நியூ ஜெர்சியை தாக்கியது சாண்டி புயல் : மக்கள் தவிப்பு

அமெரிக்காவின் கிழக்கு கடற்கரைப் பகுதியை சேண்டி புயல் தாக்கியதில் மணிக்கு 90 மைல் கி.மீ. சூறாவளி வீசியதில் கடல் அலைகள் 13 அடி உயரத்துக்கு எழும்பி கரையை தாக்கின. கன மழையில் நியூயார்க் நகரில் வெள்ளம் சூழ்ந்தது. மின்சாரம், ரயில், பஸ், விமான போக்குவரத்து நிறுத்தப்பட்டது. புயல் காரணமாக நேற்று 3 பேர் பலியாயினர். இதனால் பல மாநில மக்களின் இயல்பு வாழ்க்கை கடுமையாக பாதிக்கப்பட்டுள்ளது. கரீபியன் கடலில் உருவான சேண்டி புயல், ஜமைக்கா, கியூபாவை தாக்கியது. இதில் 65 பேர் இறந்துள்ளதாக அதிகாரிகள் தெரிவித்தனர். சேண்டி புயல் அமெரிக்காவை நோக்கி நகர்ந்தது. நேற்றிரவு புயல் தரையை நெருங்கியது. அப்போது 90 மைல் கி.மீ. வேகத்தில் சூறாவளி காற்று வீசியது. நியூஜெர்சியை புயல் தாக்கியது. மரம் விழுந்து ஒருவர் பலியானார்.

விபத்தில் 2 பேர் பலியாயினர். பல பகுதிகளில் நிலச்சரிவு ஏற்பட்டுள்ளது. இதில் இதுவரை 10 பேர் பலியாகி உள்ளதாக தகவல்கள் வெளியாகி உள்ளன. நகரில் சுரங்க பாதைகள், சாலைகளில் வெள்ளம் சூழ்ந்துள்ளது. நியூயார்க் நகரிலும் கனமழை காரணமாக இயல்பு வாழ்க்கை பாதிக்கப்பட்டது. 12 ஆயிரம் விமானங்கள் ரத்து செய்யப்பட்டன. அத்துடன், மெட்ரோ ரயில்கள், பஸ் போக்குவரத்து, மின்சாரம் நிறுத்தப்பட்டன. இதனால் மின்சாரம் இன்றி நியூயார்க் நகரமே இருளில் மூழ்கியது. வெள்ளம், மின் தடை காரணமாக மீட்புப் பணிகளில் சிக்கல் ஏற்பட்டுள்ளது. மேலும், வடக்கு கரோலினா முதல் கனெக்டிகட் வரையில் அவசர நிலை அறிவிக்கப்பட்டது. மக்கள் யாரும் வெளியில் வரவேண்டாம் என்று நியூயார்க் நகர மேயர் மைக்கேல் புளூம்பெர்க் நேற்றே முன்னெச்சரிக்கை அறிவிப்பு வெளியிட்டார்.

பள்ளி, கல்லூரிகளுக்கு கால வரையற்ற விடுமுறை அறிவிக்கப்பட்டுள்ளது. ஷாப்பிங் சென்டர்கள் தியேட்டர்கள், அலுவலகங்கள் மூடப்பட்டுள்ளன. இதனால் நியூயார்க் நகரமே வெறிச்சோடி காணப்படுகிறது. நகரில் உள்ள ஐ.நா. அலுவலகம் உள்பட வெளிநாட்டு அரசு அலுவலகங்களும் மூடப்பட்டுள்ளன. அமெரிக்காவில் அடுத்த மாதம் அதிபர் தேர்தல் நடக்கிறது. தற்போதைய அதிபர் ஒபாமாவும், குடியரசு கட்சி வேட்பாளர் மிட் ரோம்னியும் தீவிர பிரசாரத்தில் ஈடுபட்டிருந்தனர். புயல் காரணமாக அவர்கள் பிரசாரத்தை ரத்து செய்தனர். இதனால் இயல்பு வாழ்க்கை முற்றிலும் முடங்கி உள்ளது. சேண்டி புயல் காரணமாக அமெரிக்காவுக்கு கோடிக்கணக்கான ரூபாய் நஷ்டம் ஏற்பட்டுள்ளது. இந்த புயல் அட்லாண்டிக் கடல் பகுதியில் இன்று கரை கடக்கும் என்று எதிர்பார்க்கப்படுகிறது.

நன்றி தமிழ் source

அமெரிக்காவில் சாண்டி புயல் அச்சுறுத்தல் காரணமாக 7,100 விமானங்கள் ரத்து செய்யப்பட்டன. நியூயார்க் நகரில் 3 லட்சம் மக்கள் பாதுகாப்பான இடத்துக்கு வெளியேற மேயர் உத்தரவிட்டார். அங்குள்ள சுரங்க ரெயில்கள், பஸ்கள் போக்குவரத்தும் நிறுத்தப்பட்டுள்ளது.

கரீபியன் கடல் பகுதியில் கடந்த வாரம் உருவாகிய சாண்டி என்ற புயல் ஜமைக்கா, கியூபா ஆகிய நாடுகளை தாக்கியது. அங்கு இதன் காரணமாக பெய்த மழை-நிலச்சரிவுகளில் 66 பேர் பலியானார்கள். பின்னர் புயல் அமெரிக்காவின் கிழக்கு கடற்கரையை நோக்கி நகர்ந்தது.

தற்போது இந்த புயல் நியூயார்க் நகருக்கு தென்கிழக்கே 615 கிலோ மீட்டர் தொலைவில் நிலை கொண்டுள்ளது. இது விரைவில் அமெரிக்காவின் மத்திய அட்லாண்டிக் மாநிலங்கள் வழியாக கரையை கடக்கும் என்றும், அப்போது மணிக்கு 140 கிலோ மீட்டர் வேகத்தில் காற்று வீசக்கூடும் என்றும் வானிலை ஆய்வு மையம் தெரிவித்துள்ளது.

இதன் காரணமாக வெர்ஜினியா, மேரிலாந்து, நியூஜெர்சி, நியூயார்க், பிலடெல்பியா, வாஷிங்டன், பாஸ்டன் ஆகிய பகுதிகளில் சூறாவளி காற்றுடன் கன மழை பெய்யும் என எதிர்பார்க்கப்படுகிறது. இதனால் நிïயார்க் உள்பட பல முக்கிய நகரங்களில் போர்க்கால அடிப்படையில் முன் எச்சரிக்கை நடவடிக்கை மேற்கொள்ளப்பட்டுள்ளன.

புயல் காரணமாக அமெரிக்காவில் 7,100 விமானங்கள் நேற்று முதல் ரத்து செய்யப்பட்டன. இவற்றில் சுமார் 3 ஆயிரம் சர்வதேச விமானங்களாகும். மற்றவை உள்ளூர் சேவை விமானங்கள். இதனால் விமான பயணிகள் பெரும் அவதிக்குள்ளானார்கள். சில நிறுவனங்கள் பயணிகளை ஓட்டல்களில் தங்க வைக்க ஏற்பாடு செய்தன. இதனால் ஓட்டல்களில் கூட்டம் அலைமோதியது.

மீண்டும் செவ்வாய்க்கிழமை விமான சேவை தொடங்கப்படும் எனவும் மழை, மோசமான வானிலை நிலவினால் மேலும் தாமதம் ஏற்படும் என்றும் விமான நிறுவனங்கள் தெரிவித்துள்ளன. இதேபோல இங்கிலாந்து நாட்டிலிருந்து நிïயார்க் செல்லும் அனைத்து விமானங்களையும் பிரிட்டீஷ் ஏர்வேஷ் நிறுவனம் ரத்து செய்து விட்டது.

நியூயார்க் நகரிலுள்ள சுரங்க ரெயில்கள் மற்றும் பஸ்கள் சேவையும் அடியோடு நிறுத்தப்பட்டு விட்டன. இதனால் நேற்று பொதுமக்கள் வீடுகளிலேயே முடங்கி கிடந்தார்கள். நியூயார்க் பங்கு சந்தையும் மூடப்பட்டது.

மேலும் நியூயார்க் நகரில் தாழ்வான பகுதிகளில் வசிக்கும் 3 லட்சத்து 75 ஆயிரம் பேர் பாதுகாப்பான இடங்களுக்கு வெளியேறும்படி நகர மேயர் மைக்கேல் உத்தரவிட்டார். அத்துடன் கடலில் 3 அடி உயரத்துக்கும் மேல் அலைகள் எழும் என்றும் 12 அங்குலம் (30 சென்டி மீட்டர்) மழை பெய்யும் என்றும் எதிர்பார்க்கப்படுவதாக அறிவிக்கப்பட்டுள்ளது.

புயல் கடக்கும் பகுதியில் சுமார் 5 கோடி பேர் வசிக்கிறார்கள். இவர்கள் இரண்டொரு நாள் பெரும் பாதிப்புக்கு ஆளாகிறார்கள். அமெரிக்க அதிபர் தேர்தல் பிரசாரமும் பாதிப்பு அடைந்தது. ஒபாமா, மிட் ரோம்னி தங்கள் சுற்றுப்பயணத்தை மாற்றி அமைத்து வருகிறார்கள்.

அமெரிக்காவில் கிட்டத்தட்ட 11 மாநிலங்களில் மின்சாரம் இன்றி காணப்படுகிறது. ஏறக்குறைய 3.1 லட்சம் மக்கள் இருளில் தத்தளிக்கின்றனர்.

அமெரிக்காவில் சாண்டி புயலின் தாக்கத்தால் தொடர்ந்து கனமழை பெய்து வருகிறது. இதனால் அனைத்து இடங்களும் நீரில் மூழ்கி உள்ளன. அமெரிக்காவின் மிகப் பழமையான அணுஉலையிலும் நீர் உட்புகுந்துள்ளது.

முறையான பராமரிப்பு இருந்தாலும் புயலின் தாக்கம் கடுமையாக இருப்பதால் கடல்நீர் அணுஉலைக்குள் வரத் துவங்கி உள்ளது. இது எதிர்பாராத நிகழ்வு என அணுஉலை ஒழுங்குமுறை ஆணையம் தெரிவித்துள்ளது. எச்சரிக்கை அறிவிப்பு வருவதற்கு 2 மணிநேரத்திற்கு முன்பு தான் நிலைமை மோசமாகத் துவங்கியதாக தெரிவித்துள்ளனர். இருப்பினும் நாட்டின் அனைத்து அணுஉலைகளும் பாதுகாப்பாக இருப்பதாக அதிகாரபூர்வ அறிவிப்பு வெளியிடப்பட்டுள்ளது.