"தீபாவளி ஸ்பெஷல்' சாராயம் தயாரிப்பு: கல்வராயன் மலையில் மீண்டும் "ஊறல்'

ஆத்தூர்: ஆத்தூர் அடுத்த சின்ன கல்வராயன் மலை நீர்வீழ்ச்சி பகுதிகளில், தீபாவளிக்காக, "ஸ்பெஷல்' கள்ளச்சாராயம் காய்ச்சப்பட்டு வருகிறது. அதற்காக, 1,000க்கும் மேற்பட்ட பேரல்களில், ஊறல் போட்டுள்ளனர். சாராயம் காய்ச்சுவது குறித்து தகவல் தெரிந்தும், போலீசார் கண்டு கொள்ளாமல் உள்ளனர். சேலம், விழுப்புரம், தர்மபுரி மற்றும் திருவண்ணாமலை ஆகிய நான்கு மாவட்டத்தின் எல்லைப் பகுதியாக, கல்வராயன் மலை உள்ளது. இம்மலை, சேலம் முதல், வாழப்பாடி, ஆத்தூர் வரை, பெரிய கல்வராயன் மலை எனவும்; ஆத்தூர், தலைவாசல் முதல், விழுப்புரம் மாவட்டம் வரை, சின்ன கல்வராயன் மலை என அழைக்கப்படுகிறது. இதில், ஆத்தூர் அருகே உள்ள, கல்லாநத்தம் முட்டல் ஏரிப் பகுதியில், பெரிய கல்வராயன் மற்றும் சின்ன கல்வராயன் என, இரண்டு மலைகளாகப் பிரிகிறது. இவற்றில், ஜடையகவுண்டன், இடைபடு காடு ஆகியன, வனத் துறையினரால் பாதுகாக்கப்பட்ட வனப்பகுதியாக உள்ளது.

இங்கு, 100க்கும் மேற்பட்ட மலைக்கிராமங்களும், பல்வேறு நீர்வீழ்ச்சிகளும் உள்ளன. மலைப்பகுதி பெரும்பாலும், விழுப்புரம் மாவட்ட போலீசார் கட்டுப்பாட்டில் உள்ளது. அதில், 20க்கும் மேற்பட்ட மலைக் கிராமப் பகுதியில், கள்ளச்சாராயம் அதிகளவில் காய்ச்சப்படுகிறது. அவ்வாறு, காய்ச்சப்படும் கள்ளச்சாராயம், தலைவாசல் வழியாக, பைக், மொபட், ஆம்னி கார், டிராக்டர் உள்ளிட்ட வாகனங்களில், கடத்திச் செல்லப்படுகிறது. கள்ளச்சாராயம், அருகில் உள்ள, ஏழு மாவட்டங்களுக்கு சப்ளை செய்யப்படுகிறது.

இம்மாதம், 13ம் தேதி, தீபாவளி பண்டிகை வருகிறது. அதையொட்டி, கல்வராயன் மலை பகுதியில் உள்ள, ஐந்து இடங்களில், கள்ளச்சாராயம் காய்ச்சுவதற்காக, ஊறல் போடப்பட்டுள்ளது.மேலும், சாராய வியாபாரிகள், 20க்கும் மேற்பட்ட இடங்களில், தனித் தனியாக, 1,000க்கும் மேற்பட்ட ஊறல்கள் போட்டுள்ளனர். 100க்கும் மேற்பட்ட கூலித் தொழிலாளர்கள் உதவியுடன், தீபாவளி பண்டிகைக்காக, "ஸ்பெஷல் கள்ளச்சாராயம்' உற்பத்தி செய்யும் பணி தீவிரமாக நடந்து வருகிறது.விழுப்புரம் மாவட்ட போலீசார் மற்றும் வனத்துறையினர், சாராயம் காய்ச்சுதல், கடத்தல் குறித்து தெரிந்தும், "கவனிப்பு' வருவதால், கண்டு கொள்ளாமல் உள்ளதாக, புகார் எழுந்துள்ளது. கல்வராயன் மலையில் சாராயம் காய்ச்சுவதால், ஏழு மாவட்டங்களில், "டாஸ்மாக்' கடைகளில், சரக்கு விற்பனை கடுமையாக பாதிக்கும் சூழல் உள்ளது.

தொழிலாளருக்குரூ.500 சம்பளம்: கள்ளச்சாராயம் காய்ச்சும் கும்பல், வறுமையில் உள்ள கூலித் தொழிலாளர்களை ஈடுபடுத்தி, அவர்களுக்கு தினமும், 500 ரூபாய் சம்பளம் கொடுத்து, சாராயம் காய்ச்ச பயன்படுத்துகின்றனர். சாராயம் காய்ச்சுவதற்கு பயன்படும் கடுக்காய், கல்வராயன் மலையில் கிடைக்கிறது. கறுப்பு வெல்லம், வெள்ள வேலம் மரப்பட்டைகள், அழுகிய பழங்கள், ஆத்தூர், கள்ளக்குறிச்சி, சின்னசேலம் பகுதிகளில் உள்ள பழக்கடையில் இருந்து, மொத்தமாக சேகரித்து, செல்கின்றனர். உற்பத்தி செய்த சாராயத்தை, லாரி, டயர் டியூப்களில் அடைத்து வைத்து, புதர் பகுதியில் போட்டு வைத்துள்ளனர். பின், தேவைக்கேற்ப கடத்திச் செல்கின்றனர்.

தினமலர்

சிவா wrote:சாராயம் காய்ச்சுவதற்கு பயன்படும் கடுக்காய், கல்வராயன் மலையில் கிடைக்கிறது. கறுப்பு வெல்லம், வெள்ள வேலம் மரப்பட்டைகள், அழுகிய பழங்கள், ஆத்தூர், கள்ளக்குறிச்சி, சின்னசேலம் பகுதிகளில் உள்ள பழக்கடையில் இருந்து, மொத்தமாக சேகரித்து, செல்கின்றனர்.

அப்படியே கொஞ்சம் விஷத்தையும் சேர்த்து காய்ச்சுங்க சமூக சேவககர்களே, உங்களின் சேவையால் தமிழ்நாட்டில் நல்லவர்கள் எண்ணிக்கை உயர வாய்ப்புள்ளது

"ஸ்பெஷல்' கள்ளச்சாராயம்

இதுல என்ன ஸ்பெஷல் ?

பாலாஜி wrote:

அதிர்ச்சியடையாதீங்க பாலாஜி , உங்களுக்கு சொன்ன தேதியில் சரக்கு சப்ளை பண்ணிடுவாங்க.

ராஜா wrote:

பாலாஜி wrote:

அதிர்ச்சியடையாதீங்க பாலாஜி , உங்களுக்கு சொன்ன தேதியில் சரக்கு சப்ளை பண்ணிடுவாங்க.

ஒகே தல , இது போன்ற செய்திகள் வரும்போது சரியாக ஆஜர் ஆகிவிடுகின்றேன் அதனால்தான் இந்த அதிர்ச்சி