காவிரி நதிநீர் ஆணையக்கூட்டம்: தண்ணீர் தர மறுக்கும் கர்நாடகா-ஜெ., குற்றச்சாட்டு

புதுடில்லி: தமிழகத்துக்கு தேவையான தண்ணிரை தர கர்நாடக மாநில அரசு மறுக்கிறது என காவரி நதிநீர் ஆணைய கூட்டத்துக்கு பின்னர் முதல்வர் ஜெயலலிதா குற்றம்சாட்டியுள்ளார்.

1997ம் ஆண்டில், காவிரி நதி நீர் ஆணையம் அமைக்கப்பட்டது. இந்த ஆணையத்தின் கூட்டம், 2003ம் ஆண்டில் நடந்தது. அதன் பின், ஒன்பது ஆண்டுகளாக கூட்டம் நடக்கவில்லை.

இந்த பரபரப்பான சூழ்நிலையில் கடந்த ஜூலை மாதத்தில், தமிழக அரசு சார்பில், சுப்ரீம் கோர்ட்டில், மனு ஒன்று தாக்கல் செய்யப்பட்டது. அதில் இடர்ப்பாடு காலங்களில், காவிரி தண்ணீரை எப்படி பகிர்ந்து கொள்ள வேண்டும் என்பது தொடர்பாக, மத்திய நீர்வள ஆணையம் மற்றும் காவிரி கண்காணிப்பு கமிட்டிஉருவாக்கிய வழிமுறைகளை, கர்நாடக அரசு பல ஆண்டுகளாக ஏற்றுக்கொள்ளவில்லை. அதை ஏற்றுக்கொள்ளும்படி, அந்த மாநில அரசுக்கு உத்தரவிடுவதோடு, காவிரி நதி நீர் ஆணையம், தன் சட்டப்பூர்வ மான கடமையைச் செய்ய, அதன் கூட்டத்தைக் கூட்டும்படி பிரதமருக்கு உத்தரவிட வேண்டும்.இவ்வாறு,தமிழக அரசு மனுவில் கூறியிருந்தது.இந்த மனு, சுப்ரீம் கோர்ட்டில் விசாரணைக்கு வந்த போது, "காவிரி நதி நீர் ஆணையம், வரும், 19ம் தேதி கூட்டப்படும்' என, மத்திய அரசு தெரிவித்தது.

9 ஆண்டுகளுக்கு பிறகு கூட்டம்: இதையடுத்து, ஒன்பது ஆண்டுகளில், முதன்முறையாக, இப்போது தான், ஆணையத்தின் கூட்டம் நடக்கிறது. பிரதமரும் முதல் முறையாக, கூட்டத்திற்கு தலைமை வகிக்கிறார். இக்கூட்டத்தில் தமிழ முதல்வர் ஜெயலலிதா, புதுச்சேரி முதல்வர் ரங்கசாமி, கர்நாடக முதல்வர் ஜெகதீஷ் ஷெட்டர், கேரள சார்பில் நீர்ப்பாசனத்துறை அமைச்சர் பி.ஜே. ‌‌ஜோசப் ஆகியோர் கலந்து கொண்டுள்ளனர். இக்கூட்டத்தில் அனல் பறக்கும் விவாதங்கள் நடக்கலாம் என தெரிகிறது.

இந்த கூட்டத்தில் , தமிழகத்துக்கு தண்ணீர் திறந்துவிட கர்நாடகத்தில்போதிய தண்ணீர் இல்லை. தமிழகம் அக்டோபர் மாதம் வரை காத்திருக்க வேண்டும். மத்திய குழுவை அனுப்பிஇரு மாநில நிலைமையை ஆய்வு செய்ய வேண்டும் என கர்நாடக மாநில அரசு சார்பில் கூறப்பட்டது.

