மாற்றான் - திரைவிமர்சனம்!

First topic message reminder :


நடிகர் : சூர்யா
நடிகை : காஜல் அகர்வால்
இயக்குனர் : கே.வி.ஆனந்த்
இசை : ஹாரிஸ் ஜெயராஜ்
ஓளிப்பதிவு : சௌந்தர் ராஜன்





சூர்யாவின் அப்பா ஒரு ஆராய்ச்சியாளர். அவர் தனது மனைவிக்கு டெஸ்ட் டியூப் குழந்தை பிறக்கச் செய்கிறார். அது இரட்டைக் குழந்தையாக ஒட்டிப்பிறக்கிறது. ஒரு குழந்தை இதயத்துடனும், மற்றொரு குழந்தை இதயம் இல்லாமலும் இருக்கிறது. இதயத்துடன் இருக்கும் குழந்தை விமலன். மற்றொரு குழந்தை அகிலன். இதில் ஒரு குழந்தையை பிரித்து எடுத்து விடுங்கள் என்று டாக்டர்கள் சொல்ல, அவரது மனைவி மறுக்கிறார். இதனால் இருவரும் ஒட்டியே வளர்கிறார்கள்.

ஒரு காலக்கட்டத்தில் கஷ்டத்தில் இருந்த சூர்யாவின் தந்தை பால் பவுடர் ஒன்றை தயாரித்து உலகம் முழுவதும் விற்பனை செய்து பெரிய கோடீஸ்வரரர் ஆகிறார். இவர் தயாரிக்கும் பால் பவுடரில் ஊக்க மருந்து கலக்கப்படுவதாக அறிந்த உக்வேனியா பெண்மணி ஆராய்ச்சி செய்ய சூர்யாவின் தந்தை நிறுவனத்திற்கு வருகிறார். இவருக்கு தமிழ் மொழி பெயர்ப்பாளராக காஜல் அகர்வால் வருகிறார். இங்கு சூர்யாவை சந்திக்கும் இவர் காதல் வயப்படுகிறார்.

சூர்யாவின் தந்தையின் நிறுவனத்தில் உக்வேனியா பெண்மணி சில படங்களை எடுத்து பென்டிரைவில் பதிவு செய்து வைக்கிறார். இதையறிந்த சூர்யாவின் தந்தை அந்த பெண்ணை கொலை செய்து விடுகிறார். இறப்பதற்கு முன்பு அந்த பென்டிரைவை விழுங்கி விடுகிறார்.

இதனை கைப்பற்ற சூர்யாவின் தந்தை முயற்சிக்கிறார். ஆனால் பென்டிரைவ் சூர்யாவின் கைக்கு கிடைக்கிறது. சூர்யாவிடம் இருக்கும் பென்டிரைவை கைப்பற்ற ஒரு கும்பல் இரட்டையரான சூர்யாவை தாக்குகிறது. இதில் விமலன் இறக்க நேரிடுகிறது.

உயிரோடு இருக்கும் அகிலன் பென்டிரைவை வைத்து அதன் பின்னணி என்ன? ஏன் அந்த பெண் கொல்லப்பட்டார் என்பதை கண்டுபிடிப்பதே மீதிக்கதை.

சூர்யாவின் நடிப்பில் இன்னொரு பரிமாணம். அகிலன், விமலன் என ஒட்டி பிறந்த இரட்டையர் வேடத்தில் அசத்தியிருக்கிறார். வெளிநாட்டு பெண்மணிக்கு மொழி பெயர்ப்பாளராக வரும் காஜல் அகர்வால் படம் முழுவதும் வருகிறார். சூர்யாவின் அப்பாவாக வரும் சச்சின் கடேகர் விஞ்ஞானி கதாபாத்திரத்தில் அழகாக நடித்திருக்கிறார்.

சௌந்தர்ராஜன் ஒளிப்பதிவில் பிரம்மாண்டம். பாடல் காட்சிகளை அழகாக படம் பிடித்திருக்கிறார். ஹாரிஸ் ஜெயராஜ் இசையில், ஒரு பாடல் அருமை. மற்ற பாடல்கள் பரவாயில்லை.

சண்டைக்காட்சிகளை பீட்டர் ஹெய்ன் பிரம்மாதமாக செய்திருக்கிறார். ஒட்டிப் பிறந்த சூர்யாவின் சண்டைக்காட்சிகள் அருமை.

அயன் படத்தின் வெற்றியைத் தொடர்ந்து சூர்யா, கே.வி.ஆனந்த் கூட்டணியில் வெளிவந்த படம். அயன் படத்தின் எதிர்பார்ப்போடு சென்றவர்களுக்கு ஏமாற்றம்.

முதல் பாதி படத்தை அருமையாக கொண்டு சென்ற கே.வி. இரண்டாவது பாதி நீளமாகச் செல்வதை தடுத்திருக்கலாம்.

மாலைமலர்

ஆரூரன் wrote:சூர்யாவின் அப்பா ஒரு ஆராய்ச்சியாளர். அவர் தனது மனைவிக்கு டெஸ்ட் டியூப் குழந்தை பிறக்கச் செய்கிறார். அது இரட்டைக் குழந்தையாக ஒட்டிப்பிறக்கிறது. ஒரு குழந்தை இதயத்துடனும், மற்றொரு குழந்தை இதயம் இல்லாமலும் இருக்கிறது. இதயத்துடன் இருக்கும் குழந்தை விமலன். மற்றொரு குழந்தை அகிலன். இதில் ஒரு குழந்தையை பிரித்து எடுத்து விடுங்கள் என்று டாக்டர்கள் சொல்ல, அவரது மனைவி மறுக்கிறார். இதனால் இருவரும் ஒட்டியே வளர்கிறார்கள்.


இப்படி ஒட்டிக்காட்டவேண்டிய அவசியம் எதற்கு? மனசுக்கு ஒரு மாதிரி இருக்கிறது. அதுவும் சண்டைக்காட்சியில் ஒரு சூர்யா படும் வலியின் வேதனை நமக்கும் தொற்றிக்கொள்கிறது. இது தேவையா? வித்தியாசம் காட்டவேண்டும் என்பதற்காக இப்படியா?

அதுவும் ஒரு பெண் காவல் அதிகாரி இந்த இரட்டையர் எப்படி 'உடலுறவு' கொள்வார்கள் என்று கையை வைத்து ஒரு டெமோ பண்ணிப்பார்கிறார். குடும்பத்தோடு இதை எல்லாம் பார்க்க முடியுமா? இது ஒரு நகைச்சுவையா? வக்கிரம்தான் தெரிகிறது.

ஆபரேசன் பண்ணுகிறார்கள் என வெளி யே எடுத்து இதயத்தைக் காண்பிப்பது. கத்தியை வைத்து உடலை அறுக்கும் மார்ச்சுவரிக் காட்சிகள். இதையெல்லாம் தத்ருபமா காட்ட வேண்டுமா என்ன?

பெரிய நகைச்சுவை... வெளிநாட்டில் போய் சூர்யா செய்யும் சாகசங்கள்! ...

நல்லவேளை இன்னும் இந்தப் படத்தைப் பார்க்கவில்லை! சிறந்த விமர்சனம்!