திருவாடானை அருகே கிறிஸ்தவ கோவில் விழாவில் நடந்த முற்றுகை போராட்டத்தால் பரபரப்பு

திருவாடானை அருகே, கிறிஸ்தவ கோவில் விழாவில் ஒரு பிரிவினர் நடத்திய முற்றுகை போராட்டத்தால் பரபரப்பு ஏற்பட்டது.

மறை மாவட்ட வெள்ளி விழா

ராமநாதபுரம் மாவட்டம் திருவாடானை தாலுகா ஓரிïரில் புனித அருளானந்தர் ஆலயம் உள்ளது. இங்கு ஒவ்வொரு ஆண்டும் அக்டோபர் முதல் ஞாயிற்றுக்கிழமை அன்று கிறிஸ்தவர்கள் யாத்திரையாக வந்து ஜெபிப்பது வழக்கம். மதுரை உயர் மறை மாவட்டத்தில் இருந்து சிவகங்கை மறைமாவட்டம் உருவாகி 25 ஆண்டுகள் நிறைவடைந்ததற்கான வெள்ளிவிழா, புனித ஓரிïர் ஆலயத்தில் நேற்று நடைபெற்றது.

இதில் மதுரை உயர் மறை மாநில பேராயர் பீட்டர்பெர்னாண்டோ மற்றும் பல்வேறு மறை மாவட்ட ஆயர்கள் உள்பட ஏறத்தாழ 25 ஆயிரம் பேர் இந்த விழாவில் கலந்துகொள்ள வந்திருந்தனர்.

முற்றுகை போராட்டம்

நேற்று காலை ஆலயம் முன்பு திருப்பலிக்காக அனைவரும் அமர்ந்திருந்தனர். 10.30 மணிக்கு திருப்பலியை சிவகங்கை மறைமாவட்ட ஆயர் சூசைமாணிக்கம் தொடங்கியபோது மேடையின் அருகே கிறிஸ்தவர்கள் கூட்டமைப்பின் தலைவர் ஸ்டீபன்ராஜ் தலைமையில் 400 பேர் திரண்டு வந்து முற்றுகை போராட்டம் நடத்தியதால் பரபரப்பு ஏற்பட்டது..

கிறிஸ்தவர்கள் கூட்டமைப்பு, கிறிஸ்தவ விடுதலை இயக்கம், உழைக்கும் மக்கள் உரிமை இயக்கம், பெண்கள் இயக்கம் உள்பட பல்வேறு அமைப்புகளை சேர்ந்த அவர்கள் கறுப்பு பேட்ஜ் அணிந்தும், கறுப்பு கொடியுடனும் வந்திருந்தனர்.

திருப்பலி நிறுத்தம்

அவர்கள் ஒரு குறிப்பிட்ட இனத்தைச் சேர்ந்த குரு மாணவரை ஏற்று குருபட்டம் வழங்க வேண்டும் என்பது உள்ளிட்ட கோரிக்கைகளை வலியுறுத்தி இந்த போராட்டத்தில் ஈடுபட்டனர். இதையடுத்து பதற்றநிலை உருவானதால் திருப்பலி நிறுத்தப்பட்டது. மீண்டும் திருப்பலி நிகழ்ச்சியை தொடங்க முயன்றபோது பந்தலில் அமைக்கப்பட்டு இருந்த டிïப்லைட், ஒலிபெருக்கி ஆகியவற்றை சிலர் அடித்து நொறுக்கி ரகளையில் ஈடுபட்டனர்.

இதனால் விழாவுக்கு வந்திருந்தவர்கள் அங்குமிங்கும் சிதறி ஓடினர். சிலர் திருப்பலி மேடையை நோக்கி செருப்புகளை வீசி எறிந்தனர். ரகளையின்போது ஒலிபெருக்கி விழுந்ததில் ஒருவர் படுகாயம் அடைந்தார். உடைந்த டிïப்லைட் குத்தியதில் போலீஸ் சப்-இன்ஸ்பெக்டர் காயம் அடைந்தார். இதையடுத்து ஆயர்கள், அருட்தந்தையர்கள் பாதுகாப்பாக அழைத்துச்செல்லப்பட்டனர். அங்கு போலீஸ் பாதுகாப்பு போடப்பட்டு உள்ளது.

போராட்டம் ஏன்?

முன்னதாக வெள்ளையபுரம் அருகே மண்டலகோட்டை கிராமத்தின் அருகே பெண்கள் உள்பட ஆயர்களுக்கு கறுப்பு கொடி காட்டினர். இதனால் அங்கும் போலீஸ் பாதுகாப்பு போடப்பட்டது. இந்த சம்பவம் குறித்து சிவகங்கை மறைமாவட்ட ஆயர் சூசைமாணிக்கம் கூறியதாவது:-

திருச்சி தூயபவுல் குருத்துவ கல்லூரியில் மதுரை உயர் மறை மாநிலத்துக்கு உட்பட்ட 6 பேர் குற்ற நடவடிக்கையில் ஈடுபட்டதால், அவர்கள் மீது ஒழுங்கு நடவடிக்கை எடுக்கப்பட்டு வெளியேற்றப்பட்டனர்.

நடவடிக்கை எடுக்கப்பட்டவர்களில் ஒருவர் சிவகங்கை மறைமாவட்டத்தை சேர்ந்த குறிப்பிட்ட ஒரு சமுதாயத்தை சேர்ந்தவர். இதற்காக கடந்த ஒரு ஆண்டாக அந்த அமைப்பினர் பல்வேறு கட்ட பேச்சுவார்த்தை நடத்தினர்.

புண்படுத்திவிட்டனர்

அவர்களின் கோரிக்கையின் அடிப்படையில் 2 ஆண்டுகள் காத்திருந்த பின்னர் வேறு சபையில் பணிபுரிய பரிந்துரை கடிதம் தரப்படும் என எழுத்து பூர்வமாக கடிதம் கொடுத்தோம். ஆனால், தொடர்ந்து போராட்டம் நடத்தி வரும் அவர்கள், தற்போது இந்த விழாவிலும் புனிதத்தன்மையை சீர்குலைத்து, அனைவரையும் புண்படுத்திவிட்டனர்.

இவ்வாறு அவர் கூறினார்.

இது என்ன விபரீதம்... குருத்துவம் பயல சென்றவர்கள் குற்ற செயல்களில் ஈடுபடுவது கண்டிக்கத்தக்கது... கடவுள் பணி செய்ய செல்வது என்பது எல்லாராலும் முடியாத ஒன்று.