காத்தான்குடிக் கடற்கரையில் மீன்கள்...

றினா · றினா Thu Oct 18, 2012 11:11 am

காத்தான்குடி மற்றும் அதனை அண்டிய பகுதிகளிலுள்ள கடற்கரையில் பெருந்தொகையான சிறிய ரக சாளை, கணவாய், விள மற்றும் கடல் ஒட்டி போன்ற மீன்கள் கரையை நோக்கி ஒதுங்கிக்கொன்டிருக்கின்றன.

நேற்று (17.10.2012) அதிகாலை தொடக்கம் இவ்வாறு கரையை நோக்கி ஒதுங்கும் மீன்களைப் பார்வையிடுவதற்காக பெருமளவிலான மக்கள் கடற்கரையை நோக்கி வந்தவன்னமுள்ளதுடன், சிலர் மீன்களைச் சேகரிக்கும் நடவடிக்கைகளிலும் ஈடுபட்டுள்ளதைக் காணக்கூடியதாகவுள்ளது.

எனினும் இதன் காரணம் தொடர்பில் இதுவரையில் எந்தவிதமான உத்தியோகபூர்வ தகவல்களும் வெளிவராத நிலையில் மக்கள் மத்தியில் பலவாறான சந்தேகங்கள் எழுந்துள்ளதும் இங்கு குறிப்பிடத்தக்கது.

இதேவேளை பாசிக்குடா கடற்பகுதியில் இறந்த நிலையில் டொல்பின் மீன் ஒன்று கரை ஒதுங்கியுள்ளதாகத் தகவல்கள் தெரிவிக்கின்றன.

**மாணிக்கம் நடேசன்** · 14/12/2009

சுனாமி வரும் அறிகுறியாக இருக்குமோ? எதுக்கும் தயாரா இருங்க.

Guest · Guest Thu Oct 18, 2012 1:07 pm

அணுக்கழிவை கலந்தால் இப்டிதான் வரும் ..

**கரூர் கவியன்பன்** · 23/09/2012

இதுபோன்ற நிகழ்வு கடலின் மேற்பரப்பில் எண்ணைக்கசிவுகள் இருக்கும் போது தான் நிகழும் வாய்ப்பு அதிகம் ஏனெனில் எண்ணைக்கசிவுகள் இருக்கும் இடத்தில் உள்ள உயிரினங்களால் சுவாசிக்க முடியாது

றினா · றினா Thu Oct 18, 2012 1:37 pm

மீனவர்களின் தகவல் படி நீரோட்டம் மறு திசையில் ஓடுவதால் ஒவ்வொரு வருடமும் இவ்வாறு நடைபெறுவது வழக்கம் என்றும், ஆனால் இவ்வருடம் இவ்வாறு அதிகமான மீன்கள் வருவதுதான் ஆச்சரியம் என்று தெரிவிக்கிறார்கள்.

இன்னுமொரு விடயம் என்னவென்றால் நேற்றைய தினம் இவ்வாறு வந்த அல்லது பிடிபட்ட மீன்கள் ஒன்றும் இறந்த நிலையில் வரவில்லை.

எல்லாம் இறைவன் ஒருவனுக்கே வெளிச்சம்.