குகைக்குள் சென்றபோது இரண்டு பெட்டிகள் கழன்றதால் ராஜ்தானி எக்ஸ்பிரஸ் ரயிலில் பரபரப்பு.,

பூவன் · பூவன் Sat Nov 24, 2012 10:58 am

http://www.thedipaar.com/pictures/resize_20121123172450.jpg

ராஜதானி எக்ஸ்பிரஸ் ரயிலின் இரண்டு பெட்டிகள் கழன்று, குகைக்குள் பெட்டிகள் நின்று விட்டதால், இரண்டு மணிநேரம் பயணிகள் தவித்தனர்.டில்லி - திருவனந்தபுரம் ராஜதானி எக்ஸ்பிரஸ் ரயில், நேற்று முன் தினம் காலை, 9:00 மணி அளவில், மகாராஷ்டிரா மாநிலத்தில், சிப்லின் - ரத்தினகிரி ரயில் நிலையங்களுக்கு இடையே சென்று கொண்டிருந்தது.அப்போது, அங்குள்ள குகைப்பாதை ஒன்றை, ரயில் கடந்த போது, இன்ஜினிலிருந்து, 13 மற்றும் 14வது பெட்டிகளின் இணைப்பு கழன்றது. உடன் ரயிலின் தானியங்கி பிரேக் செயல்பட்டு, இன்ஜினினுடம் இணைந்த ரயில் பெட்டிகள், தொடர்ந்து செல்ல முடியாத நிலை ஏற்பட்டது.

இதையடுத்து, ரயில் இன்ஜினும் நிறுத்தப்பட்டு, ரயில் பெட்டிகளில் இருந்த ரயில்வே ஊழியர்கள், என்ன பிரச்னை என, ஆய்வு செய்தனர்.அப்போது தான், ரயில் பெட்டிகள் இரண்டு கழன்று போனது தெரியவந்தது. கழன்ற ரயில் பெட்டிகள், குகைக்குள் இருட்டில் நின்றதால், போதிய வெளிச்சமின்றி, டார்ச் லைட் வெளிச்சத்தில், ரயில் பெட்டிகளை இணைக்கும் பணி துவங்கியது. இரண்டு மணி நேரத்திற்கும் மேலாக, இந்தப் பணிகள் நடந்ததால், குகைக்குள் நின்ற ரயில் பெட்டிகளில் இருந்த பயணிகள் மிகுந்த அவதியடைந்தனர்.

ராஜதானி எக்ஸ்பிரஸ் ரயில்களில், சாதாரண ரயில் பெட்டிகளில் உள்ளது போன்ற, இணைப்புக்கள் பயன்படுத்தப்படாமல், நவீன வகை, "சென்ட்ரல் பப்பர் கப்ளிங் சிஸ்டம்' பயன்படுத்தப்படுகிறது. எனவேதான், கழன்ற பெட்டிகளை மீண்டும் இணைப்பதில் தாமதம் ஏற்பட்டது.பின், ஒரு வழியாக, பெட்டிகள் இணைக்கப்பட்டு, ரயில் அங்கிருந்து, திருவனந்தபுரம் நோக்கி புறப்பட்டது. ரயில் பெட்டிகள் கழன்ற சம்பவத்தால், கொங்கண் ரயில்வேயின் இரு மார்க்கங்களிலும் சென்ற ரயில்கள், ஆங்காங்கே நிறுத்தப்பட்டன.

நன்றி தமிழ் source

அச்சலா · அச்சலா Sat Nov 24, 2012 11:00 am

ஆகா..பயணிகள் சென்று சேறுவது கஸ்டமே!!
இனியும் இப்படி நடக்க கூடாது...

அப்துல் · அப்துல் Sat Nov 24, 2012 2:54 pm

இறைவா.....இனியும் இப்படி நடக்க கூடாது.

றினா · றினா Sat Nov 24, 2012 7:49 pm

மிகவும் துரதிஷ்டமான சம்பவம்.

Sponsored content · Sponsored content

குகைக்குள் சென்றபோது இரண்டு பெட்டிகள் கழன்றதால் ராஜ்தானி எக்ஸ்பிரஸ் ரயிலில் பரபரப்பு.,

குகைக்குள் சென்றபோது இரண்டு பெட்டிகள் கழன்றதால் ராஜ்தானி எக்ஸ்பிரஸ் ரயிலில் பரபரப்பு.,

Re: குகைக்குள் சென்றபோது இரண்டு பெட்டிகள் கழன்றதால் ராஜ்தானி எக்ஸ்பிரஸ் ரயிலில் பரபரப்பு.,

Re: குகைக்குள் சென்றபோது இரண்டு பெட்டிகள் கழன்றதால் ராஜ்தானி எக்ஸ்பிரஸ் ரயிலில் பரபரப்பு.,

Re: குகைக்குள் சென்றபோது இரண்டு பெட்டிகள் கழன்றதால் ராஜ்தானி எக்ஸ்பிரஸ் ரயிலில் பரபரப்பு.,

Re: குகைக்குள் சென்றபோது இரண்டு பெட்டிகள் கழன்றதால் ராஜ்தானி எக்ஸ்பிரஸ் ரயிலில் பரபரப்பு.,

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக