மனங்களின் ஏக்கம்....

ஹாசிம் · ஹாசிம் Sun Nov 25, 2012 7:21 pm

கிடைத்ததோடு வாழ்ந்து
பிறருக்கும் நற்கொடையளித்து
மகிழ்ந்தானன்று மனிதன்
இல்லாதவற்றுக்குக்கெல்லாம்
ஆசைகொண்டு இல்லாதவனிடமே
கொள்ளையடிக்கிறானின்று

பணந்தான் வாழ்வென்று
பணத்துக்காக எதையும்
இழக்கத்துணிந்து இழிவுறும்
இயல்புகொண்ட மானிடர்கள்

ஆட்சிசெய்யும் பேராசையுடன்
யார் எக்கேடு கெட்டாலும்
என்னலம் என்னோக்கமென்று
கொன்று குவிக்கும் அசுரர்கள்

வாழ்வளிக்கப்படாத அனாதைகள்
வாழ்விழந்த விதவைகளென
அடிப்படைத் தேவைகளுக்காய் - இன்று
கண்ணீர்வடிக்கிறது உயிர்கள்

சுதந்திரக் காற்றைத்தேடி
சுற்றுச் சூழலை சுமைகளாய்க் கொண்டு
இன்னல்களுக்கு அடிமைகளாகி
அவதியுறும் அப்பாவிகள்

இரத்தக் கறைகளின் நடுவே
உயிர்களைத் தேடும் உயிர்களும்
மனசாட்சியை புதைத்துவிட்டு
கட்டளைக்குள் பணிந்துவிட்ட மனிதர்கள்

ஆயிரமாயிரம் சமகாலத்து
நிகள்வுகளைக் கண்டு கலங்கிநின்று
சுபீட்சமான எதிர்காலத்திற்காய்
இன்று ஏங்கிநிற்கிறது மனங்கள்

பூவன் · பூவன் Sun Nov 25, 2012 7:25 pm

இரத்தக் கறைகளின் நடுவே
உயிர்களைத் தேடும் உயிர்களும்
மனசாட்சியை புதைத்துவிட்டு
கட்டளைக்குள் பணிந்துவிட்ட மனிதர்கள்

மிகவும் மனதை வருடும் வரிகள் கவினரே , அருமையான பதிவு வாழ்த்துக்கள்

இந்த பதிவைத் துவங்கியவர் நன்றி கூறியுள்ளார் பூவன்

ஹாசிம் · ஹாசிம் Sun Nov 25, 2012 7:31 pm

பூவன் wrote:
இரத்தக் கறைகளின் நடுவே
உயிர்களைத் தேடும் உயிர்களும்
மனசாட்சியை புதைத்துவிட்டு
கட்டளைக்குள் பணிந்துவிட்ட மனிதர்கள்

மிகவும் மனதை வருடும் வரிகள் கவினரே , அருமையான பதிவு வாழ்த்துக்கள்

நன்றிகள் சகோ...... அன்பு மலர்

**கரூர் கவியன்பன்** · 23/09/2012

ஏங்கி நிற்கும் மனங்கள்
ஏற்றமிகு பாதை காணட்டும்

வாழ்த்துகள் நண்பரே. கவிதை அருமை

அச்சலா · அச்சலா Mon Nov 26, 2012 1:54 am

மனங்களின் ஏக்கம்
புரியுது;
ஆனால் சொல்ல
முடியல;
அதோ நிலா
என் மீது ஒரு
நிழல் மட்டுமே
கொடுத்தது;
மனமே!
நீ என்ன
சொர்க்கமா?
இல்லை நரகமா?
தெரியல...
ஒரே ஏக்கம்..