துப்பாக்கி - மு‌ன்னோ‌ட்ட‌ம்

விஜய், முருகதாஸ் இணையும் படம், தயா‌ரிப்பு தாணு. இந்த மூன்று விஷயங்களுக்காக முதல்நாள் தியேட்டர்கள் திமிலோகப்படப் போகிறது. இதற்கு மேல் சொல்ல எதுவுமில்லை என்றாலும் சில வார்த்தைகள்.

விஜய் மும்பை தமிழராக வருகிறார் என்றால் உதைக்க வருவீர்கள். படத்தில் இவரது பெயர் ஜெகதீஷ். இவரை காதலிக்கும் காஜல் அகர்வாலின் பெயர் நிஷா. ஜெகதீஷ் ராணுவ வீரர், நிஷா அடிப்படையில் ஒரு பாக்ஸர். இதற்காக பாக்ஸிங் பிராக்டீஸ் எடுத்திருக்கிறார்.

கடந்தமுறை எவ்வளவு எதிர்பார்ப்பு வந்தாலும் ஏறி அடிப்போம் என்று கண்டபடி உணர்ச்சிவசப்பட்டு படம் ஊத்திக் கொண்டதால் துப்பாக்கி விஷயத்தில் ரொம்பவே அடக்கி வாசிக்கிறார் முருகதாஸ். இப்பவே சொல்லிடறேன் இது என்னோட வழக்கமான படம் இல்லை, முழுக்க எண்டர்டெயின்மெண்ட்தான் என்று அவர் சொல்வதைப் பார்த்தால் கொஞ்சம் பகீர் என்றுதான் இருக்கிறது. அதுச‌ரி, இவ‌‌ரின் முந்தையப் படங்கள் மட்டும் எண்டர்டெயின்மெண்ட் இல்லாமல் கலைப் படங்களா என்ன.

ஹ‌ரிஸ் இசையில் பாடல்கள் ஏற்கனவே ஹிட். விஜய்யின் நடனம் வழக்கம் போல் தூள் கிளப்பும். என்ன இருந்தாலும் இல்லாவிட்டாலும் இந்த இரண்டும் படத்தின் வெற்றிக்கு உத்தரவாதம்தான். அப்புறம் இருக்கவே இருக்கிறது ஆக்ஷன் காட்சிகள்.

படத்தில் உள்ளதைவிட இந்தப் படத்துக்காக நடந்த ஆக் ஷன்கள் ரொம்ப சுவாரஸியம். முதலில் எஸ்ஏசி இந்தப் படத்தை தயா‌ரிப்பதாக இருந்தார். முருகதாஸ் கேட்ட சம்பளத்தில் அதிர்ச்சியாகி ஒருவழியாக சமாளித்து அடுத்தடுத்த வேலைகள் பரபரப்பாக நடந்தன. பிறகு படம் தாணுவுக்கு கைமாறியது. நடுவில் பைனான்ஸ் பிரச்சனை. விஜய் லம்பாக ஒரு அமௌண்ட் தந்து படப்பிடிப்பு பிரேக் ஆகாமல் பார்த்துக் கொண்டார்.

படத்தின் முதல் போஸ்ட‌ரில் விஜய் ஸ்டைலாக சுருட்டுப் பிடிக்க பசுமை தாயகம் உள்ளிட்டவர்களுக்கு மூக்கிறல் வியர்த்தது. போராட்டம், தடை என்று ராசாபாசமாகி, படத்தில் அப்படியொரு சீனே இல்லை என்று சமாளித்தார் முருகதாஸ். அதன் பிறகு கள்ளத்துப்பாக்கி படத்தின் வழக்கு. எட்டு வாரங்கள் இழுஇழுவென்று இழுத்து கடைசி நேரத்தில் பிரச்சனை பாஸிடிவ்வாக முடிந்தது. சென்சா‌ரிலிலும் யு சான்றிதழ். ஆனாலும் அறிவித்தபடி 9 ஆம் தேதி படத்தை வெளியிட முடியவில்லை.

இத்தனை போராட்டங்களுக்குப் பிறகு வெளிவருவதால் படம் சூப்பர்ஹிட்டாகும் என கோடம்பாக்கத்தின் பிரத்தியேக ஜோதிடர்கள் கணித்திருக்கிறார்கள். நல்லதே நடக்கட்டும்.

விஜய் காஜலுடன் ஜெயராம், வித்யுத் ஜம்வால், அனுபம் குமார், சத்யன், மனோபாலா, தீப்தி நம்பியார் என பலர் நடித்திருக்கிறார்கள். ஆண்டனி எட்டிட்டிங், ஒளிப்பதிவு தி கிரேட் சந்தோஷ்சிவன். மும்பை தெருக்களில் லைவாக எடுத்திருக்கும் காட்சிகள் ரசிகர்களுக்கு நல்ல அனுபவமாக இருக்கும்.

இந்த தீபாவளிக்கு சென்டர் ஆஃப் அட்ராக் ஷன் சந்தேகமில்லாமல் துப்பாக்கிதான்.

விஜய் டப்பா காலியான நடிகர்.... விமர்சனத்துக்கு நன்றி தல

அசுரன் wrote:விஜய் டப்பா காலியான நடிகர்.... விமர்சனத்துக்கு நன்றி தல

துப்பாக்கி உங்களையும் சுடும் ,,,,,

சிவா wrote:

ஹ‌ரிஸ் இசையில் பாடல்கள் ஏற்கனவே ஹிட்.

அப்பட்டமான பொய்

நன்றி தல விமர்சனத்துக்கு.. படம் பார்த்திட்டீங்களா?

பொம்ம துப்பாக்கி யாக ஆகாமல் இருந்தால் நன்று..!

துப்பாக்கி படத்தில் பெரும்பாலான காட்சிகள் அஜித் படத்தில் ஏற்கனவே உள்ளது ( பில்லா ,மங்காத்தா ) மற்றும் மின்னேலே படத்தின் பின்னணி இசையை அப்படியே இங்கு உபயோகபடுத்தி உள்ளார்கள் .

முத்துராஜ் wrote:துப்பாக்கி படத்தில் பெரும்பாலான காட்சிகள் அஜித் படத்தில் ஏற்கனவே உள்ளது ( பில்லா ,மங்காத்தா ) மற்றும் மின்னேலே படத்தின் பின்னணி இசையை அப்படியே இங்கு உபயோகபடுத்தி உள்ளார்கள் .

இது வேறயா

படம் பார்க்கலாமா?