தொலைந்தவன் நான் தொலைந்தவன்

**கரூர் கவியன்பன்** · 23/09/2012

வனத்தில் தொலைந்தவன்
நான் வனத்தில் தொலைந்தவன்

எங்கெங்கோ சுற்றித்திரியும் காற்றாக
கடலினில் மூழ்கிய முத்தாக
தாயின் முந்தானைக்குள் மறையும் குழந்தையாக
சிறு பிள்ளையில் மாங்காய் திருடிய கள்வனாக
தொலைந்தவன்
நான் தொலைந்தவன்

அப்பாவின் கம்பீரத்தில் தொலைந்தவன்
அம்மாவின் அன்புக்குள் தொலைந்தவன்
தங்கையின் கண் சிமிட்டலில் தொலைந்தவன்
தம்பியின் பக்க பலத்தில் தொலைந்தவன்

பள்ளிக் காலத்தில் தமிழாசிரியரின் தமிழில்
கல்லூரியின் வாசல் வெளியில்
கணினியின் இளநிலை பட்டப் படிப்பில்
கல்வியியல் கல்லூரியில் மாணவனாக

தொலைந்தவன் நான் தொலைந்தவன்

நண்பனின் கண்ணீர் துளியில் தொலைந்தவன்
தோழியின் புன்னகையில் தொலைந்தவன்
படிப்பினை முடித்தப்பின் வீட்டிலேயே தொலைந்தவன்
காவல் துறையில் பணியாற்ற வேண்டும் என்ற கனவில் தொலைந்தவன்
அதற்காக சிறிதளவில் இப்போது புத்தகத்திலே தொலைந்தவன்

தொலைந்தவன் நான் தொலைந்தவன்

சிறிதளவில் கவித்துவம் தெரிந்தப்பின் கவிதையில் தொலைந்தவன்
ஈகரையைப் பார்த்தப்பின் கவிதை வானவெளியில் தொலைந்தவன்
இந்த இரவு பூமியின் மடியில் தொலைந்தவன்

இப்பொழுது...
என்னை நானே இந்தப் பூமி வனத்தில் தேடுகிறேன்

இனி..
நீங்கள் தரும் அன்பு மழையில் தொலைய வந்திருப்பவன்
உங்கள் நண்பன்
கரூர் கவியன்பன்.

**மாணிக்கம் நடேசன்** · 14/12/2009

இங்க ஙந்திட்டீங்க இல்ல, இனிமேங் தொலையவே மாட்டீங்க. நாங்களும் உங்கள தொலைய விட மாட்டோம்.

**Dr.சுந்தரராஜ் தயாளன்** · 03/09/2011

தொலைந்தீர் தொலைந்தீர் தொடர்ந்தே தொலைந்தீர்
தொலையா திடமீ கரை
வாழ்த்துகள் மகிழ்ச்சி

யினியவன் · யினியவன் Mon Sep 24, 2012 10:25 pm

இங்கு தொலைய தொலைய
தொல்லைகள் அகலும்...

நன்று உங்கள் தொலைந்த கவிதை.

தா.கமலக்கண்ணன் · 18/09/2012

நீங்கள் தொலைந்தீர் ஈகரை உங்களை கண்டுபிடிதிருகிறது......

Sponsored content · Sponsored content

தொலைந்தவன் நான் தொலைந்தவன்

தொலைந்தவன் நான் தொலைந்தவன்

Re: தொலைந்தவன் நான் தொலைந்தவன்

Re: தொலைந்தவன் நான் தொலைந்தவன்

Re: தொலைந்தவன் நான் தொலைந்தவன்

Re: தொலைந்தவன் நான் தொலைந்தவன்

Re: தொலைந்தவன் நான் தொலைந்தவன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக