கதவை தட்டிய பழைய காதலி

**கரூர் கவியன்பன்** · 23/09/2012

பழகிப்பார் அவளோடு

பழகிப்பார் அவளோடு
பழகப் பழகத் தெரியும்அவள் பண்பாடு...
எழுதாத ஓவியம் என்றுநான் சொல்லவா - அவள்
எப்போதும் மாறாத இளையவள் அல்லவா?

...பழகிப்......

கீழ்வானில் வைகறை வெள்ளம் திறப்பாள்
கிளர்ச்சியை எழுச்சியை உயிர்க்கெலாம் சுரப்பாள்
யாழ்மீட்டும் பறவைச் சிறகுகள் அசைப்பாள் - விரி
வானத்தின் வரம்பெலாம் வசப்பட இசைப்பாள்

...பழகிப்......

சிகரங்கள் தோள்களில் அருவியை இறங்குவாள்
சிதையாத வலிமையைப் போற்றியே முழங்குவாள்
நகை செய்யும் மலர்களின் இதழ்களில் சிரிப்பாள் - உன்
நாள்களை மணமூட்டி நொடிகளாய் விரிப்பாள்

...பழகிப்......

சிறுபுள்ளிப் பணியள்ளி அனைத்துக் கொள்வாள்
திரைகடல் உன்னுள்ளும் உண்டென்று செல்வாள்
தெறித்திட்ட நட்சத்திர மணிகளைச் சேர்ப்பாள் - உன்
தித்திப்புக் கவிதைக்கு மலையாய்க் கோப்பாள்

...பழகிப்......

வெப்பத்தின் நடுவிலே குளிர்ச்சியாய் நிற்பாள்
விளங்காத நெருப்புக்கு விளக்கம் நீ கற்பாய்
தப்பிய விதைஉள்ளும் தருக்கைளை வைப்பாள் - அவள்
தவறுகள் மனத்துள்ளும் திருத்தம் விதைப்பாள்

...பழகிப்......

ஒருநொடி மின்னலில் புன்னகை செய்வாள்
யுகஇருள் கொய்துடன் பவுர்ணமி செய்வாள்
எறிந்திடும் தீப்பந்த உச்சியில் சிவப்பாள் - தன்
எதிர்ப்படும் தீமைகளை சாம்பலில் உவப்பாள்

...பழகிப்......

மூங்கில்களின் துளைகளில் கீதம் படிப்பாள்
மூர்க்க இடிகளில் முழவுகள் அடிப்பாள்
பாங்காக இருப்பினும் இருப்பாள்! ஒரு நாள் - அவள்
பாடுகள் படுத்தினும் படுத்துவா ளானால்...

...பழகிப்......

[ ஈரோடு தமிழன்பன் கவிதை தொகுப்பில் இருந்து பதியப்பட்டது ]

**மாணிக்கம் நடேசன்** · 14/12/2009

மழைய காதலியை சந்திப்பதில் உள்ள மனக்கவலை விட கொடூரமானது எதுவும் இல்லை. அனுபவமுங்க வேறு எதுவும் இல்லை.

**கரூர் கவியன்பன்** · 23/09/2012

உண்மை தான். அதுவும் அவள் குடும்பத்துடன் பார்க்கும் போது ஏற்படும் நிலை மிகவும் கொடுமையானது தான் இருப்பினும் அவளது குழந்தைகளை பார்க்கையில் ஒருவித மகிழ்ச்சி ஏற்படும் பாருங்க..... எதோ நமது குழந்தை போல..