சச்சினால் எவ்வளவு முடியுமோ, அவ்வளவு விளையாடினால் போதும்.. பிசிசிஐ 'பலே' பேச்சு

DERAR BABU · DERAR BABU Mon Nov 26, 2012 5:48 pm

டெல்லி: சச்சின் விளையாடவில்லையே என்று பார்க்காதீர்கள்.அவர் குவித்து வைத்திருக்கும் சாதனைகளைப் பாருங்கள். அவரால் எவ்வளவு காலம் விளையாட முடியுமோ, அவ்வளவு காலமும் விளையாடட்டும். அவருக்கு யாரும் அட்வைஸ் கொடுக்கத் தேவையில்லை என்று பட்பட்டென்று கருத்து தெரிவித்துள்ளது இந்திய கிரிக்கெட் வாரியம்.

இதன் மூலம் இந்திய கிரிக்கெட் வாரியம் சொல்ல வருவதென்னவென்றால் பார்மிலேயே இல்லாவிட்டாலும் கூட சச்சினே நினைத்தால் மட்டுமே அவர் அணியில் இடம் பெற மாட்டார், நாங்களாக அவரை நீக்க மாட்டோம், ரிடையர் ஆகுமாறு சொல்ல மாட்டோம் என்பதே...

சச்சின் இரண்டு டெஸ்ட் போட்டிகளிலும் சரியாக ஆடவில்லை. இதனால் கடும் அதிருப்தியும், விமர்சனங்களும் எழுந்துள்ளன. ஆனால் சச்சினுக்கு வக்காலத்து வாங்கிப் பேசியுள்ளது இந்திய கிரிக்கெட் வாரியம்.

இதுகுறித்து வாரியத்தின் மூத்த நிர்வாகியும், ஐபிஎல் தலைவருமான ராஜீவ் சுக்லா கூறுகையில், சச்சினுக்கு யாருடைய அறிவுரையும் தேவையில்லை. அவரது சாதனைகளை மட்டுமே பார்க்க வேண்டும்.

அவருக்கு எப்போது தோன்றுகிறதோ அப்போதுதான் ஓய்வு பெறுவார். அதுவரை அவர் விளையாடுவார். அவர் இப்படி விளையாட வேண்டும், அப்படி விளையாட வேண்டும் என்று யாரும் அட்வைஸ் செய்யத் தேவையில்லை. மேலும் அவர் குறித்து விமர்சிப்பதற்கு முன்பு அவரது சாதனைகளை எண்ணிப் பார்க்க வேண்டும் என்றார் சுக்லா. பேசாம கவாஸ்கர் ,கபில் , வெக்சர்கர் இவர்களை எல்லாம் பழைய சதனைகளுக்கவே திரும்பவும் டீமில் சேற்று கொள்ளலாம் .

அசுரன் · அசுரன் Mon Nov 26, 2012 7:48 pm

விளையாடுங்க விளையாடுங்க... எவ்வளவு முடியுமோ அவ்வளவு விளையாடுங்க ஹி

ஹர்ஷித் · ஹர்ஷித் Tue Nov 27, 2012 12:14 am

எங்க இருந்து இந்த பதிவ எடுத்தீர்கள் பாபு அவர்களே.எனக்கு இந்த பதிவில் உடன்பாடு இல்லை.சச்சின் மட்டை பந்து விளையாட்டில் கில்லடியானவர்.பல நூறு சாதனைகளுக்கு சொந்தக்காரர்.அவரை விமரிசிப்பதென்பது சரியான விஷயம் அல்ல.இதைவிட மோசமாக விளையாடிய பலர் நம் நாட்டு அணியில் பல வருடங்கள் காலத்தி ஒட்டியதுண்டு.இவர் இரு ஆட்டங்கள் சரியாக ஆடவில்லை என்பதற்காக இவரை இவ்வாறு விமரிசிப்பது சரியல்ல.

**முத்துராஜ்** · **முத்துராஜ்** Tue Nov 27, 2012 7:35 am

அவரை விமரிசிப்பது சரி இல்லை

DERAR BABU · DERAR BABU Tue Nov 27, 2012 9:48 am

100 வது சென்சுரிக்காக வங்கதேசதில் அவர் ஆடிய ஆட்டம் ஒன்றே போதும். (ஆபரேஷன் சக்சஸ் அனால் பேசன்ட் டெத் ). நானும் அவர் ரசிகன் தான். முடியவில்லை என்றால் கௌரவமாக ரிடையர் ஆவது சச்சின் போன்றவர்களுக்கு அழகு . இவர்கள் வழிவிட்டால்தான் இன்னொரு சச்சின் , திராவிட் , போன்றவர்கள் கிடைப்பார்கள் .

