பிராம்ப்டன் பள்ளி பிரின்ஸிபல் துப்பாக்கியால் சுட்டு கொலை. மாணவர்கள்,ஆசிரியர்கள் கடும் அதிர்ச்சி.

பிராம்ப்டன் நகரில் உள்ள ஒரு பள்ளியின் பிரின்சிபல் துப்பாக்கியால் சுடப்பட்டு இறந்த கிடந்ததையொட்டி, அந்த பள்ளியின் ஆசிரியர்களும், மிகுந்த சோகத்தில் ஆழ்ந்து உள்ளனர்.

பிராம்ப்டன் நகரில் Beatty-Fleming Senior Public School என்ற பள்ளியின் பிரின்ஸிபல் Debra Allen என்ற 52 வயது பெண் பிரின்ஸிபல், துப்பாக்கியால் சுடப்பட்டு இறந்து விட்டதாக பள்ளி நிர்வாகம் திங்கட்கிழமை அன்று பள்ளியில் அறிவிப்பு செய்தது. இதை கேட்டதும் பள்ளியின் ஆசிரியர்களும், மாணவர்களும் பெரும் அதிர்ச்சி அடைந்தனர்.



சனிக்கிழமை மாலையில் Debra Allen அவர்களும் அவருடைய 62 வயது கணவர் David Allen அவர்களும் அவர்களுடைய Georgetown வீட்டில் துப்பாக்கியால் சுடப்பட்டு இறந்து கிடந்ததாக பக்கத்து வீட்டாரின் தகவலை அடுத்து பிராம்ப்டன் காவல்துறையினர் சம்பவ இடத்திற்கு விரைந்து வந்தனர். சனிக்கிழமை மாலை 2.15 மணியளவில் முதலில் வீட்டின் உள்ளேயிருந்து ஒரு துப்பாக்கி சுட்டதன் சத்தம் கேட்டதாகவும், சிறிது நேர இடைவெளிக்கு பின் மீண்டும் அடுத்த சத்தம் கேட்டதாகவும் காவல்துறையினரின் விசாரணையில் தெரிய வந்தது. பின்னர் சிறிது நேரத்திற்கு எவ்வித சத்தமும் கேட்காததால், காவல்துறையினரும், அக்கம் பக்கத்தில் உள்ளவர்களும் வீட்டின் உள்ளே சென்று பார்த்ததில் இருவரும் துப்பாக்கி சூட்டின் காரணமாக ரத்த வெள்ளத்தில் இறந்து கிடந்ததைப் பார்த்து அதிர்ச்சி அடைந்தனர்.



பிரின்ஸிபல் Debra Allen பள்ளியில் பணிபுரியும்போது சக ஆசிரியர்களிடமும், மாணவர்களிடமும் மிகுந்து அன்புடன் பழகியதாகவும், அவருடைய இழப்பு தங்களுக்கு ஈடு செய்யமுடியாத பேரிழப்பாகும் என அவருடன் பணிபுரியும் ஆசிரியர்கள் கருத்து தெரிவித்தனர்.



இருவரின் இறப்பு குறித்து விசாரணை செய்து வரும் காவல்துறையினர், இது ஒரு தற்கொலையா, அல்லது கொலையா என்று இரு கோணங்களிலும் விசாரணை நடந்து வருவதாகவும், பிரேத பரிசோதனை முடிவுக்குப்பின்னர் தான் இதுகுறித்த்து தீர்மானமாக எதையும் கூற முடியும் என்றும் கூறினார்.

Thanks to cp24.com