பிரிட்டிஷ் , ஜப்பான் விஞ்ஞானிகளுக்கு மருத்துவத்துக்கான நோபல் பரிசு

badri7986 · badri7986 Tue Oct 09, 2012 12:12 pm

2012-ம் ஆண்டிற்கான மருத்துவத்துக்கான நோபல் பரிசை பிரிட்டிஷ் மற்றும் ஜப்பான் விஞ்ஞானிகள் இருவர் பெறுகின்றனர்.
இதுகுறித்த முறையான அறிவிப்பு இன்று அறிவிக்கப்பட்டது. ஸ்டெம்செல் உருவாக்கம் குறித்த மருத்துவ ஆராய்ச்சிக்காக பிரிட்டனின் ஜான் கர்டன், ஜப்பானின் ஷின்யா யமனகா ஆகியோருக்கு இந்த ஆண்டுக்கான நோபல் பரிசு வழங்கப்படுகிறது.

கர்டன், யமனகா ஆகியோரின் கண்டுபிடிப்புகள், உலகம் முழுவதிலும் உள்ள மருத்துவ ஆராய்ச்சியாளர்களுக்கு பெரிதும் உதவியாக இருக்கும் என்று ஸ்டாக்ஹோம் கரோன்லின்ஸ்கா மருத்துவ பல்கலைக்கழக தேர்வுக்குழு தெரிவித்துள்ளது.

இந்த ஆண்டில் அறிவிக்கப்பட்ட முதல் நோபல் பரிசு இதுதான். இயற்பியலுக்கான நோபல் பரிசு நாளை அறிவிக்கப்படுகிறது.
வேதியியலுக்கான நோபல் பரிசு புதன்கிழமையும், இலக்கியத்துக்கான நோபல் பரிசு வியாழக்கிழமையும், அமைதிக்கான நோபல் பரிசு வெள்ளிக்கிழமையும் அறிவிக்கப்படும் (இந்தப் பிரிவுக்கு காங்கிரஸ் தலைவர் சோனியா காந்தி பெயர் பரிந்துரைக்கப்பட்டுள்ளது குறிப்பிடத்தக்கது!). பொருளாதாரத்துக்கான நோபல் பரிசு 15ம் தேதி அறிவிக்கப்படுகிறது.
அனைத்து பரிசுகளும் நோபல் நினைவு நாளான டிசம்பர் 10ம் தேதி வழங்கப்பட உள்ளது.

நன்றி : http://tamil.oneindia.in

பூவன் · பூவன் Tue Oct 09, 2012 1:21 pm

ஜப்பானைச் சேர்ந்த, ஷின்யா யமனாகா, பிரிட்டனைச் சேர்ந்த, ஜான் குர்டான் ஆகியோருக்கு, இந்த ஆண்டுக்கான மருத்துவத்துக்கான நோபல் பரிசு அறிவிக்கப்பட்டுள்ளது.

மருத்துவம், இயற்பியல், ரசாயனம், இலக்கியம், பொருளாதாரம் ஆகிய துறைகளில், தலை சிறந்த நிபுணர்களுக்கு, ஒவ்வொரு ஆண்டும், உலகின் மிக உயரிய விருதான நோபல் பரிசு, வழங்கப்பட்டு வருகிறது.உலக அமைதிக்காகவும், மக்களுக்கும், தன்னலமற்ற சேவையாற்றுபவர்களுக்கும், சமாதான விருது வழங்கப்படுகிறது.

மருத்துவத் துறையில் வரப்பிரசாதமாகக் கருதப்படும், "ஸ்டெம் செல்' குறித்து ஆராய்ச்சி மேற்கொண்ட, ஜப்பானைச் சேர்ந்த ஷின்யா யமனாகா, பிரிட்டனைச் சேர்ந்த ஜான் குர்டான் ஆகியோருக்கு, இந்த ஆண்டுக்கான, நோபல் பரிசு, நேற்று அறிவிக்கப்பட்டது. ஜப்பானின், கியோட்டோ பல்கலைக் கழக பேராசிரியராக இருப்பவர் யமனாகா, கேம்ப்ரிட்ஜ் கல்வி மையத்தில் பணியாற்றுபவர் குர்டான். "ஸ்டெம் செல்' மூலம் நோயின் தன்மை, அதை குணப்படுத்தும் விதம் குறித்து, இருவரும் ஆராய்ச்சி செய்துள்ளனர்.

