ராஜபக்சே வருகைக்கு எதிர்ப்பு போராட்டம்; ம.பி.,யில் வைகோ தொண்டர்களுடன் கைது

சிந்துவாரா: இலங்கை தமிழர்களை கொன்று குவித்த அதிபர் ராஜபக்சேவுக்கு எதிர்ப்பு தெரிவிக்கும் வகையில் மத்திய பிரதேசம் மாநிலம் நோக்கி புறப்பட்ட மதிமுக பொதுச் செயலாளர் வைகோ தலைமையிலான ம.தி.மு.க.,வினர் மாநில எல்லையில் கைது செய்யப்பட்டனர். முன்னதாக போலீசாருக்கும், கட்சி தொண்டர்களுக்கும் இடையே கடும் வாக்குவாதம் ஏற்பட்டது.

நடுரோட்டில் அமர்ந்தார் :

மத்திய பிரதேச மாநிலம் சாஞ்சியில் இன்று காலையில் நடக்கும் புத்தமத கல்வி நிலைய துவக்க விழாவில் இலங்கை அதிபர் ராஜபக்சே பங்கேற்கிறார். அதற்கு எதிர்ப்பு தெரிவித்து, வைகோ தலைமையில் கட்சியினர் சாஞ்சிக்கு 21 பஸ்களில் சென்றனர். அவர்களை ம. பி., எல்லை மாவட்டமான சிந்துவாராவில் பன்டூர்னா என்னுமிடத்தில் போலீசார் தடுத்து நிறுத்தினர். நேற்று முன்தினம், 19ம் தேதி மாலை 5.30 மணிக்கு நாக்பூர்-போபால் தேசிய நெடுஞ்சாலையில் தடுத்து நிறுத்தப்பட்டார். ஐ.ஜி., மதுக்குமார் தலைமையிலான போலீஸ் அதிகாரிகள் பேச்சுவார்த்தை நடத்தினர். எனவே, அங்கேயே தமது போராட்டத்தை வைகோ துவக்கினார். நடுரோட்டில் தொண்டர்களுடன் அமர்ந்தார். நேற்று, இரண்டாவது நாளாக போராட்டம் தொடர்ந்தது. போராட்டத்தை பார்க்க அந்த பகுதியை சேர்ந்த ஏராளமான இளைஞர்கள் கூடிவிட்டனர். வழக்கமாக, தமது தொண்டர்களிடம் பேசி வந்த வைகோ, ம. பி., மாநில இளைஞர்களிடம் பேசினார்.


அவரது பேச்சை அவரது உதவியாளர் அருணகிரி, இந்தியில் மொழி பெயர்த்தார். ராஜபக்சே தமிழர்களை கொன்று குவித்தார். நூற்றுக்கணக்கான இந்து கோயில்களை தரை மட்டமாக இடித்து தள்ளியுள்ளார். எனவே, இந்து கோயில்களுக்கு எதிராகவும், தமிழர்களுக்கு எதிராகவும் செயல்பட்டவருக்கு நாம் வரவேற்பு கொடுக்கலாமா என கேள்வி எழுப்பினார்.

இந்நிலையில் இன்று சாஞ்சி நோக்கி புறப்பட்ட போது போலீசாரால் கைது வைகோ, தனது தொண்டர்களுடன் செய்யப்பட்டார். அவர்கள் அனைவரும் 42 கி.மீ., தொலைவில் உள்ள திருமண மண்டபத்திற்கு கொண்டு செல்லப்பட்டனர். போலீசார் அழைத்து சென்றபோது எங்களின் போராட்டம் தொடரும் என்றார் ‌வைகோ.

தினமலர்

போராடும் தமிழன் தரையில் பின்னர் கைது.
புறம்போக்கு பக்ஷே வுக்கு வரவேற்பு மாலை மரியாதை.
எதிரி எனத் தெரிந்தும் அவனை வரவேற்கும் கேடுகெட்ட அரசு.

யினியவன் wrote:போராடும் தமிழன் தரையில் பின்னர் கைது.
புறம்போக்கு பக்ஷே வுக்கு வரவேற்பு மாலை மரியாதை.
எதிரி எனத் தெரிந்தும் அவனை வரவேற்கும் கேடுகெட்ட அரசு.

கொடுமை என்பதைத்தவிர வேறு என்ன சொல்வது?

இந்த மனிதனை இந்த நாடும் நாட்டு மக்களும் என்றுதான் புரிந்து கொள்ளும் நிலை வரும்?...
காளிமுத்துவுடன் தோல்வி...சஞ்சய் ராமசாமியுடன் தோல்வி...மாணிக் தாகூருடன் தோல்வி...இது மூன்றும் சிவகாசி பாராளுமன்றத் தொகுதித் தேர்தலில்...

அதனினும் கேவலம்...விளாத்த்திக்குளத்தில் சட்டப்பேரவைத் தேர்தலில் திருடன் ஒருவன் இவரை வென்றான்...

அடப்பாவிகளா...அப்படி தோற்கடிக்கப்பட்டவர்தான் இன்றும் நமக்காக இந்தியாவின் எங்கோ ஒரு மூலையில் போராடுகிறார்...
கொஞ்சம் எண்ணிப் பாருங்கள்...இதையும் மீறி இதற்கு மேலும் அவருக்குத் தோல்வியைத்
தருவார்கள் எனில்...

"இந்த நாடும் நாட்டு மக்களும் நாசமாகப் போகட்டும்"...
இந்த திரைப்பட வசனமே மனதில் வந்து போகிறது...மன்னிக்க...
வேறு வழியில்லை...

ரா.ரா3275 wrote:இந்த மனிதனை இந்த நாடும் நாட்டு மக்களும் என்றுதான் புரிந்து கொள்ளும் நிலை வரும்?...
காளிமுத்துவுடன் தோல்வி...சஞ்சய் ராமசாமியுடன் தோல்வி...மாணிக் தாகூருடன் தோல்வி...இது மூன்றும் சிவகாசி பாராளுமன்றத் தொகுதித் தேர்தலில்...

அதனினும் கேவலம்...விளாத்த்திக்குளத்தில் சட்டப்பேரவைத் தேர்தலில் திருடன் ஒருவன் இவரை வென்றான்...

அடப்பாவிகளா...அப்படி தோற்கடிக்கப்பட்டவர்தான் இன்றும் நமக்காக இந்தியாவின் எங்கோ ஒரு மூலையில் போராடுகிறார்...
கொஞ்சம் எண்ணிப் பாருங்கள்...இதையும் மீறி இதற்கு மேலும் அவருக்குத் தோல்வியைத்
தருவார்கள் எனில்...

"இந்த நாடும் நாட்டு மக்களும் நாசமாகப் போகட்டும்"...
இந்த திரைப்பட வசனமே மனதில் வந்து போகிறது...மன்னிக்க...
வேறு வழியில்லை...