காளமேகமும் 'கவி'ராயர்களும்!

**சாமி** · **சாமி** Sun Nov 18, 2012 8:09 am

ஓருமுறை கவிவாணர்கள் பலர் கவி காளமேகத்தை இழிவுபடுத்த நினைத்தனர். அவ்வாறு நினைத்த அவர்கள் அனைவரும் சூழ்ந்திருந்த அரசவையில் உயர்ந்த பீடங்களில் ஏறி அமர்ந்துகொண்டு காளமேகத்தை அலட்சியமாகப் பார்த்தனர்.

அரசவைக்குள் நுழைந்த காளமேகப் புலவர், அங்கு நின்றிருந்த சேவகனைப் பார்த்து, ""யார் இவர்கள், மிக உயரத்தில் அமர்ந்திருக்கிறார்களே?'' என்று கேட்டார்.

அதற்கு அந்த சேவகன், கவிவாணர்கள் முன்பே அவனிடம் கூறியபடி, ""கவிராயர்கள்'' என்று பதில் கூறினான். இதைக் கேட்ட காளமேகம், உடனே ஒரு பாடலைப் பாடினார்.

ராயர்கள் என்றால் "ராஜர்கள்' என்று பொருள். சம்ஸ்கிருதத்தில் "கவி' என்ற சொல்லுக்குக் குரங்கு என்ற பொருளும் உண்டு. தமிழில் "கபி' என்றால் குரங்கு. தமிழில் கபி என்பதுதான் கவி என மருவிற்று.

"இவர்கள் புவிராயர்கள் போற்றும் கவிராயர்கள் தான் என்று நினைத்திருந்தேன். ஆனால் நீங்கள் உங்களைக் "கவி' ராயர்கள் என்று கூறுகிறீர்கள். நீங்கள் குரங்குகளைப் போல் உயரத்தில் இருந்தால் மட்டும் போதுமா? குரங்குக்கு இருக்க வேண்டிய வால், நீண்ட வயிறு, முன்னிரண்டு கால், உட்குழிந்த கண்கள் போன்ற மற்ற அங்கங்களும் அழகும் இருக்க வேண்டாமா?' என்று காளமேகம் கேட்டவுடன், காளமேகத்தை இழிவுபடுத்த நினைத்த கவிவாணர்கள் தாங்கள் அவமானப்பட்டு "கவி'வாணர்களாகித் தலைகுனிந்தனர்.

வாலெங்கே? நீண்ட வயிறெங்கே? முன்னிரண்டு
காலெங்கே? உட்குழிந்த கண்ணெங்கே? - சாலப்
புவிராயர் போற்றும் புலவீர்காள்! நீவிர்
'கவி'ராயர் என்றிருந்தக் கால்

(நன்றி - தினமணி)

Kuzhali · Kuzhali Sat Dec 08, 2012 10:40 am

என்ன அருமை........ காளமேக புலவரின் "கவி" விளக்க பாடல்.

**கரூர் கவியன்பன்** · 23/09/2012

முன்பு படித்திருந்த நினைவு. பகிர்வுக்கு மிக்க நன்றி சாமி

Sponsored content · Sponsored content

காளமேகமும் 'கவி'ராயர்களும்!

காளமேகமும் 'கவி'ராயர்களும்!

Re: காளமேகமும் 'கவி'ராயர்களும்!

Re: காளமேகமும் 'கவி'ராயர்களும்!

[You must be registered and logged in to see this link.]

Re: காளமேகமும் 'கவி'ராயர்களும்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக