பெங்களூர் திருமண விருந்துகளில் வீணாகும் ரூ.340 கோடி உணவு: சாப்பிட முடியாமல் குப்பையில் கொட்டுகிறார்கள்

பெங்களூர், அக். 12-

இந்தியாவில் உணவு கிடைக்காமல் ஒரு பகுதி மக்கள் பட்டினி கிடக்கின்றனர். உலகில் சத்துணவு கிடைக்காமல் பாதிக்கப்படும் குழந்தைகளில் மூன்றில் ஒரு குழந்தை இந்தியாவை சேர்ந்ததாகும். சத்துணவு கிடைக்காமல் இந்தியாவில் ஆண்டுதோறும் லட்சக்கணக்கான குழந்தைகள் பாதிக்கப்படுகின்றனர். இது தேசிய அவமானம் என்று பிரதமர் மன்மோகன் சிங் வேதனை தெரிவித்தார்.

குழந்தைகள் மட்டுமின்றி உணவு கிடைக்காமல் இரண்டு வேளை பட்டினி கிடக்கும் இந்திய பிரஜைகள் கோடிக்கணக்கில் இருப்பர். நிலைமை இப்படி இருக்கையில் மறுபக்கம் திருமண விருந்துகளில் சாப்பிட முடியாமல், ஏராளமான உணவுகள் குப்பையில் கொட்டப்படுகின்றன. இந்த உணவுகள் யாருக்கும் பிரயோஜனம் இல்லாமல் வீணாகி போகின்றன.

திருமண காலங்களில் பெங்களூரில் மட்டும் 943 டன் அளவு உணவு வீணாவதாக புள்ளி விவரம் தெரிவிக்கிறது. பெங்களூர் விவசாய அறிவியல் பல்கலைக் கழகத்தை சேர்ந்த 10 பேராசிரியர்களை கொண்ட குழு துணை வேந்தர் கே. நாராயண கவுடா வழிகாட்டுதலின் கீழ் சர்வே மேற்கொண்டது.

பெங்களூரில் உள்ள 531 திருமண மண்டபங்களில் 75 மண்டபங்களில், 6 மாதங்களுக்கு மேலாக சர்வே நடத்தப்பட்டது. இதில் தெரிய வந்த விவரங்கள் வருமாறு: பெங்களூரில் ஒவ்வொரு ஆண்டும் 531 மண்டபங்களில் 84 ஆயிரத்து 960 திருமணங்கள் நடக்கின்றன.

இந்த திருமண விருந்துகளின் போது 943 டன் எடை கொண்ட அதிக கலோரிகளை உடைய உணவுகள் வீணாகின்றன. சாப்பிட்டது போக மீதி உணவுகள் குப்பையில் கொட்டப்படுகின்றன. ஒரு விருந்தில் 10 முதல் 20 வகையான பதார்த்தங்கள் பரிமாறப்படுகின்றன. சராசியாக ஒரு சாப்பாட்டின் விலை ரூ. 40 என்று கணக்கிட்டால் வீணாகும் உணவின் மொத்த மதிப்பு ரூ. 340 கோடி ஆகும். இவ்வாறு அதில் கூறப்பட்டுள்ளது.

Malaimalar

திருமண விருந்துகளில் வீணாகும் உணவை அநாதை ஆசிரமங்களுக்கு கொடுத்தால் அவர்கள் பசியாறுவார்கள்

அசுரன் wrote:திருமண விருந்துகளில் வீணாகும் உணவை அநாதை ஆசிரமங்களுக்கு கொடுத்தால் அவர்கள் பசியாறுவார்கள்

கண்டிப்பாக

இப்படியும் செய்யலாம் என நினைக்கிறேன்.

இவ்வாறான நிகழ்வுகளின்போது சமூகநல நிறுவனங்கள் அவர்களுடன் தொடர்பு கொண்டு மீதமாகும் உணவுகளை சேமித்து பதப்படுத்தி பாதுகாத்து தேவையுள்ள இடங்களுக்கு அனுப்பிவைக்க முடியும்.

உணவை வீணாக்குவதில் அப்படி என்ன சந்தோசம்!

அருண் wrote: உணவை வீணாக்குவதில் அப்படி என்ன சந்தோசம்!

எல்லாம் சக்கரையும் உப்பும் செய்யும் மாயம்
பசி இருக்குறவனுக்கு ருசி தெரியாது ருசிக்காக சாபிட்ரவனுக்கு பசி இருக்காது இவர்கள் இரண்டாம் தரமானவர்கள் அரும்