அதிகரித்து வரும் மின்வெட்டு - தொலைக்காட்சி பார்ப்போர் எண்ணிக்கை குறைந்துள்ளது!

First topic message reminder :

தமிழகத்தில், கடும் மின் பற்றாக்குறை காரணமாக, மின் வெட்டு நேரம் நாளுக்கு நாள் அதிகரித்து வருகிறது. சென்னை தவிர, மாநிலத்தின் மற்ற மாவட்டங்களில், கடந்த சில தினங்களாக, 14 மணி நேர மின் வெட்டு அமல்படுத்தப்பட்டு வருகிறது. இதனால், "டிவி'யில் அழுகை தொடர்களைப் பார்க்கும் பார்வையாளர்கள் எண்ணிக்கை வெகுவாகக் குறைந்து உள்ளது. கோடிக்கணக்கில் செலவு செய்து, "டிவி'க்களில் விளம்பரம் செய்யும் வர்த்தகர்கள், அதற்கான பலன் கிடைப்பதில்லை என்று வருந்தும் நிலை ஏற்பட்டுள்ளது.

தமிழகத்தின் தினசரி மின் தேவை, 12 ஆயிரத்து, 500 மெகாவாட்டாக உள்ள நிலையில், தற்போது, 8,500 மெகாவாட் மின்சாரம் மட்டுமே கிடைத்து வருகிறது. உற்பத்திக்கும், பற்றாக்குறைக்கும் இடையில் இருந்த வித்தியாசத்தால், சென்னை தவிர மற்ற பகுதிகளில், மூன்று மணி நேரத்திற்கும் மேலாக, அறிவிக்கப்பட்ட மின் வெட்டு, அமலாக்கப்பட்டு வருகிறது; தொழிற்சாலைகளுக்கும் கட்டுப்பாடு விதிக்கப்பட்டுள்ளது.

இந்நிலையில், கடந்த சில தினங்களாக, மின் உற்பத்தி கடுமையாக பாதிக்கப்பட்டதால், மின் வெட்டு நேரம் அதிகரிக்கப் பட்டுள்ளது. நேற்று காலை நிலவரப்படி, தமிழகத்தில், 2,970 மெகாவாட் உற்பத்தி திறன் கொண்ட அனல் மின் நிலையங்களில், 2,020 மெகாவாட்; 2,223.5 மெகாவாட் திறன் கொண்ட நீர்மின் நிலையங்களில், 693 மெகாவாட்; 500 மெகாவாட் திறன் கொண்ட, காஸ் மின் நிலையத்தில், 148 மெகாவாட் மட்டுமே உற்பத்தியானது. மேலும், 17.5 மெகாவாட் அரசு காற்றாலை மற்றும் 6,980 மெகாவாட் திறன் கொண்ட தனியார் காற்றாலைகளில், வெறும், 227 மெகாவாட் மின்சாரம் மட்டுமே உற்பத்தியானது. மத்திய மின் தொகுப்பு, மின் கழகம், தனியார் அமைப்புகள் மூலம், நேற்று, 7,108 மெகாவாட் மின்சாரம் மட்டுமே உற்பத்தி செய்யப்பட்டு உள்ளது.இதனால், அறிவிக்கப்படாத மின் வெட்டு நேரம் உயர்த்தப்பட்டுள்ளது. சென்னை தவிர, மற்ற மாவட்டங்களில், 10 முதல், 14 மணி நேரம் வரை, மின் வெட்டு அமலாக்கப்பட்டுள்ளது.

குறிப்பாக, மாலை மற்றும் இரவு நேரங்களில் அமலாக்கப்படும் மின் வெட்டால், பொதுமக்கள் அவதியுற்று வருகின்றனர். மின் வினியோக நேரத்தை விட, மின் தடை நேரம் அதிகரித்துள்ளது, பொது மக்களை கடும் அதிருப்தியில் ஆழ்த்தியுள்ளது. தொழிற்சாலைகளில் உற்பத்தி திறன் கடுமையாகக் குறைந்துள்ளது. குறிப்பாக, பகல், 12 மணி முதல், 3 மணி வரை, மாலை, 5 முதல், இரவு, 10 மணி வரையிலான காலகட்டத்தில் ஏற்படும் மின் வெட்டு காரணமாக, "டிவி' பார்ப்போர் எண்ணிக்கை கணிசமாகக் குறைந்துள்ளது. குறிப்பாக, இந்த நேரத் தில் தான் பெரும்பாலான, "டிவி' சேனல்களில், மெகாதொடர்கள் ஒளிபரப்பாகின்றன. இவற்றை பார்த்து பொழுதை போக்கி வந்த வீட்டுப் பெண்கள், முதியவர்களை, "டிவி' நிகழ்ச்சிகள் சென்றடையாத நிலை உள்ளது. மின் வெட்டு காரணமாக, ஒட்டு மொத்தமாக, "டிவி' பார்ப்போர் எண்ணிக்கையில் பாதிப்பு ஏற்பட்டுள்ளது.இந்த பாதிப்பு, விளம்பரதாரர்கள் மத்தியிலும் எதிரொலித்துள்ளது. பெரும்பாலும், "டிவி' நிகழ்ச்சிகள் அனைத்தின் இடையிலும் விளம்பரங்கள் வருகின்றன. மின் தடையால் பொதுமக்கள், "டிவி'யை பயன்படுத்தாததால், தங்களது தயாரிப்புகளை பிரபலப்படுத்தும் நிறுவனங்கள் வருத்தத்தில் உள்ளதாகக்

மிரட்டும் மின் வெட்டு:

தமிழகத்தில், சென்னையில் மட்டும், 1 மணி நேரம் மின் வெட்டு அமல்படுத்தப்படுகிறது. மற்ற மாவட்டங்களில் அதிகப்படியாக, கோவை, திருப்பூரில், 14 மணி நேரம் மின்சாரம் இருப்பதில்லை. மதுரையில், காலை, 9 மணியில் இருந்து, 12 மணி, பிற்பகல், 3 மணி முதல், 5 மணி, இரவு, 7 முதல், 9 மணி, அதன் பின், 10 மணியில் இருந்து, 1 மணி நேரத்திற்கு ஒரு முறை மின்சாரம் தடைபடுகிறது.நெல்லையில், காலை, 6 முதல், 10 மணி வரையும், மாலையில், 7 மணி முதல், 10 மணி வரையும் மின்வெட்டு உள்ளது. கன்னியாகுமரியில், காலையில் நான்கு மணி நேரம் தவிர, மாலையில், 6 மணி முதல், 9 மணி வரை மின் தடை ஏற்படுகிறது. திருச்சியில், நகர்ப்புறத்தில் எட்டு மணி நேரமும், கிராமப்புறங்களில், 13 மணி நேரமும் மின் தடை உள்ளது.தஞ்சை, பட்டுக்கோட்டை மாவட்டங்களில் உள்ள கிராமங்களில், மாலை நேரத்தில் மின்சாரம் அடிக்கடி தடைபடுவதால், "டிவி' உள்ளிட்ட, மின் சாதனங்களை இயக்க முடியாமல், பொதுமக்கள் தவித்து வருகின்றனர்.

தினமலர்

யினியவன் wrote:

balakarthik wrote:அட இதுலென்ன இருக்கு தயாரிசுட்டா போச்சு அதுசரி தயாரிப்பாளர்ணா இந்த ஹீரோயினுக்கு வேர்க்கும்போழுதேல்லாம் பக்கத்துல நின்னு தொடசுவிடுவாறே அவர்தான

ஊகூம் ஹிரோயினி அம்மாவுக்கு...

அந்த டிப்பார்ட்மெண்டை ராராவுக்கு விட்டுகொடுத்துடலாம் பாவம் அவரும் போழைசுபோகட்டும்