ஹாய் மதன் - கேள்வி- பதில்கள்

**சிவா** · **சிவா** Tue 3 Feb 2009 - 16:57

First topic message reminder :

போலீஸாரால் கைது செய்யப்படுவதை அரசியல்வாதிகள் விரும்புவது ஏன் ?

அரசியல்வாதி என்றால் ( மக்களுக்காக ! ). ஒருமுறையாவது ஜெயிலுக்குப் போயிருக்க வேண்டும் என்கிற அபத்தமான தகுதி இங்கு உண்டு. ( சுதந்திரப் போராட்டம் என்பது வேறு !). ஆகவேதான் ஏதாவது போராட்டத்தை ஆரம்பித்து, சில நாட்கள் ( மட்டுமே !) ஜெயிலில் இருந்து விட்டு வருவார்கள். சில அரசியல்வாதிகள் வேறு குற்றங்களுக்காக ( எப்போதாவது ) கைது செய்யப்படுவதும் உண்டு. அப்போதும் வேனில் ஏறும் போது, "" அடக்குமுறை வீழ்க !'' என்று கூவி, தெருவில் கூடியிருக்கும் மக்களைத் திசை திருப்புவார்கள் !

**சிவா** · **சிவா** Sun 18 May 2014 - 22:19

ஹாக்கி மட்டைக்கும் வீச்சரிவாளுக்கும் என்ன ஒற்றுமை... வேற்றுமை?

ஒற்றுமை... 'ஷேப்'தான். மற்றபடி, ஹாக்கி மட்டைக் குப் பந்து ஏற்கெனவே தயாரிக்கப்பட்டு இருக்கும். வீச்சரிவாள், தானே பந்தைத் தயாரித்துக்கொண்டாக வேண்டும். அதாவது, 'தலை' என்கிற பந்தை! அட, நிஜந்தாங்க, ஒரு காலத்தில் மங்கோலியா, ஆப்கானிஸ்தானில் எல்லாம் போரில் வெற்றிபெற்ற பிறகு, எதிரி நாட்டு மன்னனின் தலையை வெட்டி எடுத்துவந்து மைதானத்தில் (குதிரை மீது அமர்ந்து நீண்ட 'ஹாக்கி' மட்டையுடன்) 'போலோ' விளையாட்டில் ஈடுபடுவது சம்பிரதாயம்!

**சிவா** · **சிவா** Sun 18 May 2014 - 22:19

நாம் சாலையில் நடக்கும்போது எந்தத் திசையில் நடக்க வேண்டும்?

பழக்கம் காரணமாக நாம் எப்போதும் தெருவின் இடது பக்கமாகத்தான் நடக்கிறோம். அது தவறு என்பது என் கருத்து. காரணம், பின்னால், ஓரமாக வரும் வண்டிகளை நாம் பார்க்க முடியாது. வலது புறத்தில் நடந்தால் அந்தப் பிரச்னை கிடையாது. ஆனால், நம் ஊரில் கீழேயும் பார்த்துக்கொண்டு நடக்க வேண்டும். பள்ளத்தில் விழுந்து காலை உடைத்துக்கொண்டால், பிறகு இடது, வலது எந்தப் பக்கத்திலும் நடக்க முடியாது!

**சிவா** · **சிவா** Sun 18 May 2014 - 22:20

முற்பிறவி, மறுபிறவி என்பது உண்மையா?

யாருக்குத் தெரியும்?! முற்பிறவியில் இதே கேள்விக்கு 'இல்லை' என்று நான் பதில் சொல்லித் தொலைத்திருக்கலாம். ஆகவே, இந்தப் பிறவியில் நான் 'கமிட்' பண்ணிக்கொள்வதாக இல்லை!

**சிவா** · **சிவா** Sun 18 May 2014 - 22:20

கற்பனைச் சித்திரமான திருவள்ளுவருக்கு அவ்வளவு பெரிய சிலை அவசியமா? இதனால் பயன் என்ன?

ஆலயங்களிலும் ஓவியங்களிலும் ராமர், கிருஷ்ணர், விநாயகரை எல்லாம் பார்க்கிறீர்கள். உலகெல்லாம் இயேசு நாதர், புத்த பகவான் சிலைகள் இருக்கின்றன. இவர்கள் எல்லோரும் நிஜமாகவே அப்படித்தான் தோற்றம் அளித்தார்களா? ஏன், அசோகர், சந்திரகுப்தர், ராஜராஜசோழன் போன்ற மாமன்னர்கள் எப்படித் தோற்றம் அளித்தார்கள்? யாருக்கும் தெரியாது. எந்த ஆதாரமும் நமக்குக் கிடையாது. எல்லாமே கற்பனை உருவங்கள்தான். தமிழ் மண்ணில் வள்ளுவர் இருந்தார். அல்லது வள்ளுவர்கள் இருந்தனர். இது சத்தியம். சிலை என்பது ஒரு காம்ப்ரமைஸ் தோற்றம். அவ்வளவே!

தமிழர்கள் அனைவரும் ஒருசேர அடையும் பெருமித உணர்ச்சிக்காகத்தான் சிலை, ஆலயம் எல்லாம். நம்மை எல்லாம் இணைக்கும் சக்திதான் வள்ளுவர் சிலை!

**சிவா** · **சிவா** Sun 18 May 2014 - 22:22

மது, மாது, சூது என எந்தக் கெட்ட பழக்கமும் இல்லாதவன்தான் முழு மனிதன் என்கிறேன். நீங்கள் என்ன நினைக்கிறீர்கள்?

நீங்கள் சொன்ன எந்தக் கெட்ட பழக்கமும் இல்லாத, ஆனால், மிகவும் வஞ்சகமான மனிதர்களை நான் சந்தித்து இருக்கிறேன்!

**சிவா** · **சிவா** Sun 18 May 2014 - 22:22

இரண்டு மனைவிகள்கொண்ட கடவுள்களை வணங்குகிறோம். இரண்டு மனைவிகள்கொண்ட மனிதர்களைப் பார்த்து 'தேவையா' என்கிறோமே?

ஒரே காரணம், கடவுள்களைப் பார்த்து நாம் யாருமே பொறாமைப்படுவது இல்லை!

**விமந்தனி** · **விமந்தனி** Mon 19 May 2014 - 0:55

சிவா wrote:இரண்டு மனைவிகள்கொண்ட கடவுள்களை வணங்குகிறோம். இரண்டு மனைவிகள்கொண்ட மனிதர்களைப் பார்த்து 'தேவையா' என்கிறோமே?

ஒரே காரணம், கடவுள்களைப் பார்த்து நாம் யாருமே பொறாமைப்படுவது இல்லை!

**சிவா** · **சிவா** Fri 30 May 2014 - 5:03

ஓசிப் புத்தகம் கேட்கிறவர்களை விரட்டி அடிக்க என்ன வழி?

எந்தப் புத்தகமாக இருந்தாலும் 'பாதி படித்துக்கொண்டு இருக்கிறேன்’ என்று 'ஓசி’ மனிதரிடம் சொல்லிவிடுவது என் வழக்கம். சாத்வீகமான வழி இதுவே!

**சிவா** · **சிவா** Fri 30 May 2014 - 5:04

பொதுவாக, சில நிகழ்வுகளை இது வெறும் நாடகம் என்று சொல்கிறார்களே... வெறும் சினிமா என்று ஏன் சொல்வது இல்லை?

நாடகம் - லைவ். சினிமா 2D. தவிர, சினிமாவுக்கு முன்பே நாடகம் வந்துவிட்டது (சங்க காலத்திலேயே!) ஷேக்ஸ்பியர்கூட 'வாழ்க்கை ஒரு நாடகம்!’ என்றார். அப்போதும் சினிமா வரவில்லை. 'பைசாகூடப் பிரயோஜனம் இல்லை!’ என்கிறோம். பைசா இன்று இருக்கிறதா?!

**சிவா** · **சிவா** Fri 30 May 2014 - 5:04

நம் அரசியல்வாதிகள் இப்படிப் பெரிய பெரிய ஊழல் செய்கிறார்களே ரூம் போட்டு யோசிப்பாங்களா?

அதெல்லாம் அவசியமே இல்லை. ஜஸ்ட் லைக் தட் ஐடியாக்களும் வாய்ப்புக்களும் அவர்களுக்கு வந்துகொண்டே இருக்கும். நான் கார்ட்டூன் வரைய ரூம் போட்டா யோசிக்கிறேன்? எக்ஸ்பீரியன்ஸ்!

Sponsored content · Sponsored content

ஹாய் மதன் - கேள்வி- பதில்கள்

ஹாய் மதன் - கேள்வி- பதில்கள்

Re: ஹாய் மதன் - கேள்வி- பதில்கள்

Re: ஹாய் மதன் - கேள்வி- பதில்கள்

Re: ஹாய் மதன் - கேள்வி- பதில்கள்

Re: ஹாய் மதன் - கேள்வி- பதில்கள்

Re: ஹாய் மதன் - கேள்வி- பதில்கள்

Re: ஹாய் மதன் - கேள்வி- பதில்கள்

Re: ஹாய் மதன் - கேள்வி- பதில்கள்

Re: ஹாய் மதன் - கேள்வி- பதில்கள்

Re: ஹாய் மதன் - கேள்வி- பதில்கள்

Re: ஹாய் மதன் - கேள்வி- பதில்கள்

Re: ஹாய் மதன் - கேள்வி- பதில்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக