அவசரத்தால் வரும் அவதிகள்

யாழவன் · யாழவன் Sun Oct 11, 2009 10:44 pm

திருமண இல்லம் ஒன்றில் ஒரு பொருளைக் காணவில்லை என்று இரு சகோதரிகள் தேட ஆரம்பிக்கிறார்கள்.
ஒருத்தி ஆற அமர ஒவ்வோர் இடமாக ஒவ்வொரு பை, பெட்டியாக சிரத்தையாகத் தேட ஆரம்பிக்கிறாள். மற்றவளோ அங்கே சில விநாடிகள்; இங்கே சில விநாடிகள் நிலைகொள்ளாமல் தேடுகிறாள். கிடைத்த பைகளில் கூடப் பக்கவாட்டு ஜிப்புகளை இழுத்துப் பார்த்துச் சரிவரத் தேடாமல் அப்படியும் இப்படியும் அலைக்கழித்துவிட்டு அடுத்த பைக்குப் போய்விடுகிறாள்.
இப்போது சொல்லுங்கள், தேடப்படும் பொருள் யார் கைக்குக் கிடைக்கும்? அவசர கதியில் இயங்குபவர்களின் நிலையும் இதுதான். எதையும் சாதிக்கமாட்டார்கள்.
‘வெல்டிங் கன்’ எனப்படும் இயந்திரத்தில் ஸக்ரூ போன்ற திருகும் அமைப்பு இருக்கும். அதைத் திருகித் திருகி, பரவலாக வெளியாகும் நெருப்பைக் கூர்மையாக வரும்படி செய்வார்கள். இப்படிச் செய்தால்தான் வெல்டிங் பணி சீக்கிரம் முடியும்; சரி வரவும் நடக்கும்.
இப்படிப்பட்டதுதான் வாழ்க்கைப் பணிகளும். அவசரப்பட்டால் பிறரிடம் பேசும்போது தன்மையான சொற்களைப் பேசமுடியாது. அவை இராணுவ உத்தரவுகளைப்போல் கடுமையாக இருக்கும்.
அவசரப்படுவதில் இன்னொரு கோளாறும் நிகழ்கிறது. மறதி என்பதுதான் அந்த மகத்தான கோளாறு. செயல்களில் தாவல்கள் இருக்கும். அதாவது எதையும் வரிசைக்கிரமமாகச் செய்யத் தெரியாமல் தாவித் தாவிச் செய்து, கோளாறுகளைக் கொண்டு வந்து நிறுத்திவிடுவோம். நினைவில் குதிப்புகள், தாவல்கள் இருப்பது சில நேரங்களில் பெரும் சிக்கல்களில் போய் முடிந்துவிடும்.
செயல்களில், பேச்சில் லாஜிக் எனப்படும் தர்க்க முறை இராது. இது பலரது கேலிக்கும் ஏச்சுக்கும் பேச்சிற்கும் உள்ளாகிவிடும்.
தகவல்களில் இடைவெளிகள் ஏற்படுவதும் அவசரத்தின் அம்சங்களுள் ஒன்று. இது குழப்பங்களுக்கே வழிவகுக்கும். அவதியைத் தடுக்க நேர விஷயத்தில் கவனம் செலுத்தினால் போதும். நேரத்தைச் சரிவரத் திட்டமிட வேண்டும்.
அவசரம் வேறு, அவதி வேறு. புரிந்துகொண்டு இயங்க வேண்டும்.

Chocy · Chocy Sun Oct 11, 2009 10:47 pm

இனி புரிந்து கொண்டு ஈகரில் உள்ளவர்கள் இதன் படி இயங்குவார்கள்

யாழவன் · யாழவன் Sun Oct 11, 2009 10:49 pm

Tuticorin இது எங்கை இருக்கு

Chocy · Chocy Sun Oct 11, 2009 10:52 pm

india->tamilnadu->tuticrin district

மீனு · மீனு Mon Oct 12, 2009 12:20 am

அவதியைத் தடுக்க நேர விஷயத்தில் கவனம் செலுத்தினால் போதும். நேரத்தைச் சரிவரத் திட்டமிட வேண்டும்.
அவசரம் வேறு, அவதி வேறு. புரிந்துகொண்டு இயங்க வேண்டும். அவசரத்தால் வரும் அவதிகள் 677196

யாழவன் · யாழவன் Mon Oct 12, 2009 12:23 am

மீனு wrote:அவதியைத் தடுக்க நேர விஷயத்தில் கவனம் செலுத்தினால் போதும். நேரத்தைச் சரிவரத் திட்டமிட வேண்டும்.
அவசரம் வேறு, அவதி வேறு. புரிந்துகொண்டு இயங்க வேண்டும்.