வெள்ள சேதத்தை பார்வையிட வந்த முதல்வரை கற்களால் அடித்து துரத்திய பொதுமக்கள்

மீனு · மீனு Tue Oct 13, 2009 3:09 am

ஆந்திராவில் ஏற்பட்டுள்ள வெள்ள சேதத்தை பார்வையிட வந்த முதல்வரிடம் மக்கள் ஆத்திரத்தோடு கேள்வி கேட்டு கற்களால் அடித்து துரத்தியுள்ளனர்.

ஆந்திராவில் கடந்த வாரம் வரலாறு காணாத அளவுக்கு பலத்த மழை பெய்தது. இதில் அங்குள்ள மெகபூப் நகர், கர்னூல், விஜய வாடா போன்ற மாவட்டங்கள் கடுமையாக பாதிக்கப்பட்டன. ஏராளமான வீடுகள் இடிந்து விழுந்தன. விவசாய நிலங்கள் நீரில் மூழ்கி நாசமாயின. இந்நிலையில் வெள்ள சேதத்தை பார்வையிட ஆந்திர முதல்வர் ரோசையா முடிவு செய்தார். இதன் படி அவர் மெகபூப் நகர், கர்னூல் மாவட்டங்களுக்கு திறந்த வேனில் சென்றார்.

அவர் மெகபூப் நகர் மாவட்டம் ஆலம்பூர் கிராமத்திற்கு சென்றார். அவருடன் மந்திரிகள் சிலரும் சென்றனர். அப்போது கிராம மக்கள் கும்பலாக திரண்டு வந்து, நாங்கள் வெள்ளத்தால் வீடுகளை இழந்து ஒரு வாரம் தெருவில் வசித்து வருகிறோம்.

எங்களுக்கு அரசு எந்த வித உதவியும் செய்யவில்லை. கண்துடைப்புக்காக இங்கு வரக்கூடாது. நீங்கள் அரசியல் பண்றதுக்கு நாங்களா கிடைத்தோம். தயவு செய்து திரும்பி சென்று விடுகள் என்று சத்தமாகக்கூறினார்கள்.

இதை கேட்டதும் அதிர்ச்சி அடைந்த ரோசையா. நான் உங்களுக்கு ஏற்பட்ட பாதிப்பை நேரில் கண்டறியத்தான் வந்துள்ளேன் என்றார்.

ஆனால் கிராமத்தினர் நீங்கள் சேதத்தை பார்த்தால் எங்கள் வயிறு நிறைந்து விடுமா? ஆபத்து நேரத்தில் உதவி செய்யாமல், எல்லாவற்றையும் இழந்த பிறகு இங்கு வந்து என்ன பயன்? முதலில் முதல்வர் பதவியை ராஜினாமா செய்து விட்டு ஜெகன் மோகன் ரெட்டியை முதல்வராக்குங்கள் என்று கூறி வேனை முற்றுகையிட்டனர்.

ஆனால் அதையும் மீறி வேன் ஊருக்குள் சென்றது. இதனால் ஆத்திரமடைந்த பொதுமக்கள் திடீரென கற்களை எடுத்து ரோசையா மீது வீசினார்கள். இதைப்பார்த்ததும் ரோசையா “டக்” கென கீழே குனிந்து கொண்டார். அருகில் நின்று கொண்டிருந்த மந்திரிகள், எம்.பி., எம்.எல்.ஏ.க்கள் வேனுக்குள்படுத்துக் கொண்டனர்.

இதனால் அவர்கள் தப்பினார்கள். உடனே ரோசையா வேனை வேகமாக ஓட்டும்படி கூறினார். இதையடுத்து வேன் அங்கிருந்து வேன் வேகமாகச் சென்றது. ஆனாலும் கிராம மக்கள் விடவில்லை. வேகமாக விரட்டிச் சென்று ரோசையா வேன் மீது கற்களை வீசினார்கள். இதனால் அங்கு பெரும் பரபரப்பு ஏற்பட்டது.

போலீசார் அவர்கள் மீது லேசான தடியடி நடத்தி கலைத்தனர். இதே போல் வேறு சில கிராமங்களிலும் ரோசையாவுக்கு மக்கள் எதிர்ப்பு தெரிவித்தனர். இதனால் அவர் சுற்றுப்பயணத்தை விரைவாக முடித்துக் கொண்டார்.

வெள்ள சேதத்தை பார்வையிட வந்த முதல்வரை கற்களால் அடித்து துரத்திய பொதுமக்கள் 12_04

ரூபன் · ரூபன் Tue Oct 13, 2009 3:12 am

என்ன ஆந்திரமக்கள் யோசிக்க ஆரம்பித்து விட்டார்களா தமிழ்நாட்டு தமிழர்களே நீங்களும் யோசியுங்கப்பா அப்பத்தான் உங்க தலைஎழுத்தும் மாறும்

வெள்ள சேதத்தை பார்வையிட வந்த முதல்வரை கற்களால் அடித்து துரத்திய பொதுமக்கள்

வெள்ள சேதத்தை பார்வையிட வந்த முதல்வரை கற்களால் அடித்து துரத்திய பொதுமக்கள்

Re: வெள்ள சேதத்தை பார்வையிட வந்த முதல்வரை கற்களால் அடித்து துரத்திய பொதுமக்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக