திட்டம் துவங்கிய முதல் நாளில் புகார் குவிந்தது: மதுபான பிரியர்கள் அதிக கவனம்

சரக்குக்குக் கூடுதல் பணம் வசூலிப்பதைத் தடுக்க, "டாஸ்மாக்' நிர்வாகம் அறிவித்த, கட்டணமில்லா தொலைபேசித் திட்டத்திற்கு, குடிமகன்கள் மத்தியில் நல்ல வரவேற்பு உள்ளது. நேற்று முன்தினம் மட்டும், 210க்கும் மேற்பட்டவர்கள், இந்த எண்ணில் புகார் அளித்துள்ளனர்.

விலை:

தமிழகத்தில் உள்ள, "டாஸ்மாக்' மதுபானக் கடைகளில், அரசு நிர்ணயித்த விலையை விட, கூடுதல் விலைக்கு மதுபானங்கள் விற்கப்படுவதாகப் புகார்கள் எழுந்தன. "டாஸ்மாக்' நிறுவனத்தின் கட்டணத் தொலைபேசி எண், 2854 2303க்கு, பலரும் புகார் அளித்து வந்தனர். பறக்கும் படையில் உள்ளவர்கள், சம்பந்தப்பட்ட கடையில், திடீரென ஆய்வு செய்து, புகார் உண்மையானதாக இருந்ததால், நடவடிக்கை எடுத்து வந்தனர். இந்த வகையில், 1,600க்கும் மேற்பட்ட கடை ஊழியர்கள் மீது நடவடிக்கை எடுக்கப்பட்டது. ஒருபக்கம் நடவடிக்கை தொடர்ந்தாலும், கூடுதல் தொகை வசூலிப்பதைக் கடை ஊழியர்கள் நிறுத்தவில்லை.


தொலைபேசி எண்:

இந்தப் பிரச்னைக்குத் தீர்வு காணும் வகையில், எந்தக் கடையில் கூடுதல் விலை கேட்கப்படுகிறது என்பதை, குடிமகன்கள் புகாராகத் தெரிவிக்கும் வகையில், கட்டணமில்லாத் தொலைபேசி எண்ணை (18004252015) "டாஸ்மாக்' நிறுவனம், நேற்று முன்தினம் அறிமுகப்படுத்தியது. இந்த எண்ணில், அதிக விலைக்கு மதுபானங்களை விற்கும் கடை குறித்த தகவல்களைத் தெரிவித்தால், சம்பந்தப்பட்ட பகுதி அதிகாரிக்குத் தகவல் தெரிவிக்கப்பட்டு, உடனடி நடவடிக்கை எடுக்கப்படும் என, அறிவிக்கப்பட்டது. இதன்படி, நேற்று முன்தினம் ஒரு நாளில் மட்டும், 210க்கும் மேற்பட்டோர், தொடர்பு கொண்டதாகக் கூறப்படுகிறது.


இது குறித்து, "டாஸ்மாக்' அதிகாரி ஒருவர் கூறியதாவது:

ஏற்கனவே அமலில் இருந்த, கட்டணத் தொலைபேசியை விட, தற்போது இலவசத் தொலைபேசிக்குப் புகார்கள் அதிகளவில் வருகின்றன. ஒரே நாளில், 200க்கும் மேற்பட்ட புகார்கள் வந்துள்ளன. பெரும்பான்மையான அழைப்புகள், மதுபானத்தின் பெயரைக் குறிப்பிட்டு, அதன் விலையை கேட்டுதான் வந்தன. சில நுகர்வோர், விலையை கேட்டு, அதன் பின், சம்பந்தப்பட்ட கடையின் மீது புகார் அளித்துள்ளனர். புகார்களை உடனடியாகப் பதிவு செய்து, "இ-மெயில்' மூலம், சம்பந்தப்பட்ட மாவட்ட அல்லது பகுதி அதிகாரிகளுக்குத் தகவல் தெரிவித்தோம். அந்த அதிகாரி, உடனடியாகப் புகாரில் குறிப்பிடப்பட்ட இடத்தில் ஆய்வு செய்து, புகார் உண்மையாக இருந்தால், நடவடிக்கை எடுப்பார். இவ்வாறு அவர் தெரிவித்தார்.


தொடர்பில் சிக்கல்:

அதேசமயம், இந்த எண்ணைத் தொடர்பு கொள்வதில் சிக்கல் இருப்பதாகக் குடிமகன்கள் தரப்பில் குற்றம் சாட்டப்படுகிறது. இது குறித்து அவர்களில் சிலர் கூறியதாவது: நேற்று முன்தினம் இரவு 8:15 முதல் 10 மணி வரை இலவசத் தொலைபேசி எண்ணைத் தொடர்பு கொண்டபோது, இணைப்புக் கிடைக்கவில்லை. அதன் பின், காலையில் பல முறை தொடர்பு கொண்ட பின், இணைப்புக் கிடைத்தது. அவர்கள் என்னிடம் தகவலை வாங்கி, நடவடிக்கை எடுப்பதாகக் கூறினர். ஆனால், எங்கள் பகுதியில், இன்னும் கூடுதல் விலைக்குத் தான் மதுபானங்களை விற்கின்றனர். இது போன்று கூடுதலாக வசூலிக்கப்படும் தொகை, விற்பனையாளர்களுக்கே போகிறது. இவ்வாறு அவர்கள் தெரிவித்தனர்.

தினமலர்

குடி மக்கள் நலன் பேணும் அரசு.

குடியைக் கெடுக்கும் குடியைக் குடி

யினியவன் wrote:குடி மக்கள் நலன் பேணும் அரசு.

Dr.சுந்தரராஜ் தயாளன் wrote:குடியைக் கெடுக்கும் குடியைக் குடி

குடியையும் குடி மக்களையும் முறை தவறாது பேணி காக்கும் அரசு .........

முறை தவறாது குடிக்கும் மக்களை
முறை தவறாம பேணவேண்டிய
கட்டாயத்தில் அரசு பூவென்.

யினியவன் wrote:முறை தவறாது குடிக்கும் மக்களை
முறை தவறாம பேணவேண்டிய
கட்டாயத்தில் அரசு பூவென்.

இது பேண வேண்டிய விஷயம் அல்ல ..
அரசு நாண வேண்டிய விஷயம் அண்ணா...........

நாங்களும் அந்த அர்த்தத்தில் தான் அரசை நக்கல் செய்கிறோம் பூவென்.

யினியவன் wrote:நாங்களும் அந்த அர்த்தத்தில் தான் அரசை நக்கல் செய்கிறோம் பூவென்.

அது நான்றாக தெரிகிறது அண்ணா ......

pooven wrote:

யினியவன் wrote:நாங்களும் அந்த அர்த்தத்தில் தான் அரசை நக்கல் செய்கிறோம் பூவென்.

அது நான்றாக தெரிகிறது அண்ணா ......

அம்மாடி போயி ராவா ஒன்னு போட்டாதான் சரி ஆவும் போலயே!!!!!

யினியவன் wrote:

pooven wrote:

யினியவன் wrote:நாங்களும் அந்த அர்த்தத்தில் தான் அரசை நக்கல் செய்கிறோம் பூவென்.

அது நான்றாக தெரிகிறது அண்ணா ......

அம்மாடி போயி ராவா ஒன்னு போட்டாதான் சரி ஆவும் போலயே!!!!!

இது வேறயா