நல்ல கறி... எப்படி வாங்குவது?

Guest · Guest Mon Nov 05, 2012 4:52 pm

சென்னை ரயில்களில் வந்த அந்தப் பெட்டிகளைப் பார்த்தபோது, அதிகாரிகள் அதிர்ந்துபோனார்கள். முடை நாற்றம் எடுக்க... அழுகிய நிலையில் இருந்தது இறைச்சி. அடுத்தடுத்த நாட்களில் வெளி மாநிலங்களில் இருந்து வந்த சரக்கு ரயில் பெட்டிகளைச் சோதித்தபோது மேலும் பல பெட்டிகள் சிக்கின. இப்படிக் கைப்பற்றப்பட்ட இறைச்சியின் மொத்த அளவு எவ்வளவு தெரியுமா? ஒன்றரை டன். எங்கிருந்து வருகிறது இந்த இறைச்சி என்பதுகுறித்து அதிகாரிகளுக்கு இதுவரை துல்லியமாகத் தெரியவில்லை. ஆனால், அது எங்கே போகிறது என்பது எல்லோருக்கும் தெரிந்து இருக்கிறது... உங்களுடைய வயிறு!

ஆமாம். தமிழகத்தில் ஆட்டிறைச்சியின் விலை 400 ரூபாயைத் தாண்டிவிட்டது. வெளி மாநிலங்களில் இருந்து அது 200 ரூபாய்க்குள் கிடைத்தால் லாபம்தானே? இந்த லாப வெறிதான் சாலையோர உணவகங்களில் இருந்து பெரிய உணவு நிறுவனங்கள் வரை இதுபோன்ற சட்டத்துக்குப் புறம்பான, சுகாதாரமற்ற இறைச்சியை வாங்க வைக்கிறது.

நல்ல கறி... எப்படி வாங்குவது? Meat58

இறைச்சி சாப்பிடும்போது நம்மை நாமே எப்படி பாதுகாத்துக்கொள்ளவது ?

'பொதுவாக, ஆட்டுத்தொட்டியில் வெட்டப்படும் இறைச்சியை நான்கு மணி நேரத்துக்குள் பயன்படுத்த வேண்டும். அதற்கு மேல் பதப்படுத்தாமல் வைத்திருந்தால், இறைச்சி அழுக ஆரம்பித்துவிடும். குளிர்பதனப் பெட்டிகளில் மைனஸ் 15 முதல் மைனஸ் 18 டிகிரி செல்ஷியஸ் அளவுக்கு இறைச்சியை ஒரு வாரம் வரை வைத்துப் பயன்படுத்தலாம். பொதுவாக, ஆடு மாடு உடலில் கிளாடீரியம், ஸ்டப்லா காகஸ், எக்கினோ காகஸ், ஈகோலி, ஆஸ்காரிஸ் போன்ற ஏராளமான நுண்ணுயிரிகள் இருக்கின்றன. ஆடு மாடு இறந்ததும் இவை அதிக அளவில் பல்கிப் பெருகி அதைச் சிதைக்க ஆரம்பிக்கின்றன. இதனால், இறைச்சி அழுக ஆரம்பிக்கிறது. மேலும், பூஞ்சைத் தொற்றும் ஏற்படலாம். எனவே, கால்நடைகளை வெட்டிய அடுத்த சில மணி நேரங்களில் சமைத்துச் சாப்பிடுவதுதான் நோய்க் கிருமிகளைத் தவிர்க்க ஒரே வழி. கெட்டுப்போன இறைச்சியில் உள்ள கிருமிகள் மனித உடலுக்குள் செல்லும்போது பல்வேறு பாதிப்புகளை ஏற்படுத்தும். ரத்தக் குழாய்கள் வழியே சென்று மூளையைப் பாதிக்கும். ஹைடாடிட் என்ற ஒட்டுண்ணியானது கல்லீரலுக்குச் சென்று அங்கு கட்டியை உருவாக்கும். நுரையீரலை அடையும் கிருமிகள் சுவாசப் பிரச்னை, இடைவிடாத இருமல், சளி போன்றவற்றை ஏற்படுத்தக்கூடும். தசைகளில் தங்கும் கிருமிகள் தீராத வலியை ஏற்படுத்தும். இதுதவிர, வயிற்றுப்போக்கு, வாந்தி போன்றவையும் ஏற்படலாம். பாதுகாப்பு இல்லாத இறைச்சியை ஈக்கள் மொய்க்கும்போது காலரா போன்ற நோய்கள் ஏற்படும்

பாதுகாப்பான இறைச்சியை எப்படிப் பார்த்து வாங்குவது?

1. நீங்கள் செல்லும் இறைச்சிக் கடை தினந்தோறும் திறக்கக் கூடியதா?
2. அந்தக் கடைக்கு அரசு உரிமம் உள்ளதா?
3. கடையில் சுத்தமான சூழல் உள்ளதா?
4. இறைச்சி பக்கத்தில் நிற்கும்போது மொஞ்சை (கவுச்சி) வாடை அடிக்கக் கூடாது.
5. இறைச்சி நிறம் மிகவும் சிவப்பாகவோ, மிக அதிகம் வெளுத்துப்போயோ இருக்கக் கூடாது. இறைச்சி இளஞ்சிவப்பு நிறத்தில் இருக்க வேண்டும்.
6. கறியைத் தொட்டுப் பார்த்தால் ஜில் என இருக்கக் கூடாது. அப்படி 'ஜில்’ என இருந்தால் அது குளிர்பதனப் பெட்டியில் வைத்த முந்தைய நாள் இறைச்சியாக இருக்கலாம்.

--
மழைக்காகிதம்

**krishnaamma** · **krishnaamma** Mon Nov 05, 2012 4:59 pm

காய்கறி வாங்கலாம் வரிங்களா?
நான் இந்த லிங்க் தரலாம் என்று உள்ளே வந்தேன்........... வந்து பார்த்தால் இது வேற .............. புன்னகை

**ராஜா** · **ராஜா** Mon Nov 05, 2012 5:10 pm

பகிர்வுக்கு நன்றி புரட்சி , இன்று மழைக்காகிதம் நிறைய பார்த்துட்டிங்க போல புன்னகை

**கே. பாலா** · **கே. பாலா** Mon Nov 05, 2012 5:16 pm

krishnaamma wrote:காய்கறி வாங்கலாம் வரிங்களா?
நான் இந்த லிங்க் தரலாம் என்று உள்ளே வந்தேன்........... வந்து பார்த்தால் இது வேற ..............

நன்றி

**ராஜா** · **ராஜா** Mon Nov 05, 2012 5:18 pm

கே. பாலா wrote:
krishnaamma wrote:காய்கறி வாங்கலாம் வரிங்களா?
நான் இந்த லிங்க் தரலாம் என்று உள்ளே வந்தேன்........... வந்து பார்த்தால் இது வேற ..............
நன்றி

எங்கே நீண்ட நாளா உங்களை பார்க்க முடியவில்லை சார்

**krishnaamma** · **krishnaamma** Mon Nov 05, 2012 5:20 pm

கே. பாலா wrote:
krishnaamma wrote:காய்கறி வாங்கலாம் வரிங்களா?
நான் இந்த லிங்க் தரலாம் என்று உள்ளே வந்தேன்........... வந்து பார்த்தால் இது வேற ..............
நன்றி

எதுக்கு வெல்கம் பாலா புன்னகை

நலமா?

**கே. பாலா** · **கே. பாலா** Mon Nov 05, 2012 5:23 pm

ராஜா wrote:
கே. பாலா wrote:
krishnaamma wrote:காய்கறி வாங்கலாம் வரிங்களா?
நான் இந்த லிங்க் தரலாம் என்று உள்ளே வந்தேன்........... வந்து பார்த்தால் இது வேற ..............
நன்றி
எங்கே நீண்ட நாளா உங்களை பார்க்க முடியவில்லை சார்

ஆமாம் ராஜா ... கொஞ்சநாள் வீட்டில் இணைய இணைப்பு பிரச்சனை .... முன்பெல்லாம் பள்ளியில் கூட ஓய்வு நேரத்தில் பதிவிடுவேன் ... சில காரணங்களால் அதை முற்றிலும் தவிர்த்து விட்டேன் .... நேரம் கிடைக்கும் போது வரத்தவறுவதில்லை

**கே. பாலா** · **கே. பாலா** Mon Nov 05, 2012 5:27 pm

krishnaamma wrote:[
எதுக்கு வெல்கம் பாலா நலமா?

மிக்க நலம் அம்மா

**ராஜா** · **ராஜா** Mon Nov 05, 2012 5:31 pm

கே. பாலா wrote:ஆமாம் ராஜா ... கொஞ்சநாள் வீட்டில் இணைய இணைப்பு பிரச்சனை .... முன்பெல்லாம் பள்ளியில் கூட ஓய்வு நேரத்தில் பதிவிடுவேன் ... சில காரணங்களால் அதை முற்றிலும் தவிர்த்து விட்டேன் .... நேரம் கிடைக்கும் போது வரத்தவறுவதில்லை

தமிழ்நாட்டில் மின்சாரம் இருப்பதே அரிதாக இருக்கிறது , நேரம் கிடைக்கும் போது வாங்க சார் . புன்னகை

Sponsored content · Sponsored content

நல்ல கறி... எப்படி வாங்குவது?

நல்ல கறி... எப்படி வாங்குவது?

நல்ல கறி... எப்படி வாங்குவது?

Re: நல்ல கறி... எப்படி வாங்குவது?

Re: நல்ல கறி... எப்படி வாங்குவது?

Re: நல்ல கறி... எப்படி வாங்குவது?

Re: நல்ல கறி... எப்படி வாங்குவது?

Re: நல்ல கறி... எப்படி வாங்குவது?

Re: நல்ல கறி... எப்படி வாங்குவது?

Re: நல்ல கறி... எப்படி வாங்குவது?

Re: நல்ல கறி... எப்படி வாங்குவது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக