தாலி அணிவது பெண்ணடிமை தனமா ?

மூத்த தலைமுறை தாலிக் கயிற்றிலிருந்து கொடிக்கு மாறி நெடுங்காலமாயிற்று.

நைந்து போகிற கயிற்றை அவ்வப்போது மாற்ற வேண்டியிருப்பதைத் தவிர்க்க இந்த மாற்றம் வந்தது என்று நினைக்கிறேன். அதற்கடுத்த தலைமுறை தாலியை மறைத்து அணிவது, அதிலுள்ள சங்கதிகளை சாதாரண செயினில் கோர்த்து அணிவது உள்ளிட்ட தயக்கமான விஷயங்களைச் செய்து கொண்டிருந்தது.

நடப்புத் தலைமுறை தாலி அணிவதில்லை என்கிற தெளிவான முடிவில் இருக்கிறது. எல்லாரும் என்று சொல்ல முடியாது.

இன்றைக்கும் தாலி குறித்தான இருவேறு கருத்துக்கள் இருக்கின்றன.

நேற்று விஜய் டிவி இல் நீயா நானாவில் விவாதத்துக்கு எடுத்துக் கொண்ட தலைப்பு இதுதான். அதில் சில சீனியர்கள் தாலியில் எந்த சென்டிமென்ட்டும் கிடையாது என்கிற ரீதியிலும், சில ஜூனியர்கள் அதை மறுத்தும் பேசியது குறிப்பிடத் தக்கது.

தாலி அணியத் தேவையில்லை என்று பேசியவர்களில் சிந்திக்கக்கூடிய கருத்தைச் சிலர் சொன்னார்கள். அது,

திருமணமாகிவிட்டது என்பதன் அடையாளமாக பெண்களுக்கு தாலி கட்டுகிறீர்களே, ஆம்பிளைக்கு என்ன அடையாளம் செய்கிறீர்கள்? என்பதாகும்.

அதற்கு பதில் சொன்ன ஒரு இளைய தலைமுறைப் பெண்,

ஆண்களுக்கும் அடையாளம் வேண்டும் என்று வலியுறுத்துவது சரியானது. பெண்கள் அடையாளத்தை நீக்கி விடுவோம் என்று சொல்வது சரியாகாது, என்றார். நல்ல பாய்ண்ட்.

இன்னொரு பெண்,

தாலியை ஏகப்பட்ட பேர் ஆசிர்வதித்து தருகிறார்கள், அது ஒரு நல்ல நிகழ்வின் நினைவு அந்த இனிய நினைவையும் அந்த ஆசிகளையும் களைவது சரியாகப் படவில்லை என்றார். இதுவும் ஒரு நல்ல பாயிண்ட்தான்.

என்னைக் கேட்டீர்கள் என்றால் தாலி தேவைதான் என்றே சொல்வேன்.

காரணம் அது புனிதம் என்பதோ, புருஷன் கட்டினது என்பதோ, நினைவோ, ஆசியோ இல்லை.

காதலிக்கிற அல்லது கல்யாணம் செய்து கொள்கிற எண்ணத்துடன் அணுகுகிற ஆண்களுக்கு ‘I am occupied’ என்கிற அறிவிப்புப் பலகையாக அது பயன் படுகிறது. தவறான எண்ணத்துடன் நெருங்கும் ஆண்களுக்கு அது ஒரு அச்சத்தையும் தயக்கத்தையும் ஏற்படுத்துகிறது.

தாலி அணியாத பெண்கள் மேற்சொன்ன விஷயங்களை அறிந்தோ அறியாமலோ ஊக்குவித்து விடுவார்கள்.

முழு நேரப் பணியாக செக்ஸ் தொழில் செய்யும் பெண்களை நன்கு அறிந்த ஒருவர் என்னோடு வேலை செய்தார். என்னுடைய மேற்சொன்ன கருத்துக்களை அவரிடம் சொன்ன போது அவர்,

“உன் கருத்து பரிதாபமானது. பலான பொம்பளைங்க எல்லாருமே தவறாம கழுத்திலே மஞ்சக் கயிறு போட்டிருப்பாங்க. இதுவே குடும்பப் பெண்களுக்கு அச்சத்தை உண்டு பண்ணியிருக்கலாம்” என்றார்.

இந்த சர்ச்சை குறித்து நம் வாசகர்கள் எண்ணங்கள் வரவேற்கப் படுகிறது….

தாலிய கொஞ்சம் வரைட்டியா கொண்டுவரலாம்

பென்களுக்கு தாலிகட்டுவது,மெட்டி அனிவிப்பது போண்று திருமணமான ஆன்களுக்கும் அடையாளமாக மெட்டி அனிவது இன்றும் நடக்கத்தான் செய்கிறது...ஆணால் திருமண சம்பிரதாயங்கள் மிடிந்தவுடனேயே(அன்றே)ஆன்கள் மெட்டியைய் கழட்டிவிடுகிறார்கள்.முற்காலத்தில் ஆன்கள் திருமண்த்திற்க்கு பின்னர் மெட்டியனிவது(கால் மோதிரம்) வழக்கமாகத்தான் இருந்த்தது காலப்போக்கில் அது மாறிவிட்டது...பென்கள் தலைகுனிந்த நடப்பதே ஆன் திருமனமானவரா இல்லையா என்று மெட்டியை(கால் மோதிரம்) பார்த்து தெரிந்துகொள்வதற்க்குதான் என்ற பேச்சும் உண்டு.