மின் தட்டுப்பாட்டால் கடும் அதிருப்தி சமாளிக்க அதிமுக "அதிரடி'

First topic message reminder :

திருநெல்வேலி:மின் வெட்டால் ஏற்பட்டுள்ள அதிருப்தியை சமாளிக்க மின்வெட்டுக்கு காரணம் யார் என்ற தலைப்பில் 50 ஆயிரம் கையேடுகளை பொதுமக்களுக்கு அதிமுகவினர் வழங்கி வருகின்றனர். குலுக்கல் மூலம் பரிசுகளை வழங்கவும் நடவடிக்கை எடுக்கப்பட்டுள்ளது.தமிழகத்தில் கடந்த சில மாதங்களாக கடுமையான மின் வெட்டு நிலவி வருகிறது. இதனால் பொதுமக்கள் கடும் அதிருப்தி அடைந்துள்ளனர். அனைத்து வகையான தொழில்களிலும் பாதிப்பு ஏற்பட்டுள்ளது. மின்வெட்டு பிரச்னையை அனைத்து கட்சிகளும் அரசியலாக்கி மக்கள் மத்தியில் ஆதரவை பெற முயற்சித்து வருகிறது. இதற்கு பதிலடியாக அதிமுக சார்பில் பல்வேறு நடவடிக்கைகள் எடுக்கப்படுகிறது.

இதில் மின் வெட்டுக்கு காரணம் யார் என்ற தலைப்பில் தமிழகத்தில் நிலவும் மின்சார தட்டுப்பாடு, தேவைப்படும் மின்சார தேவை, மின்சார உற்பத்தியை அதிகரிக்கும் திட்டங்கள், கடந்த திமுக ஆட்சியின் சீர்கேடுகளால் தீராத மின் வெட்டு பிரச்னை உட்பட பல்வேறு தகவல்கள் அடங்கிய சுமார் 50 ஆயிரம் கையேடுகள் அச்சடிக்கப்பட்டு மக்களுக்கு வினியோகிக்கப்பட்டு வருகிறது. இதன் மூலம் மக்களிடையே காணப்படும் அதிருப்தியை ஓரளவு சமாளிக்க முடியும் என அதிமுக நம்புகிறது.மேலும் இந்த கையேட்டில் உள்ள தகவல்களை அடிப்படையாக கொண்டு 14 கேள்விகள் அடங்கிய வினாத் தாள் தயாரிக்கப்பட்டு பொதுமக்களுக்கு வழங்கப்படுகிறது.இந்த வினாக்களுக்கு சரியான பதில்கள் தெரிவித்து அளிக்கும் மக்களை குலுக்கல் முறையில் தேர்வு செய்யப்பட்டு இதில் 10 பேருக்கு தலா 10 ஆயிரம் ரூபாய் பரிசுகளை வழங்கவும் திட்டமிடப்பட்டுள்ளது. இதன் மூலம் கையேடுகளை கண்டிப்பாக படிக்க வேண்டிய கட்டாயம் ஏற்பட்டுள்ளதாக அதிமுகவினர் கருதுகின்றனர்.

இந்த பதில்களை வரும் 30ம் தேதிக்குள் அனுப்ப வேண்டும். வரும் டிசம்பர் மாதம் 1ம் தேதி குலுக்கல் நடத்தப்படும். தொடர்ந்து டிசம்பர் மாதம் 3ம் தேதி பரிசுகள் வழங்கப்படும் எனவும் அதிமுகவினர் தெரிவித்தனர்.பாளையில் நேற்று பொதுமக்களுக்கு கையேடுகளை வழங்கும் நிகழ்ச்சியில் முன்னாள் எம்.பி முருகேசன், இன்ஜினியர் ஆதி சிவஞானம், வக்கீல் முத்துக்குமார், மூளிகுளம் முத்துராமன், பூல் பாண்டி, செந்தில் மாரியப்பன், சுடலை, பாண்டி உட்பட பலர் கலந்து கொண்டனர்.

இதுக்கு ஒரு தீர்வே கிடையாதா?