ஐரோப்பாவில் நிலவும் பொருளாதார நெருக்கடி காரணமாக, நோபல் பரிசுத் தொகை குறைக்கப்பட்டு விட்டது. கடந்த ஆண்டு வரை நோபல் பரிசு பெறுபவர்களுக்கு, 6.85 கோடி ரூபாய் ரொக்கமாக அளிக்கப்பட்டது. இந்த ஆண்டு இந்த தொகை, 5.5 கோடி ரூபாயாகக் குறைக்கப்பட்டுள்ளது. இந்த தொகை, இரு விஞ்ஞானிகளுக்கும் பகிர்ந்தளிக்கப்பட உள்ளது. இயற்பியலுக்கான நோபல் பரிசு இன்று அறிவிக்கப்பட உள்ளது.

நன்றி தமிழ் source

**கரூர் கவியன்பன்** · 23/09/2012

மருத்துவத் துறையில் ஒரு மிகப்பெரிய சாதனை தான் இக்கண்டுபிடிப்பு . சூப்பருங்க

யினியவன் · யினியவன் Tue Oct 09, 2012 1:35 pm

இரண்டு பதிவுகளும் இணைக்கப் பட்டது.

**கரூர் கவியன்பன்** · 23/09/2012

யினியவன் wrote:இரண்டு பதிவுகளும் இணைக்கப் பட்டது.

அருமை இனியவன் அவர்களே

பூவன் · பூவன் Tue Oct 09, 2012 1:51 pm

யினியவன் wrote:இரண்டு பதிவுகளும் இணைக்கப் பட்டது.

நன்றி அண்ணா

badri7986 · badri7986 Tue Oct 09, 2012 6:27 pm

ஜான் குர்டான் வயதான pierce brosnan போல இருக்கிறார் புன்னகை

Sponsored content · Sponsored content

ஸ்டெம் செல்' ஆராய்ச்சியில் சாதனை படைத்த ஜப்பான், பிரிட்டன் நிபுணர்களுக்கு நோபல் பரிசு

பிரிட்டிஷ் , ஜப்பான் விஞ்ஞானிகளுக்கு மருத்துவத்துக்கான நோபல் பரிசு

ஸ்டெம் செல்' ஆராய்ச்சியில் சாதனை படைத்த ஜப்பான், பிரிட்டன் நிபுணர்களுக்கு நோபல் பரிசு

Re: ஸ்டெம் செல்' ஆராய்ச்சியில் சாதனை படைத்த ஜப்பான், பிரிட்டன் நிபுணர்களுக்கு நோபல் பரிசு

www.karurkaviyanban.blogspot.in

Re: ஸ்டெம் செல்' ஆராய்ச்சியில் சாதனை படைத்த ஜப்பான், பிரிட்டன் நிபுணர்களுக்கு நோபல் பரிசு

Re: ஸ்டெம் செல்' ஆராய்ச்சியில் சாதனை படைத்த ஜப்பான், பிரிட்டன் நிபுணர்களுக்கு நோபல் பரிசு

Re: ஸ்டெம் செல்' ஆராய்ச்சியில் சாதனை படைத்த ஜப்பான், பிரிட்டன் நிபுணர்களுக்கு நோபல் பரிசு

Re: ஸ்டெம் செல்' ஆராய்ச்சியில் சாதனை படைத்த ஜப்பான், பிரிட்டன் நிபுணர்களுக்கு நோபல் பரிசு

Re: ஸ்டெம் செல்' ஆராய்ச்சியில் சாதனை படைத்த ஜப்பான், பிரிட்டன் நிபுணர்களுக்கு நோபல் பரிசு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக