பெண் சிசு கொலை;

வித்யாசாகர் · வித்யாசாகர் Mon Oct 12, 2009 1:29 am

Chocy wrote:உடனடி உதவி தேவை
பெண் சிசுக் கொலை பற்றிய கட்டுரை யாரவது தாருங்களேன் !

பெண்சிசு கொலை;

என் பத்துமாத சுமப்பில்
என் பிரபஞ்சமாய் பூத்தவளே;
என் பெண்மைக்கு - நெற்றி பொட்டிட்டு
எனை அம்மாவாய் பெற்றவளே;

ஊர் தூற்றிய மலடிக்கு - உன்
ஒற்றை பிறப்பில் உயிர் வார்த்தவளே;
உயிர் பிரிந்து செல்கையில் - என்
கால்மாட்டை நனைத்து காலனை சபிப்பவளே;

என் இரவுபகல் வலி தின்று - என்
ரத்தத்தில் சமைந்தவளே;
வாந்தியெடுத்த வேதனைக்கெல்லாம் - அம்மா
அம்மாவென அழைப்பவளே;

கோவில்குளம் சுற்றிவர - என்
சாமியாட்டம் பிறந்தவளே;
நான் கண் திறந்துப் பார்க்கும் முன்னே
நீ கண்ணடஞ்சிப் போனதென்ன;

அருகம்புல் அறுப்பது போல்
உன் உயிரிங்கே அருந்ததென்ன;
நான் பெற்றபிள்ளை ஒற்றை பிள்ளை
பெண்ணென்பதால் கொன்றதென்ன;

உனக்கு ரத்தம் பாய்ச்சிய உடம்பெல்லாம்
வெடித்து உயிரற்று சிதறாதா;
உனக்கு பால் தராத மார்பிரண்டும்
அறுபட்டுத் துடிக்காதா;

பத்துமாதம் சுமந்த கணம்
நெஞ்சிலிருந்தே நீங்கலையே;
உன் உயிர் தின்று யொழிந்த - கொலை
என்னையும் சேர்த்து கொல்லலையே;

என் பத்துமாத சுமப்பில்
பிரபஞ்சமாய் பூத்தவளே;
என் பெண்மைக்கு நெற்றி பொட்டிட்டு
எனை அம்மாவாய் பெற்றவளே;

எனைப் பெற்ற தாயிற்கு
நான் மட்டுமென்ன ஆண்பிள்ளையா????
உன்னை கொன்ற பாவிக்கு
பிறந்த வழி ஆணுறுப்பா????

பெண் மட்டுமில்லாம
ஆண்பிள்ளை பிறப்பானா?????
ஆணுக்கு பெண்ணின்றி
துணையேது புரியாதா????

ஏய்............. மனிதம் கொல்லும் மானுடமே
இன்னும் எத்தனை பெண்களை -
கொல்வாய்???
எத்தனை தலைமுறைக்குக் கொல்வாய்??????

ஒன்று புரி -
நீ பெண்சிசு கொல்கையில் -
இறப்பது பெண் மட்டுமல்ல;
நீயும் தான்!!
-----------------------------------------------------------
வித்யாசாகர்

பிரகாஸ் · பிரகாஸ் Mon Oct 12, 2009 1:31 am

வணக்கம் நண்பரே
பெண் இனமே இலையேல் உலகமே இல்லை மனித இனமே குறைந்து விடும்

**சிவா** · **சிவா** Mon Oct 12, 2009 1:38 am

பெண் சிசுக்கொலை பற்றி கட்டுரை கேட்ட ஹரிணிக்கு சிறப்பான கவிதையையே தந்துவிட்டார் வித்யா! அருமை வித்யா!

ரூபன் · ரூபன் Mon Oct 12, 2009 1:57 am

எப்படி முடிகிறது உங்களால் வித்தி அண்ணா அப்படியே ஊர்ருமாதிரி கவிதை வந்துக்கிட்டே இருக்கே

வித்யாசாகர் · வித்யாசாகர் Mon Oct 12, 2009 2:00 am

நன்றி பிரகாஷ் மற்றும் சகோ.

இன்னும் இரண்டு மூன்று நாள் தான் ஈகரையில் தொடர்ச்சியாக இருப்பேன் என்றீர்களா, அதனால் நிச்சயம் இரவு வரவேண்டுமென நினைத்தேன்; தங்கை வேறு பெண்சிசு கொலை பற்றி கேட்டிருந்தார். அதை பற்றி "கள்ளிப் பாலில் எம அவதாரமென" ஒரு கதை எழுதியுள்ளேன். பதிக்க புத்தகம் தேடினேன். தீர்ந்துபோயிருந்தது. அதனால் தான் அந்த வருத்தமான உணர்வுகளை கவிதைகளாக பதிக்க நினைத்தேன்.

இயலுமாயின் புத்தகம் பெற்று அந்த சற்று நீண்ட சிறுகதையை நம் ஈகரைக்கு பதிக்கிறேன் சகோ..

ரூபன் · ரூபன் Mon Oct 12, 2009 2:04 am

வித்யாசாகர் · வித்யாசாகர் Mon Oct 12, 2009 2:07 am

ரூபன் wrote:எப்படி முடிகிறது உங்களால் வித்தி அண்ணா அப்படியே ஊர்ருமாதிரி கவிதை வந்துக்கிட்டே இருக்கே

கடவுள் அருள், அதோடு இச்சமூகத்தின் கோர முகம் பார்த்து படித்த உள்வாங்கிய பாடம் அப்படி ரூபன். உள்ளிருக்கும் தீயின் அனல் போன்ற உணர்வு தான் கொதிக்கும் வார்த்தையில் கவிதையாகிறதோ தெரியவில்லை; கடவுளிற்கே வெளிச்சம்!

ரூபன் · ரூபன் Mon Oct 12, 2009 2:08 am

என்னொரு தன்னடக்கம் அண்ணனுக்கு பெண் சிசு கொலை; Icon_cheers

வித்யாசாகர் · வித்யாசாகர் Mon Oct 12, 2009 2:21 am

ரூபன் · ரூபன் Mon Oct 12, 2009 2:23 am

Sponsored content · Sponsored content

பெண் சிசு கொலை;

பெண் சிசு கொலை;

Re: பெண் சிசு கொலை;

Re: பெண் சிசு கொலை;

Re: பெண் சிசு கொலை;

Re: பெண் சிசு கொலை;

Re: பெண் சிசு கொலை;

Re: பெண் சிசு கொலை;

Re: பெண் சிசு கொலை;

Re: பெண் சிசு கொலை;

Re: பெண் சிசு கொலை;

Re: பெண் சிசு கொலை;

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக