"இறைவனை துதித்து தொடர்ச்சியாக நூறு கவிதைகள்" - Page 7

பூவன் · பூவன் Tue Oct 30, 2012 11:51 pm

First topic message reminder :

இந்த திரியில் யாரும் பின்னூட்டம் இடவேண்டாம் .... இந்த திரிக்கு பின்னூட்டம் இங்கு http://www.eegarai.net/t90769-100#top இடலாம்.

முழு முதல் கடவுள் கணபதியை தொழுது இந்த முதல் கவிதை வடிக்கிறேன் ....

1 .யானை முகம் கொண்டு
பானை வயிறும் கொண்டு
பார்க்கும் இடமெல்லாம் காட்சி தந்து
பாற்கடலின் மேல்
பள்ளி கொண்டோனும்
போற்றும் பாவலன் நீ
இந்த சிறு பாலகனையும்
பார்த்து அருள் புரிவாயாக
காத்து அருள் புரிவாயாக ....

பூவன் · பூவன் Wed Oct 31, 2012 3:56 pm

21 ..

குறை கண்ட போதெல்லாம்
நிறை காணவே உன்னை
பிறையென கண்டோம்
மறையானே !!

மறைகள் முழங்கும்
மாட கூடலில்
மங்கையரும் மழலையரும்
மயங்கி கூட கண்டேன்

நின் புகழ் பாடிடும்
திருநாள் என்ற
சிவராத்திரியிலே .....

பூவன் · பூவன் Wed Oct 31, 2012 4:07 pm

22 ..

புன்னகை முகம் ஆட
பொன் மலரும்
பூ முகம் கண்டேன் ..

உன் பொற்பாதம் தொட்டே
பாதம் பதிக்கும்
பாலகன் தொடர்ந்து
பூவையரும் பூவாக வரைய கண்டேன்

பூந்தளிர் போல நீ வரும்
பூமேனியை காண
கண்கள் பூத்து நின்றேன்
கிருஷ்ணன் ஆக நீ வருவாய் என்றே .....
வரம் தருவாய் என்றே .....

பூவன் · பூவன் Wed Oct 31, 2012 4:54 pm

23 ..

மெல்லிய காற்று
நுழைந்து கான இசை
பாட மெல்லமாய் குழல் ஊதி
மங்கையரும் மயங்கும்
மன்னவன் நீ ஆவாய்..

காளை என நீ
லீலைகள் பல புரிவாய்
விளையாட்டாக ..
வெள்ளி மழையோடும்
விண்ணகத்து மன்னனாம்
கண்ணான நீயே .....

பூவன் · பூவன் Wed Oct 31, 2012 5:28 pm

24 .

நித்தம் நித்தம் தொழும்
எனக்கு உன் அருள் சித்தம் வேணும் ..
மெத்தமாய் உன் புகழ் பாட
மொத்தமாய் வார்த்தைகள் தேட
வந்த வாசகம் எல்லாம்
உன் ஐந்தெழுத்து வாசகத்திருக்கு
இணை இல்லையே ...

பூவன் · பூவன் Wed Oct 31, 2012 5:33 pm

25 .

மலையெல்லாம் உன் வீடு
அதன் பெருமை சொல்லவே
அறுபடை வீடு ...
மயிலே உன் வாகனம்
அதுவே நீ மலையேறும் சாதனம் ...

வேல் கொண்டு விளையாடி
வேலன் என்றே பெயரும் கொண்டாய் .....

பூவன் · பூவன் Wed Oct 31, 2012 6:53 pm

26 .

உலகாள்பவன் நீ என
உனக்கு தேவாரம்
பாடியோர் நால்வர் ...

உலகெல்லாம் நீயே என
உலகுக்கு உணர்த்திய
ஒரு வாசகம் அது திருவாசகம் ...

உன் வசை பாடியே
திசை எட்டும் புகழ் கிட்டியது
உன் அருள் கிட்டவே
சொல் எடுத்து வந்தேன்
உன் புகழ் பாடியே ......

பூவன் · பூவன் Wed Oct 31, 2012 7:16 pm

27 .

வில்லாதி வில்லன்
வில்லின் செல்வனாம்
சொல்லில் அரசானம்
ராமன் உன் புகழ் பாடியே !!

ஒரு வில் ஒரு சொல் வேந்தன்
உன்னையும் ஒரு இல்
ஊழ் என வந்ததே ?

என்னை ஊழ் வாட்டாமல்
உன் வில் கொண்டு காப்பாயாக !!!

பூவன் · பூவன் Wed Oct 31, 2012 8:14 pm

28 ...

முழு முதல் கடவுளாம்
எந்த செயலும் உன்னை
முதல் தொழுதே
பிள்ளையார் சுழி விழுதே ...

அரச மரமெல்லாம் உன்
அழகு அரண்மனைகள்
அழகாக அமர்ந்து
அருள் புரியும் பெருமானே ...

பூவன் · பூவன் Wed Oct 31, 2012 9:33 pm

29 .

காவடிகள் ஆடி வருவது
காவடி சிந்து பாடி வருவது
மயிலாட்டம் ஆடி வருவது
ஒயிலாட்டம் பாடி வருவது

எல்லாம் வேலாட்டம் ஆடும்
வேலன் உன்னை வேண்டியே
மயில்வாகனன் உன்னை
மகிழ்ந்து மனமுருகி வணங்கவே !!!!

பூவன் · பூவன் Wed Oct 31, 2012 9:45 pm

30 ..

நெஞ்சம் உருக பாடி
நீயே தஞ்சம் என்று
உன்னை சரணடைந்தேன் ....

சரணங்கள் பாடி
வரங்கள் வேண்டி
கரங்கள் கூப்பி
கணம் தொழுதேன் ...

தொந்தியுடன் முந்தி நின்ற
காக்கும் கடவுள் ஆன
கணபதியான உன்னையே
கரணங்கள் போட்டே !!!!

Sponsored content · Sponsored content

"இறைவனை துதித்து தொடர்ச்சியாக நூறு கவிதைகள்" - Page 7

"இறைவனை துதித்து தொடர்ச்சியாக நூறு கவிதைகள்" - Page 7

Re: "இறைவனை துதித்து தொடர்ச்சியாக நூறு கவிதைகள்" - Page 7

"இறைவனை துதித்து தொடர்ச்சியாக நூறு கவிதைகள்" - Page 2

"இறைவனை துதித்து தொடர்ச்சியாக நூறு கவிதைகள்" - Page 2

Re: "இறைவனை துதித்து தொடர்ச்சியாக நூறு கவிதைகள்" - Page 7

Re: "இறைவனை துதித்து தொடர்ச்சியாக நூறு கவிதைகள்" - Page 7

Re: "இறைவனை துதித்து தொடர்ச்சியாக நூறு கவிதைகள்" - Page 7

Re: "இறைவனை துதித்து தொடர்ச்சியாக நூறு கவிதைகள்" - Page 7

Re: "இறைவனை துதித்து தொடர்ச்சியாக நூறு கவிதைகள்" - Page 7

Re: "இறைவனை துதித்து தொடர்ச்சியாக நூறு கவிதைகள்" - Page 7

Re: "இறைவனை துதித்து தொடர்ச்சியாக நூறு கவிதைகள்" - Page 7

Re: "இறைவனை துதித்து தொடர்ச்சியாக நூறு கவிதைகள்" - Page 7

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக