First topic message reminder :

ஈகரை தமிழ் களஞ்சியம் துவங்கி இன்றுடன் நான்கு ஆண்டுகள் முடிவடைந்துள்ளது. எந்த ஒரு குறிக்கோளும் இன்றி, மிகச் சாதாரணமாகத் துவங்கப்பட்ட இத்தளம் இன்று தமிழ் இணைய உலகமே அறிந்த தளமாக உருவாகக் காரணமாக இருந்த நம் உறவுகள் அனைவரைக்கும் என் நன்றிகளைத் தெரிவித்துக் கொள்கிறேன்.

தமிழில் எத்தனையோ கருத்துக் களங்கள் இருந்தாலும், மிகக் குறுகிய காலத்தில் அபரிமிதமான வளர்ச்சியைப் பெற்றுள்ள தளம் ஈகரை தமிழ் களஞ்சியம் என்றால் அது மிகையாகாது. இந்த வெற்றிநடை என்றும் தொடரும்.

தளத்தின் வளர்ச்சிக்கும், சிறப்பாக முன்னெடுத்துச் செல்வதற்கும் உரிய ஆலோசனைகளைத் தந்து உதவும் சிறந்த நிர்வாகக் குழு அமையப் பெற்றதில் மகிழ்ச்சி. உங்களின் செயல்பாடுகள் எனக்கு முழு மனத் திருப்தியைத் தருகிறது.

அலெக்ஸா தளத்தின் உலக அளவிலான சிறந்த தளங்களின் தரவரிசையில் 50,000 மாவது இடத்திற்கு முன்னேறி வந்ததே நம் தளத்தின் அபரிமிதமான வளச்சிக்கு சிறந்த எடுத்துக்காட்டு. தமிழகத்தில் நிலவிவரும் மின்தடையால் அலெக்ஸா தரவரிசையில் தமிழ்த் தளங்கள் பெரும் சரிவைச் சந்தித்து வருகிறது, அதில் நம் தளமும் 50000 மாவது இடத்திலிருந்து 100000 மாவது இடத்திற்குப் பின் தள்ளப்பட்டுள்ளது. விரைவில் உலகளவில் சிறந்த இடத்தை ஈகரைத் தமிழ்க் களஞ்சியம் பிடிக்கும்.

ஒரு சில மூன்றாம் தர எண்னம் கொண்டவர்கள் நம் தளத்தை மூன்றாம் தர இணையத்தளம் என விமர்சித்தாலும், ஒரு சிலர் இங்குள்ள உறுப்பினர்களை தங்கள் தளத்திற்கு வந்து விடுங்கள் எனக் கெஞ்சி அழைத்துச் சென்றாலும், இணைய உலகில் ஈகரை தமிழ் களஞ்சியம் என்றும் தனக்கென தனி முத்திரையை பதித்து வருகிறது.

ஐந்தாம் ஆண்டில் அடியெடுத்து வைக்கும் ஈகரை தமிழ் களஞ்சியத்திற்கும், அதன் வளர்ச்சிக்கும் துணை நிற்கும் அன்பு உறவுகளுக்கும் மீண்டும் என் நன்றிகள்.

ஐந்தாம் ஆண்டில் அடி எடுத்து வைக்கும் ஈகரை தமிழ் களஞ்சியத்திற்கு வாழ்த்துக்கள் !

ஐந்தாம் ஆண்டில் அடியெடுத்து வைக்கும் ஈகரைக்கு என் வாழ்த்துகள்.
மேலும் நாம் முன்னேற நமது அன்பர்கள் அனைவரும் தங்களது விமர்சனங்களை பதிவிடுதலும் மறுமொழி கூறினால் போதும் என நினைக்கிறேன்.நான் இங்கு கண்டத்தில் வெகு சிலரே தங்களது படைப்புகளை பதிவதும் மறுமொழி இடுவதும் காண்கிறேன். எனது சிறு எண்ணம் அது. தவறாக எடுத்துக்கொள்ள வேண்டாம்