வெல்ல வேண்டியது நிறைய…

ஜூனியர் சூப்பர் சிங்கர் 3....

விஜய் டிவி-யின் ஜூனியர் சூப்பர் சிங்கர் 3-ன் இறுதிச் சுற்றில்…
என்னைக் கவர்ந்த சில நெகிழ்வுகளை-நிகழ்வுகளை உங்களுடன் இங்கே
பகிர்ந்துகொள்ளவே இந்தப் பதிவு…

ஐந்து போட்டியாளர்களாக ஆஜீத்,ப்ரகதி,கௌதம்,யாழினி மற்றும் சுகன்யா…
அனைவருமே அருமையாகத் தங்கள் திறனை வெளிப்படுத்தினர்…

அதிலும் அந்த ஆஜீத் பையன் இருக்கானே…அவனுக்குத்தான் எத்துணை ரசிகர் கூட்டம்…எவ்வளவு ஆரவாரம்…விசில்கள்…விசிறிகள்…
தம்பீ… நீ கவுத்துடுவடா தமிழ்நாட்டையே…
அந்தப் பையன பெத்தவங்களுக்கு நன்றிகள்…அற்புதமானப் புள்ளைய பெத்துருக்கீங்க…கவனமா வளர்த்துட்டு வாங்க…உங்கள் வீட்டில் உலவுகிறது
ஓர் இசை உலகம்…

ஆதாரம் : இசைப்புயலே அவனைப் பிறவி சூப்பர் ஸ்டார் என்று கூறியது

அப்றம் அந்த அமெரிக்கத் தமிழழகி ப்ரகதி…அங்க பாருங்க அந்த கேமரா பார்ட்டிங்களுக்கும் அவங்க அம்மாவுக்கு(ம்) குளோஸப் வைக்கிறதுல போட்டா போட்டி…அந்தப் பொண்ணு ப்ரகதி என்னன்னு தெரியல…மைக்க முழுங்கிட்டு வந்துச்சோ என்னமோ…அப்படி நாபிக் கமலத்திலிருந்து
நம்மைச் சுண்டி இழுக்கும் வசீகரக் குரல்…அழகுப் பெண்ணே…உனக்கு ஏ.ஆர்.ரஹ்மான்கிட்ட அடிக்கப் போகுது ஒரு சான்ஸ்…கெட்டியாப் பிடிச்சுக்க…கிழக்கு வெளுக்கப் போகுது உனக்கு(ம்)…

இந்த தூத்துக்குடிப் பையன் கௌதம் என்ன அழகா பாடி எல்லோரையும் ஈர்த்தான் பாருங்க…வாடா தம்பி கௌதம்…உனக்கு எதுவும் தூரமில்லைடா…
துயரப்படாம தூரங்களைக் கடந்து தொடர்ந்து வாடா…உலகம் உன்னைத் தூக்கிப் பிடிக்கும்…

யாழினிக்கும் சுகன்யாவுக்கும் அன்பான வாழ்த்துகள்…அசத்துங்க பொண்ணுங்களா…

இதெல்லாம் இருக்கட்டும்ங்க…அங்க ஒரு சாதனைச் சரித்திரம் சத்தமே இல்லாமல் வந்தது பாருங்க…அடடா…அடடா…
அது எப்படி ரஹ்மான் சார்…
(ஒருமையில் அழைக்கப் போகிறேன் உரிமையுடன் உன்னை ரஹ்மான்...)
ஆமா...
எத்தனை வருடம்…எத்தனை உயரம்…எத்தனை சிகரம்…
எப்படி முடிகிறது உன்னால் மட்டும் இத்தனை அமைதியாய்…
நீ புயல் என்றால்…இந்த அமைதி யாருடையது?....
நீ அமைதி என்றால்…அந்தப் புயல் யார்?...
இருபதாண்டு கால இமாலய சாம்ராஜ்யத்தை ஒரே ஒரு காட்சியில் உடைத்து நொறுக்கி
உன் கொடியை ஏற்றிய நாள் முதல் இதோ இருபத்தோராண்டுகளாகப்
பறக்கிறது இன்னும் உன் இசைக்கொடி மிக மிக மிக உச்சத்தில்…

இந்த ரகசியத்தை எங்களுக்கும் பாடமாய்க் கற்றுத் தா…
வெல்ல வேண்டியது நிறைய…வெளியில் சொல்லாமல்…

போட்டியில் வெற்றி பெற்றவர்கள்…
முதலிடம்……ஆஜீத்
இரண்டாம் இடம்….ப்ரகதி
மூன்றாம் இடம்…யாழினி(3 லட்சம்)
தலா இரண்டு லட்சம் பரிசு பெற்றவர்கள் சுகன்யா மற்றும் கௌதம்…


வாழ்த்துகள் செல்லங்களா…

குட்டி செல்லங்களுக்கு வாழ்த்துக்கள்

கெளதம்மின் கர்ணன் பட பாடல் கேட்டேன்... பிரமித்தேன்

நானும் பார்த்தேன்
மிக அருமையான நிகழ்ச்சி
மிக மிக அருமையான போட்டியாளர்கள்
மிக மிக மிக அருமையான தேர்வாளர்கள்
மிக மிக மிக மிக அருமையான ரஹ்மான் சார்
மிக மிக மிக மிக மிக அருமையான பரிசு
பிறந்தால் இப்படி பிறக்க வேண்டும்
சிறந்தால் இப்படி சிறக்க வேண்டும்