அன்புக்குரியவனே..!!

காயத்ரி வைத்தியநாதன் · 23/09/2012

First topic message reminder :

நின் காதலில் கசிந்துருகி
கண்ணீர்க்கடலில்
நினைவுப்படகில் தத்தளிக்கும்
எனைக் கரம் பிடித்து
கரைசேர்க்க
அன்புக்குரியவனே அருகே வா...!!
‎
பொய்யுரைக்கா உன் விழி கூர்ந்து
உள்ளிருக்கும் எனை உணர
அன்புக்குரியவனே அருகே வா...!!
‎
பசி, தூக்கம் தவிர்த்து
பசலையில் வாடும் எனை
முத்தம் பரிமாறி
நின்மடிகிடத்தி உறங்கவைக்க
அன்புக்குரியவனே அருகே வா..!!
‎
மனதாள்பவனே
நான் உந்தன் சுவாசமா..
நீ கொள்ளும் பயணத்தின்
ஓட்டுநரா...
நடத்துனரா..
உடன் பயணிக்கும் பயணியா..
இடமில்லாமல் இறக்கிவிடப்பட்டவளா..??
நானறிய
அன்புக்குரியவனே அருகே வா..!!!
‎
என் எண்ணத்தை சமைத்து
கவிதையாய்ப் பரிமாற
உண்டு மகிழ்ந்து
உன்னுள்ளம் உரைக்க
அன்புக்குரியவனே அருகே வா...!!!
‎
யாவற்றிலும், யாதுமாய்
தோன்றுபவனே..
என்னவனாய் என்னில்லத்தில்
என்றென்றும்
நீயாகத் தோற்றமளிக்க
அன்புக்குரியவனே அருகே வா...!!!
‎
இயற்கையின் இரகசியத்தை
இடைவிடாது பேசிமகிழ
அன்புக்குரியவனே அருகே வா...!!!
‎
நம் காதல்பயணத்தில்
மழலையிசை கேட்டு மகிழ..
பிரபஞ்சம் போற்ற
நம் பிள்ளைகளை பேணிகாக்க
அன்புக்குரியவனே அருகே வா..!!!
‎
இதயத்தில் இருப்பவனே
என் இறுதிப் பயணத்தின்
இறங்(க்)கும் தருவாயில்
சுவாசம் துறந்து
உன் இதயத்தில் கலக்க
அன்புக்குரியவனே அருகே வா..!!
‎
என் கரம்பிடித்து
காதல் உணர்த்திய நின் கரம்
என் சதைக்கு தீ மூட்டி
பாரினில் பஞ்சபூதமிருக்கும்வரை
நின் நெஞ்சத்தில் குடியிருக்க
அன்புக்குரியவனே அருகே வா...!!!‎

--நட்புடன் காயத்ரி வைத்தியநாதன்

balakarthik · balakarthik Sat Oct 13, 2012 12:23 pm

காயத்ரி வைத்தியநாதன் wrote:கருத்திட்டு எம்மை ஊக்குவிக்கும் தோழமைகளுக்கு நன்றி..எம் எழுத்துக்களை வளப்படுத்த குறையிருப்பினும் தவறாமல் சுட்டிக்காட்டவும்..குறைகளையும், நிறைகளாய் ஏற்கும் பக்குவமுண்டு எமக்கு..நன்றி.

டோன்ட் வொரி இங்கே என்னை போல் குற்ரம் கண்டு பிடித்தே பேர் வாங்கும் புலவர்கள் பலர் உண்டு எங்கள் சங்கம் அதற்காக பாடுபடும் ஹி ஹி ஹி

காயத்ரி வைத்தியநாதன் · 23/09/2012

பூவன் wrote:காதலில் கசிந்து
விழிகள் மோதி
பசி தூக்கம் மறந்து
மனதாள்பவன்
மனதால பயணித்து
எண்ணங்களை சமைத்து
யாதுமாய் தோற்றமளித்து
மழலை இசை கேட்டு
இதயம் இறக்கும் வரை
இறுதி வரை பயணிக்கும்
உங்கள் அன்புக்குரியவர் அருகில் வர வாழ்த்துக்கள் ,.....

கவிதை அருமை ......

நன்றி பூவன்.. புன்னகை

காயத்ரி வைத்தியநாதன் · 23/09/2012

நன்றி ரா.ரா... தங்களுடைய இந்த வரிகள்...//நமக்கான நந்தவனம் நடந்து வருகிறது...
நம்பிக்கையோடு செல்வோம்...
நாளைகளை நாமே வெல்வோம்!// நம்பிக்கையூட்டும் வரிகள் அருமை

**ரா.ரா3275** · **ரா.ரா3275** Sat Oct 13, 2012 12:30 pm

காயத்ரி வைத்தியநாதன் wrote:நன்றி ரா.ரா... தங்களுடைய இந்த வரிகள்...//நமக்கான நந்தவனம் நடந்து வருகிறது...
நம்பிக்கையோடு செல்வோம்...
நாளைகளை நாமே வெல்வோம்!// நம்பிக்கையூட்டும் வரிகள் அருமை

நன்றி காயத்ரி...

**T.N.Balasubramanian** · **T.N.Balasubramanian** Sat Oct 13, 2012 5:24 pm

கண்ணீர் கடலில், பொய் உரைக்கா அவன் விழி கூர்ந்து, மனதாள்பவனுடன் பயணித்து
மழலை இசை கேட்டு ..........
சமிப காலத்தே படித்ததில், பிடித்ததில் இதுவும் ஒன்று. அன்பு மலர்

தொடரட்டும் உங்கள் படைப்புகள்.
ரமணியன்

Pakee · Pakee Sat Oct 13, 2012 5:45 pm

அருமையான வரிகள் வாழ்த்துக்கள் தோழி

Mathina · Mathina Sat Oct 13, 2012 10:29 pm

ஏக்கம் நிறைந்த வரிகள்... சூப்பர்.!

**அகல்** · **அகல்** Sat Oct 13, 2012 10:43 pm

அன்புக்குரியவன் அருகிலிருக்க சொல்லப்பட்ட காரணங்கள் அருமை காயத்ரி...

காயத்ரி வைத்தியநாதன் · 23/09/2012

அகல் wrote:அன்புக்குரியவன் அருகிலிருக்க சொல்லப்பட்ட காரணங்கள் அருமை காயத்ரி...

மிக்க மகிழ்ச்சி.. புன்னகை

Sponsored content · Sponsored content

அன்புக்குரியவனே..!!

அன்புக்குரியவனே..!!

Re: அன்புக்குரியவனே..!!

Re: அன்புக்குரியவனே..!!

Re: அன்புக்குரியவனே..!!

Re: அன்புக்குரியவனே..!!

Re: அன்புக்குரியவனே..!!

Re: அன்புக்குரியவனே..!!

Re: அன்புக்குரியவனே..!!

Re: அன்புக்குரியவனே..!!

Re: அன்புக்குரியவனே..!!

Re: அன்புக்குரியவனே..!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக