கதை எண்.014 - ரத்தக்கண்ணீர் (சிறுகதை சின்னத்திருவிழா)

ரத்தக்கண்ணீர்

அன்று அக்டோபர் 2 தேதி . மகாத்மா காந்தி அவர்கள் பிறந்த தினம். அஹிம்சா தினம் என்று கொண்டாடப்படுகிறது. பள்ளிக்கூட கலைஅரங்கத்தில் விழா .விளையாட்டு மைதானத்தில் உள்ள காந்திஜி -கஸ்தூரி பா சிலைக்கு நீரால் சுத்தம் செய்து மாலை சூட்டிக்கொள்ளும் தயார் நிலையில் இருந்தார் அண்ணல் காந்தி.
மாலை 5 மணி சுமாருக்கு படகு கார். ஒன்று சிலை அருகே நின்றது சுற்றுப்புற சூழலை மயக்கிடும் உயர் ரக பிரெஞ்சு வாசனை செண்டு காற்றில் உலா வர அதை தொடர்ந்து விலை உயர் ரக பட்டு சேலை,உடுத்தி , காலிலே கண் கவரும் கான்பூர் சப்பல் இத்யாதிகளுடன் ஒரு பெண்மணி இறங்கினார். அவரை வரவேற்ற விழா காரியதரிசி, அவருக்கு கையில் பூச்செண்டை கொடுக்க, அதை வாங்கிக்கொண்டு,நன்றி கூறினார். பக்கத்தில் நின்றுகொண்டிருந்த பெண்கள் மலர் மாலைகளை கொடுக்க, மரியாதையுடன் எடுத்து ஒரு மாலையை காந்திஜிக்கு அணிவித்து, பிறகு இன்னொரு மாலையை அன்னை கஸ்தூரி பாவிற்கு அணிவித்து ,சந்தனத்தை விரல் நுனியால் தடவி, குங்குமத்தை காந்திஜி/ பா இருவருக்கும் தடவி விட்டு ,கைகூப்பி இருவரை வணங்கிவிட்டு மேடை நோக்கி பேசுவதற்கு சென்றார்.

அவர் சென்றவுடன், மலர் மாலை எடுத்து கொடுத்த பெண் மற்றவளிடம் , " அந்தம்மா , கட்டிண்டு வந்த புடவை விலை அதிகமோ"
மற்றவள், நிச்சயமா விலை அதிகம் இருக்கும், 80000 மேல் இருக்கலாம். அவர்களுக்கு என்ன , பத்து கடைகள் இருக்கு. சொந்தமாக ஐந்து தறிகளும் இருக்கு. பட்டை நேரிடையாக வாங்கி புடவையாக மாற்றுகிறார்கள். இதெல்லாம் போதாது என்று இவருடைய மகன் பெரிய ஷூ/செருப்பு கடைகள் இந்திய முழுவதும் வைத்து இருக்கிறார்கள். கான்பூரில் பெரிய தோல் பதனிடும் ஆலையும் உண்டு. அதிகம் கூறினால் பிராணி வதை நமக்கேன். நாம உண்டு, குழந்தைகளுக்கு படிப்பு சொல்லி கொடுத்தோமா சம்பளம் வாங்கிண்டோமா வீட்டுக்குப் போனோமா ன்னு இருக்கணம்.
மற்றவள் ,இல்லை நேற்றுதான் பட்டைப் பற்றியும் பட்டு புடவை தயாரிப்பை பற்றியும் மாணவர்களுக்கு சொல்லி கொடுத்தேன். ஒரு பட்டு புடவை தயாரிக்க 50000 புழுக்களை அழிக்க வேண்டி இருக்கிறது அப்படின்னா இவருடைய பட்டுபுடவை தறியில் தினம் தினம் எவ்வளவு கொலை /வதை நடக்கின்றது?
அவன் மகன் ஆலையில் மட்டும் என்ன வாழ்ந்ததாம்? தினம் தினம் சீக்காளி பசுவும் மாடுகளும் ஆடுகளும் வதை செய்யப்பட்டு செருப்பாக மாறுகிறது.
காந்திஜி சுதேசி பொருளை ஆதரியுங்கள் விதேசி பொருட்களை வாங்காதீர்கள் என்றார். ஆனால் இந்த அம்மா விலை உயர்ந்த செண்ட்டை பூசி இந்த இடத்தையே கமகமக்க செய்து விட்டார்.சரி சரி நாம போய் நம்ம வேலையை கவனிக்கலாம். அவர்கள் நகர ,

கஸ்தூரிபா , காந்தியிடம் ," வரிங்களா, மீட்டிங் லே என்ன பேசறாங்க ன்னு " கேட்கலாம்.
மகாத்மா காந்தி ," அந்த ரெண்டு பொண்கள் பேசினதை கேட்டாய் அல்லவா? புழு வதை,, பசு வதை ---சொந்த மண் விளைபொருள் புறக்கணிப்பு. வேண்டாம்மா இங்கேயே இருக்கலாம் .வருடாவருடம் ஒரு நாள் நம்ம பேரை சொல்லி காமெடி பண்ணறாங்க."

காமெடி பண்ணலீங்க பாபுஜி. உண்மையிலே அவர்கள் காமெடி மெகா சீரியல் பண்றாங்க . நீங்கள் கேட்டுக்கொண்ட எதையுமே அவர்கள் செய்யவில்லை. சுதந்திரம் கிடைத்தவுடன் காங்கிரஸ் கட்சியை கலைத்திட சொன்னீர்கள். அவர்கள் செய்யவில்லை. சுதந்திரம் காங்கிரச்சால் கிடைத்தது எனக்கூறி அதை மூலதனமாக்கி , அதன் மூலம் மக்களின் அனுதாப ஓட்டுகளை பெறுகின்றனர். மதுவிலக்கை அமல் படுத்த கூறினீர்கள். குஜராத்தை தவிர மற்ற எல்லா மாநிலங்களிலும் அரசாங்கத்தாலேயே மது விநியோகப்படுத்தப்பட்டு வரி மூலம் அரசாங்கத்துக்கு வருமானம் வருகிறது. அதனால் சீரழியும் குடும்பங்களை பற்றி அரசு கவலை படுவதில்லை. நம்முடைய மகனே குடியால் சீரழிந்த போது அவனை நாம் ஒதுக்கி தள்ளி வைத்து ஒரு உதாரணம் காட்டினோமே, அது பொய்யா? இதை விட கொடுமை , சம்பந்தமே இல்லாத குடும்பம்* காந்தி என்கிற பெயரை தங்கள் பெயரின் பின்சேர்க்கையாக சேர்த்துக்கொண்டு இந்நாட்டிற்கு காந்தியின் வழித்தோன்றல் போன்ற ஒரு மாயை உண்டாக்கி அரசியல் ஆதாயம் தேடும் அவலம். உண்மை அறிந்துள்ள 10 % மக்களின் இயலாமை! எதை சொல்வது. பிறந்த நாள் அன்று நீங்கள் படும் வேதனை என்னே என்று சொல்வது., என்று கஸ்தூரி பா வருந்தினார். .

மேகமண்டலத்தில் இருந்து விழுந்த நாலைந்து மழைத்துளிகள் காந்திஜியின் நெற்றியில் விழுந்து குங்குமம் கலைந்து கண்ணின் வழி வெளிவருகையில், ரத்தக்கண்ணீர் போல் தெரிந்தது.