**ராஜா** · **ராஜா** Tue Nov 27, 2012 10:44 am

பகிர்வுக்கு நன்றி பாபு . (எங்கிருந்து இந்த கட்டுரையை எடுத்திங்கன்னு கடைசியில் ஒரு வரி போட்டுடுங்க).

இவர் மட்டும் 16 வயசில் வந்து 39 வயசு வரைக்கும் ஆடுவாராம் , ஆனால் இங்கு இருக்குற 100 + கோடிகளுக்கும் அதிகமான மக்களில் இன்னொரு 16 வயசு சச்சின் உருவாகமாட்டாராம். வழிவிடுங்க சச்சின் அப்ப இருந்த மூத்த வீரர்கள் வழிவிட்டதால் தான் நீங்க 16 வயசில் உள்ள வரமுடிந்தது

(1983 ல் உலககோப்பை வாங்கிய அணி அதை காரணம் காட்டியே 1990 வரைக்கும் அணியில் ஓட்டிகிட்டு இருந்தால் உங்களை போன்ற டிராவிட் போன்ற ஆட்கள் எத்தனை வயசுக்கு அப்புறம் அணிக்கு வந்துருப்பிங்க )

இப்பல்லாம் சச்சின் ரசிகன் என்று சொல்லிக்கவே வெட்கமா இருக்கு , இவருக்கும் நம்ம அரசியல்வாதிகள் நாற்காலிக்கு அலைவது போல இவரும் அணியில் ஓட்டிகிட்டு இருக்கிறார்.

யினியவன் · யினியவன் Tue Nov 27, 2012 11:42 am

இன்னும் வேறு என்ன சாதனை பாக்கி இருக்காம்?

மரியாதை உள்ளபோதே விலகுவது அன்றோ அழகு!!!

கடந்த இரண்டு வருடங்களின் டெஸ்ட் பேட்டிங் ஆவரேஜ் 32 ஆக இருந்து தற்பொழுது 16 ஆக இருக்கிறது.

ஒருவேளை அதை பூஜ்ஜியம் ஆக்கி அதில் ஒரு சாதனை செய்துட்டு போகலாம்ன்னு இருப்பாரோ?

(எனக்கும் சச்சினின் விளையாட்டு பிடிக்கும் - ஆனால் இப்ப ஆடும் கண்ணாமூச்சி ஆட்டம் பிடிக்கவே பிடிக்கல)

Sponsored content · Sponsored content

சச்சினால் எவ்வளவு முடியுமோ, அவ்வளவு விளையாடினால் போதும்.. பிசிசிஐ 'பலே' பேச்சு

சச்சினால் எவ்வளவு முடியுமோ, அவ்வளவு விளையாடினால் போதும்.. பிசிசிஐ 'பலே' பேச்சு

Re: சச்சினால் எவ்வளவு முடியுமோ, அவ்வளவு விளையாடினால் போதும்.. பிசிசிஐ 'பலே' பேச்சு

Re: சச்சினால் எவ்வளவு முடியுமோ, அவ்வளவு விளையாடினால் போதும்.. பிசிசிஐ 'பலே' பேச்சு

Re: சச்சினால் எவ்வளவு முடியுமோ, அவ்வளவு விளையாடினால் போதும்.. பிசிசிஐ 'பலே' பேச்சு

Re: சச்சினால் எவ்வளவு முடியுமோ, அவ்வளவு விளையாடினால் போதும்.. பிசிசிஐ 'பலே' பேச்சு

Re: சச்சினால் எவ்வளவு முடியுமோ, அவ்வளவு விளையாடினால் போதும்.. பிசிசிஐ 'பலே' பேச்சு

Re: சச்சினால் எவ்வளவு முடியுமோ, அவ்வளவு விளையாடினால் போதும்.. பிசிசிஐ 'பலே' பேச்சு

Re: சச்சினால் எவ்வளவு முடியுமோ, அவ்வளவு விளையாடினால் போதும்.. பிசிசிஐ 'பலே' பேச்சு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக