இதை அல்லவா அமெரிக்காவில் முழங்கி இருப்பேன் – விவேகானந்தர் வருத்தம்!

**சாமி** · **சாமி** Sat Oct 06, 2012 8:13 pm

ஒருமுறை சுவாமி விவேகானந்தர் அவர்களைக் கொண்டு சேதுபதி அரசர் மிகப்பெரிய கருத்தரங்கத்தை நடத்தினார். விவேகானந்தரை, சேதுபதி அரசர்தான், சிகாகோவிற்கு அனுப்ப ஊக்கம் கொடுத்து அமெரிக்கப் பயணச் செலவை ஏற்றார். விவேகானந்தர் சிகாகோவில் பல்வேறு மதத்தலைவர் களிடையே சொற்பொழிவாற்றி அனைவரையும் ஈர்த்து உலக அளவில் புகழ் பெற்றார் என்பது நாம் அறிந்தது.

அவர் அமெரிக்காவிலிருந்து திரும்பியபோது அவரை வரவேற்று சேதுபதி மேற்கூறிய கருத்தரங்கத்தை நடத்தினார். சிகாகோவைப் போலவே இங்கேயும் பல சமயத்தலைவர்கள் தத்தம் சமயக் கருத்துகளை எடுத்தியம்ப அழைக்கப்பட்டிருந்தனர்.
சாங்கியம், மீமாம்சை, யோகம், வைணவம், சாக்தம், ஏகான்மவாதம் முதலான பல்வேறு சமயம் சார்ந்த பெரியோர்கள் பேசியபின் செம்பொருள் துணிவு (வடமொழி வார்த்தை: சைவசித்தாந்தம்{வார்த்தை மட்டும்தான் வடமொழி : கொள்கை தமிழருடையது }) சார்பாகத் தம் கருத்துக்களை எடுத்து வைத்துப் பேசிக் கொண்டிருந்தார் மறைமலைஅடிகளின் ஆசிரியரான சைவ சண்டமாருதம் எனப்படும் சோமசுந்தர நாயக்கர்.

செம்பொருள் துணிவு (சைவசித்தாந்தம்) கூறும் முப்பொருள் உண்மையை எளிய முறையில் இப்படி விளக்கினார் நாயக்கர்.
தானே அறியும் பொருள் – இறைவன்
அறிவித்தால் அறியும் பொருள் – உயிர்களாகிய நாம்
அறிவித்தாலும் அறியாதது – சடமான உலகம்

இவற்றைதான் இறை(பதி), உயிர்(பசு), தளை(பாசம்) என்கின்றனர். இந்த முப்பொருள் உண்மையை இப்போது அறிவித்துள்ளேன். அறிவித்தாலும் அறியாத மூன்றாவது வகையைச் சேர்ந்தவர்களுக்கு இது புரியாமல் இருக்கலாம். அது அவர்களது தன்மையின் காரணத்தால் அமைந்தது என்று கூறினார். பலத்த கைதட்டல் கிடைத்தது.

விவேகானந்தர் மொழி பெயர்ப்பாளர் உதவியோடு இதை மீண்டும் சொல்லக்கேட்டு மிகவும் மகிழ்ந்து, இக்கொள்கை அமெரிக்காவிற்குப் போகுமுன் நான் அறிந்திருந்தால் நான் இதை அல்லவா அமெரிக்காவில் முழங்கி இருப்பேன் என்று ஆர்வத்துடன் நாயக்கரின் செம்பொருள் துணிவு (சைவசித்தாந்தம்) பேச்சை முழுமையாகக் கேட்டார்.

**கரூர் கவியன்பன்** · 23/09/2012

விளக்கங்களும் விவேகமும் பதித்திட்டதும் நன்று மிகவும் விரும்புகிறேன். இது போன்ற பதிவை நிறையவே எதிர்பார்க்கிறேன் உங்களிடம் இருந்து

ஆரூரன் · ஆரூரன் Sun Oct 07, 2012 10:07 pm

சாமி wrote:இந்த முப்பொருள் உண்மையை இப்போது அறிவித்துள்ளேன். அறிவித்தாலும் அறியாத மூன்றாவது வகையைச் சேர்ந்தவர்களுக்கு இது புரியாமல் இருக்கலாம். அது அவர்களது தன்மையின் காரணத்தால் அமைந்தது என்று கூறினார்.

நாங்கல்லாம் இந்த வகையைச் சார்ந்தவர்கள்!

**சிவா** · **சிவா** Sun Oct 07, 2012 11:47 pm

முப்பொருளின் உண்மையை எங்களுக்கும் எடுத்துரைத்ததற்கு நன்றி சாமி!

**அகிலன்** · **அகிலன்** Mon Oct 08, 2012 12:56 pm

(தானே அறியும் பொருள் – இறைவன்
அறிவித்தால் அறியும் பொருள் – உயிர்களாகிய நாம்
அறிவித்தாலும் அறியாதது – சடமான உலகம்)

எங்களுடைய பள்ளி வாத்தியார் ஒருவர் எங்களை சடம் என்று திட்டுவார் அதனுடைய உண்மையான அர்த்தம் இப்பதான் எனக்கு விளங்குகிறது.
நன்றி சாமி அவர்களே.