சுதந்திரத்தின் பலன்!

**சிவா** · **சிவா** Wed Sep 26, 2012 11:28 am

இந்தியா சுதந்திரம் அடைந்த சில மாதங்களுக்குப் பிறகு ஒருமுறை ஜவகர்லால் நேரு பஞ்சாப் மாநிலத்துக்கு வந்திருந்தார்.

ஒரு பொதுக்கூட்டத்தில் அவர் பேசிவிட்டுத் தனது கார் இருக்குமிடத்துக்கு
வந்தபோது ஒரு முரடன் அவரை இடைமறித்தான்.

என்ன? என்று கேட்டார் நேரு.

சுதந்திரம் வந்துவிட்டதால் என்னைப் போன்றவர்களுக்கு என்ன லாபம்? என்று கேட்டான் அந்த முரடன்.

நேருஜி அவனைத் தட்டிக் கொடுத்தார்.

நண்பரே, சுதந்திரத் திருநாட்டின் பிரதமரிடம் இப்படி வழிமறித்துக் கேட்கும் துணிச்சல் உனக்கு ஏற்பட்டிருக்கிறதே இதுவே நீர் பெற்ற சுதந்திரத்தின் மகிமை. வெள்ளைக்கார ஆட்சியிலே நீங்கள் இப்படி ஒரு வெள்ளைக்கார அதிகாரியைக் கேட்டிருந்தால் நடக்கிற கதையே வேறு என்றார் நேரு.

முரடன் வெட்கித் தலைகுனிந்து நேருவை வணங்கிச் சென்றான்.