்கிக் கொள்ளலாம்.
நடைபயிற்சி அல்லது `வாக்கிங்' செல்வதற்கு வயது அவசியமல்ல. குழந்தைகள் முதல் வயதானவர்கள் வரை அன்றாடம் குறிப்பிட்ட தொலைவிற்காவது நடந்து செல்லலாம்.

நன்றிகள் பல....தொடர்ந்து தாங்க சிவா..

நல்ல பகிர்வு அண்ணா
ஆனால் நம்ம ஊர்ல வெறும் காலில் ஓடினால் கால் அசுத்தம் ஆகும் . இதற்கு என்ன செய்வது?

jenisiva wrote:நல்ல பகிர்வு அண்ணா
ஆனால் நம்ம ஊர்ல வெறும் காலில் ஓடினால் கால் அசுத்தம் ஆகும் . இதற்கு என்ன செய்வது?

அதற்கு நல்ல விளையாட்டு திடலா பார்த்து ஓடுங்க..
பார்க்,சாலை ஓரம்....