நீ பிறந்ததையும் மறந்துவிட்டோம் (26/11) - மெல்லத் தமிழினி சாகுமோ..?

**அகல்** · **அகல்** Mon 26 Nov 2012 - 19:30

தமிழனின் வரலாறு எமக்கு
வீரத்தைச் சொல்லிகொடுத்தது
இவர் வாழ்ந்து காட்டினார்.

அனாதைகளை அரவணைக்க
வேண்டுமென்றார்கள்
இவர் அநாதைகளே இல்லை என்றார்

எதிரிகளைக் கண்டு அஞ்சாதே என
எழுதிச் சொன்னார்கள்
இவர் அச்சத்திற்கே அச்சமூட்டினார்

கலையும் இலக்கியமும் தமிழின்
இரு கண்கள் என்றார்கள்
இவர் அதை கட்டிக்காத்தார்

அடிமையில்லா தமிழினி
வேண்டுமென்றார்கள்
அதை வென்றெடுத்தும் காட்டினார்

தாய்மண்ணே எனது
உயிர்மூச்சு என்றார்கள்
இவர் சுவாசித்துக் காட்டினார்

செய் அல்லது செத்துமடி
என்று சொல்லிச் சென்றார்கள்
இவர் அதைச் செய்தும் காட்டினார்..

இப்படியான உனது பிறந்தநாள் இன்று.
நடிகனுக்கு கட் அவுட் கட்டி, நடிகைக்கு
கோவில் கட்டும், அடிமைத் தமிழர்கள்
உன்னை அடியோடு மறந்துவிட்டோம்.

மெல்லத் தமிழினி சாகுமோ..!?

தமிழீழ தேசிய தலைவருக்கு 58 வது பிறந்தநாள் வாழ்த்துக்கள்.

நீ பிறந்ததையும் மறந்துவிட்டோம் (26/11) - மெல்லத் தமிழினி சாகுமோ..? 112820119prabhakaranpow