உன்னைப் போல நானும்...

**சிவா** · **சிவா** Wed Sep 26, 2012 3:35 pm

புதிதாக வேலைக்குச் சேர்ந்திருந்த ரவிக்கு வேலை கற்றுக் கொடுக்கும் பொறுப்பு ஜூனியர் கிளார்க் ஜனார்த்தனத்திடம் ஒப்படைக்கப்பட்டிருந்தது.

ரவிக்கு வேலை கற்றுக்கொடுத்தாரோ இல்லையோ... அறிவுரைகளை வாரி வழங்கிக் கொண்டிருந்தார் ஜனார்த்தனம்.

"இவரும் நம்பளமாதிரி ஒரு சாதாரண கிளார்க்காகத்தான் நம்ம கம்பெனிக்குள்ளே நுழைஞ்சார். அப்புறம் ஆபீஸராகி, மேனேஜராகி, ரீஜினல் மேனேஜராகி, ஜெனரல் மேனேஜராகி, இன்னைக்கு நம்ம கம்பெனிக்கு எம்.டி.யாவும் ஆகிட்டார்."

"கடும் உழைப்புதான். இல்லீங்களா சார்?"

"ஆமாம் தோழா. இன்னைக்கு மந்திரிகளே நம்ம எம்.டி.யைப் பார்க்க அப்பாயின்ட்மென்ட் கிடைக்காம காத்திருக்காங்க... இந்தியாவின் கனவுக்கன்னி 'குசலகுமாரியே' எம்.டி.யோட காலடில..."

"என்னால நம்பவே முடியலே சார்."

"அதான் உலகத்துக்கே தெரியுமே. சரி. அவரு மாதிரி நீயும் கடுமையா உழைச்சு முன்னுக்கு வரணும். மேனேஜராகி, ஜி.எம்.மாகி மடமடன்னு புரமோஷன்ல உயரணும்... என்ன நம்ம எம்.டி. மாதிரி வருவியா?"

"வந்துவேன் சார். ஆனா..."

"ஆனா என்ன?"

"அவரை மாதிரி எம்.டி.யாகிடறேன். ஆனா அந்த குசலகுமாரி, ஜிகினா, ஜிம்மி, ஊர்மிளா விவகாரங்கள் மட்டும் வேண்டாம்.... அது எனக்குப் பிடிக்கலே..!"

"இது... இது... மனுஷன். இதத்தான் நான் எதிர்பார்த்தேன். இப்பிடித்தான் தோழா இருக்கணும். அன்னம் மாதிரி..." என்று ரவியை உச்சி முகரப் போன ஜனார்த்தனனை இடைமறித்தபடி தொடர்ந்தான் ரவி...

"அவங்களுக்கெல்லாம் வயசாகிப் போச்சு... சாரி, நான் எம்.டி.யானதும், சிம்ரன், கஜோல், ரம்பா.... இவங்களை வச்சுக்கிடறேனே..." என்ன சார் சரிதானே....?"

"சண்டாளா..!"

கரடிகுளம் ஜெயாபரதிப்ரியா