அச்சில் மட்டுமே அரசியல் நடத்தும் சுங்கை சட்டமன்ற உறுப்பினர் - மாணிக்கம் நடேசன் சாடல்

**சிவா** · **சிவா** Thu 8 Nov 2012 - 23:22

தனது அரசியல் நிலைத்தன்மைக்காக தினந்தோறும் தமிழ் நாளேடுகளின் வழி அறிக்கை விட்டே அரசியல் நடத்தி வரும் சுங்கை சட்டமன்ற உறுப்பினர் அ.சிவநேசன், அரிசி தந்து அரசியல் நடத்துபவர்களைப் பற்றி பத்திரிகை அறிக்கை விடுவது கேலிக்கூத்தாகவும் வேடிக்கையாகவும் இருக்கிறது. தேவையான நேரத்தில் இயலாதவர்களுக்கு ஏதோ அரிசியாவது தருகிறார்களே என்று மகிழ்ச்சியடையாமல் அதற்கு எதிர்ப்பாக சாடல் அறிக்கை வெளியிடுவது கோமாளித்தனமாக இருக்கிறது. குறிப்பாக தனது தொகுதியில் இது போன்ற அல்லது இதற்கு மேலும் சிறப்பாக அ.சிவநேசன் செய்திருக்கிறாரா அல்லது இனியாவது செய்வாரா?

பத்திரிக்கைகளின் வழி மற்றவர்களைச் சாடி வரும் சில ஐ.செ.க நாடளுமன்ற சட்டமன்ற உறுப்பினர்கள் முதலில் தங்கள் தொகுதிகளில் உள்ள போதுமக்களுக்கு செய்த சேவைகள் என்ன என்பதைப் பட்டியலிடுவாரா? ஏதோ தாங்கள்தான் இந்தியர்களின் பிரதிநிதிகள் போன்று தங்களுக்குத் தாங்களே துதிபாடி நடித்துக் கொண்டிருக்கும் இவர்கள் பொதுமக்களுகாகவும் முறையான பணிமையம் அமைத்து சேவை செய்யாது மற்றவர்களைக் குறை கூறி வருவது விநோதமாக இருக்கிறது.

தேர்தல் காலங்களில் மட்டும் தொகுதி மக்களிடம் அக்கறை காட்டுவது போல் நடகமாடிவிட்டுப் பின்னர் அந்தப் பக்கமே தலை காட்டாதவர்கள். இப்பொழுது மட்டும் பொது நலத் தொண்டர்கள் போல் பொம்மலாட்டம் ஆடுவது புதுமையாக இருக்கிறது. இந்நாட்டில் 300,000 பேருக்கு அடையாள அட்டையும் குடியுரிமையும் இல்லை என்று கூறப்படுவது உண்மையா பொய்யா? என்பதையும் இதில் எத்தனை பேர் இந்தியர்கள் என்னும் உண்மையையும் அ.சிவநேசன் தான் விளக்க வேண்டும்.

தங்களது அரசியல் நிலைத்தன்மைக்காக ஏதோ ஓர் எண்ணிக்கையை வைத்துக் கொண்டு தெளிவற்ற மற்றும் பொருளற்ற முறையில் அறிக்கைகள் விட்டு மக்களின் கவனத்தைத் திசை திருப்ப முயல வேண்டாம். இப்பொழுதெல்லாம் பொதுமக்கள் மிகத் தெளிவாக இருக்கிறார்கள். பினாங்கு மாநில அரசு இந்தியர்களுக்காக செய்த நல்ல காரியங்கள் என்ன? அங்கு இந்தியர்கள் மகிழ்ச்சியாக வாழ்ந்த பகுதியான கம்போங் புவா பாலா இன்று என்ன ஆனது? இன்று சிலாங்கூர் அரசாங்கம் பத்துமலை அருகாமையில் நிர்ணயிக்கப்படவிருந்த அடுக்கு மாடிக் கட்டிட நிர்ணயிப்புக்கு தடை செய்தது போல் பினாங்கில் முன்பு தேசிய முன்னணி அரசாங்கம் அனுமதி வழங்கியிருந்த அடுக்குமாடி கட்டுமானப் பணியை உங்களது மக்கள் கூட்டணி மாநில அரசாங்கம் குறிப்பாக ஐ.செ.க வைச் சேர்ந்த முதல்வரும், இந்தியரான துணை முதல்வரும் ஏன் தடை செய்யவில்லை.

இதுதான் இந்தியர்களுக்கு பினாங்கு மாநில அரசாங்கம் செய்த நல்ல காரியமா? தனது தவறுகளை மறைகக் ஐ.செ.க தேசிய முன்னணி மீது புழுதியை வீசி பழியைப் போடுவது கோழைத்தனம். ஐ.செ.க வைச் சேர்ந்த அரசியல் தலைவர்களில் சிலர் மற்றவர்களைக் குறை கூறுவதைக் குறைத்துக் கொள்வதுடன் பத்திரிகை வழி அரசியல் நாடகமாடுவதை விடுத்து மக்களுக்கு சேவை ஆற்றுவதை முதன்மையாகக் செயல்பட வேண்டுமாய் கேட்டுக் கொள்ளப்படுகிறது!

- மாணிக்கம் நடேசன் (தாப்பா) @ நம்நாடு நாளிதழ்

அசுரன் · அசுரன் Thu 8 Nov 2012 - 23:33

அங்கேயுமா? இதுபோல ஆட்கள் புன்னகை

கடவுளே உலகத்த காப்பாத்து

இந்த பதிவைத் துவங்கியவர் நன்றி கூறியுள்ளார் அசுரன்

**சிவா** · **சிவா** Thu 8 Nov 2012 - 23:36

அசுரன் wrote:அங்கேயுமா? இதுபோல ஆட்கள் கடவுளே உலகத்த காப்பாத்து

ஆம், இவர்களைத்தான் நம் மாணிக்கம் நடேசன் நன்றாக விளாசியுள்ளார்கள். விரைவில் மலேசியாவில் தேர்தல் வரவிருக்கும் சூழலில் இக்கட்டுரை முக்கியத்துவம் வாய்ந்ததாகக் கருதப்படுகிறது!

அசுரன் · அசுரன் Thu 8 Nov 2012 - 23:38

அருமையான கட்டுரை நல்ல சவுக்கடி...

Sponsored content · Sponsored content

அச்சில் மட்டுமே அரசியல் நடத்தும் சுங்கை சட்டமன்ற உறுப்பினர் - மாணிக்கம் நடேசன் சாடல்

அச்சில் மட்டுமே அரசியல் நடத்தும் சுங்கை சட்டமன்ற உறுப்பினர் - மாணிக்கம் நடேசன் சாடல்

Re: அச்சில் மட்டுமே அரசியல் நடத்தும் சுங்கை சட்டமன்ற உறுப்பினர் - மாணிக்கம் நடேசன் சாடல்

Re: அச்சில் மட்டுமே அரசியல் நடத்தும் சுங்கை சட்டமன்ற உறுப்பினர் - மாணிக்கம் நடேசன் சாடல்

Re: அச்சில் மட்டுமே அரசியல் நடத்தும் சுங்கை சட்டமன்ற உறுப்பினர் - மாணிக்கம் நடேசன் சாடல்

Re: அச்சில் மட்டுமே அரசியல் நடத்தும் சுங்கை சட்டமன்ற உறுப்பினர் - மாணிக்கம் நடேசன் சாடல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக