பட்டாசு விலை 30 சதவீதம் உயர்வு :(

**krishnaamma** · **krishnaamma** Tue Oct 30, 2012 8:52 am

ஈரோடு: மாநிலம் முழுவதும் பட்டாசுகளின் விலை, 30 சதவீதம் உயர்ந்துள்ளதால், சில்லறை வியாபாரிகள் கடும் அதிர்ச்சியடைந்துள்ளனர்.தமிழகத்தில் மக்கள் கொண்டாடும் பண்டிகைகளில் தீபாவளிக்கு முக்கியத்துவம் உண்டு. மற்ற பண்டிகைகளை போல் அமைதியாக இல்லாமல், காதை கிழிக்கும் வெடி சத்தத்துடன் கொண்டாடுவதால், தீபாவளிக்கு என்றுமே தனி இடம் உண்டு.ஆண்டுதோறும், அனைத்து வயதினரையும் கவரும் வகையில், புத்தம்புது ரக வெடிகளை உற்பத்தி செய்து, விற்பனைக்கு கொண்டு வருவது வழக்கம். பட்டாசுக்கு வரவேற்புள்ளதால், விலை உயர்ந்தாலும், பட்டாசுகளின் விற்பனையில் பெருமளவில் சரிவு இருக்காது.

மாநகரில் இயங்கும் பெரிய கடைகளில் பட்டாசுகள், டீலர்களிடம் வாங்கி, அதனை சிறு கடைகள் அமைத்து, விற்று லாபம் பெறும் நோக்கில், ஒரு மாதத்துக்கு முன்பாகவே சில்லறை வியாபாரிகள் தயாராகி விடுவர். இந்தண்டு கடந்த ஆண்டை விட, பட்டாசுகளின் விலை, 30 சதவீதம் உயர்ந்ததால், சில்லறை வியாபாரிகள் அதிர்ச்சியடைந்துள்ளனர்.
இதுகுறித்து சில்லறை வியாபாரிகள் சிலர் கூறியதாவது:சிவகாசியில் ஏற்பட்ட தீ விபத்தால், பட்டாசு தொழிற்சாலை எரிந்து நாசமாயின. செயல்படும் பட்டாசு ஆலைகளுக்கு பல விதிமுறைகள் விதிக்கப்பட்டது. இதனால், பட்டாசு ஆலைகளுக்கு போதிய லாபம் கிடைக்காது.
எனவே, நஷ்டமடைந்த பட்டாசு உற்பத்தியாளர்களை காப்பாற்றும் வகையில், பட்டாசுகளின் விலை, 30 சதவீதம் தடாலடியாக உயர்ந்துள்ளதாக கூறப்படுகிறது.

கடந்த ஆண்டில், பத்து முதல், 20 ரூபாய் வரை விற்ற, ஃபிளாஷ் சவுண்ட் கிராக்கர் ரக பட்டாசுகள், தற்போது, 13 முதல், 29 ரூபாய் வரை விற்பனையாகிறது. டீலக்ஸ் வெடிகளில், 24 டீலக்ஸ் வகை ஒரு பாக்கெட், 35 ரூபாய்க்கும், 28 டீலக்ஸ் வகை, 41 ரூபாய்க்கும், 50 டீலக்ஸ், 78 ரூபாய்க்கும், 50 மெகா டீலக்ஸ், 230 ரூபாய்க்கும் விற்பனை செய்யப்படுகிறது.100 வாலா சரவெடிகள் ஒரு பாக்கெட், 35 ரூபாய்க்கும், 20,000 வாலா வெடிகள், ஒரு பாக்ஸ், 5,800 ரூபாய் வரை விற்கபடுகிறது. புல்லட் பாம், ஒரு பாக்ஸ், 19 ரூபாய் முதல், 555 மிலிட்டரி பாம், 85 ரூபாய் வரையிலும் விற்கபடுகிறது.

பிஜிலி வெடிகள் ஒரு பேக், 25 ரூபாய் முதல், 35 ரூபாய் வரை விற்கப்படுகிறது. தரைச்சக்கரம், பூச்சட்டி, ராக்கெட், சாட்டைகள், பென்சில்கள், கம்பி மத்தாப்புகள், பேன்சி பயர் ஒர்க்ஸ், பாம்பு மாத்திரை, கலர் பவுண்டெயன், ஏரியல் நாவல்டிஸ், நைட் அட்ராக்ஸன்ஸ், ரிப்பீட்டிங் பங்ஷன், கான்பெட்டி, பேப்பர் கேப்ஸ், கலர் தீப்பெட்டிகள், கிப்ட் பாக்ஸ் ஆகியவற்றின் விலையும், 30 சதவீதம் உயர்ந்துள்ளது.பட்டாசுகளின் விலை உயர்வால் சில்லறை வியாபாரிகள் அதிர்ச்சியடைந்துள்ளனர். லாபத்தை எதிர்பார்த்து ஒரு மாதத்துக்கு முன்பே, பட்டாசு விற்பனையை துவக்க தயாராக இருந்த சில்லறை வியாபாரிகளுக்கு, ஏமாற்றம் தான் மிஞ்சியுள்ளது.இவ்வாறு அவர்கள் தெரிவித்தனர்.

**krishnaamma** · **krishnaamma** Tue Oct 30, 2012 8:56 am

நம்ப சிவா மற்றும் எங்க கிருஷ்ணாக்கு இது தலை தீபாவளி ..... இப்ப போய் இந்த விலை ஏற்றம் சோகம்

**ராஜா** · **ராஜா** Tue Oct 30, 2012 4:09 pm

krishnaamma wrote:நம்ப சிவா மற்றும் எங்க கிருஷ்ணாக்கு இது தலை தீபாவளி ..... இப்ப போய் இந்த விலை ஏற்றம்

சீனாவில் இருந்து இறக்குமதி பண்ணிடவேண்டியது தான்

இந்த பதிவைத் துவங்கியவர் நன்றி கூறியுள்ளார் ராஜா

**krishnaamma** · **krishnaamma** Tue Oct 30, 2012 4:55 pm

ரொம்ப சரி

**T.N.Balasubramanian** · **T.N.Balasubramanian** Tue Oct 30, 2012 6:24 pm

கவலையே இல்லை. ரொம்ப ரொம்ப வருடங்களாக இதை உபயோகிப்பதே இல்லை.இளம் சிறார்களை ஈடு (கொடுமை)படுத்தி தயாரிக்கப்படும், காசை கரியாக்கும் விளையாட்டுப் பொருள். சொந்த கருத்து , மனம் புண்பட எழுதவில்லை.

ரமணியன்

sureshyeskay · sureshyeskay Wed Oct 31, 2012 9:25 am

நான் பண்டிகை கொண்டாடுவதில்லை

Sponsored content · Sponsored content

பட்டாசு விலை 30 சதவீதம் உயர்வு :(

பட்டாசு விலை 30 சதவீதம் உயர்வு :(

Re: பட்டாசு விலை 30 சதவீதம் உயர்வு :(

Re: பட்டாசு விலை 30 சதவீதம் உயர்வு :(

Re: பட்டாசு விலை 30 சதவீதம் உயர்வு :(

Re: பட்டாசு விலை 30 சதவீதம் உயர்வு :(

Re: பட்டாசு விலை 30 சதவீதம் உயர்வு :(

Re: பட்டாசு விலை 30 சதவீதம் உயர்வு :(

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக