சூர்யா; ரவியுடன் போட்டியிடும் நமீதா

மீனு · மீனு Sat Oct 10, 2009 5:13 pm

First topic message reminder :

சூப்பர் ஸ்டார் படத்தில் ஆரம்பித்து சுள்ளான் நடிகர் படம் வரை திருவிழா காலங்களில் ஒரு டஜன் படங்களாவது வெளிவந்த நிலையெல்லாம் போயே போச். கழுதை தேய்ந்து கட்டெறும்பான கதையாகிவிட்டது இப்போது.

சூர்யா; ரவியுடன் போட்டியிடும் நமீதா - Page 2 015

இந்த தீபாவளிக்கு வெளிவரும் படங்களின் எண்ணிக்கையை ஒரு கை விரல்களிலேயே எண்ணிவிடலாம். இதுவரை உறுதி செய்யப்பட்ட தகவல்படி நான்கு படங்களே வெளிவரவுள்ளது. சூர்யா, ஜெயம் ரவி படங்களுடன் போட்டிப்போடப்போவது நமீதா நடித்துள்ள ‘ஜகன் மோகினி’ படம்தான்.

உதயநிதி ஸ்டாலினின் ரெட் ஜெயன் நிறுவனம் தயாரிப்பில் கே.எஸ்.ரவிகுமார் இயக்கியுள்ள ‘ஆதவன்’ படம் இந்த லிஸ்டில் பெரிய எதிர்பார்ப்பை ஏற்படுத்தியுள்ளது. இதில் சூர்யா- நயன்தாரா நடித்துள்ளனர். அடுத்த இடத்தில் ஜெயம்ரவியின் ‘பேராண்மை’ எதிர்பார்ப்பை ஏற்படுத்தியுள்ளது. ‘இயற்கை’, ‘ஈ’ படங்களை இயக்கிய ஜனநாதன் இயக்கத்தில் வெளிவரும் மூன்றாவது படம் இது.

ஒரே படத்தில் ஸ்டார் அந்தஸ்தை பிடித்த ஜெய்யின் ‘அதே நேரம் அதே இடம்’ படமும் நமீதாவின் ‘ஜகன்மோகினி’படமும் தீபாவளி போட்டியில் களமிறங்குகின்றன. கடைசி நேரத்தில் சிறு பட்ஜெட் படங்கள் ஏதாவது போட்டியில் பங்கேற்கலாம். எனினும் அவை உப்புக்கு சப்பாணியாகவே கருதப்படும்.