மத்திய அரசு பாராமுகம்:

இதன் பின்னர் தமிழக முதல்வர் ஜெயலலிதா பேசுகையில், காவிரிநதிநீர் ஆணைய கூட்டம் 9 ஆண்டுகளுக்கு பின்னர் தனது முயற்சி மற்றும் சுப்ரீம் கோர்ட் உத்தரவு காரணமாக நடைபெறுகிறது. காவிரி நதியில் உள்ள அணைகள் நிரம்பும்வரை அது தனக்கு சொந்தம் என கர்நாடகா நினைக்கிறது. ஆனால் தமிழகம் தண்ணீர் கிடைக்காமல் பிரச்னையில் உள்ளது. இந்த விவகாரத்தில் மத்திய அரசு பாராமுகமாக உள்ளது. பல மாநிலங்களில் பாயும் தண்ணீரை தடுப்பது சுப்ரீம்கோர்ட் உத்தரவை மீறும் செயல். 15 லட்சம் ஏக்கரில் பயிரிடப்பட்டுள்ள நெற்பயிர்கள் காவிரி நதிநீரை நம்பியுள்ளது. மேட்டூர் அணையும் காவிரி நதிநீரை நம்பியுள்ளது. தமிழகத்தின் நிலையை மத்திய அரசு நன்கு அறியும். தமிழகத்துக்கு தேவையான தண்ணீரை திறந்துவிட பிரதமர் உத்தரவிடுவார் என நம்பிக்கை உள்ளது. தமிழகத்திற்கு தண்ணீர் திறந்துவிடுவது குறித்து பிரதமரிடம் ஆக்கப்பூர்வமான நடவடிக்கையை தமிழகம் எதிர்பார்க்கிறது. தினமும் 2 டி.எம்.சி.,அளவுக்கு அடுத்த 24 நாட்களுக்கு 48 டி.எம்.சி., தண்ணீர் திறந்துவிட உத்தரவிட வேண்டும். இதன் மூலம் தமிழகத்தின் உணவுப்பிரச்னையை சமாளிக்க முடியும் என கூறினார்.

கர்நாடகா மீது குற்றச்சாட்டு:

காவிரி நதிநீர் ஆணைய கூட்டத்திற்கு பின்னர் முதல்வர் ஜெயலலிதா பத்திரிகையாளர்களுக்கு பேட்டியளித்தார். அப்போது அவர் கூறியதாவது: காவிரி நதிநீர் ஆணைய கூட்ட முடிவு எமாற்றமளிக்கிறது. தமிழகத்துக்கு தண்ணீர் திறந்துவிட கர்நாடக மறுத்துள்ளது. கர்நாடக அரசு சர்வாதிகார போக்குடன் செயல்படுகிறது. தங்களது கோரிக்கையை ஏற்று தினந்தோறும் 9 ஆயிரம் கன அடிநீர் திறந்துவிட வேண்டும் என பிரதமர் உத்தரவிட்டார் எனவும், அதை செயல்படுத்தக்கூட கர்நாடகா மறுத்து விட்டதாகவும் முதல்வர் ஜெயலலிதா கூறியுள்ளார்.

தினமலர்

வேறு என்ன வேலை அம்மாவுக்கு. இதெல்லாம் தீரும் பிரச்சினையா?

விசாரணைக்கு பெங்களூருக்கு ஒழுங்கா அம்மா வந்தா தண்ணி விடுறோம்ன்னு சொல்ல சொல்லுங்க - பார்க்கலாம் அம்மா தமிழர்களின் நலன் கருதி போறாங்களான்னு.

யினியவன் wrote:வேறு என்ன வேலை அம்மாவுக்கு. இதெல்லாம் தீரும் பிரச்சினையா?

விசாரணைக்கு பெங்களூருக்கு ஒழுங்கா அம்மா வந்தா தண்ணி விடுறோம்ன்னு சொல்ல சொல்லுங்க - பார்க்கலாம் அம்மா தமிழர்களின் நலன் கருதி போறாங்களான்னு.

இது எப்பவும் தீரா பிரச்சனை தான் ..........

இந்த முறை அம்மா நேரில் சென்றிருப்பது பெரிய விசயம் தான்....

மேலும் சிக்கல் ஆகாமல் இருந்தால் சரி

Dr.சுந்தரராஜ் தயாளன் wrote:மேலும் சிக்கல் ஆகாமல் இருந்தால் சரி

மத்திய அரசு இதில் மட்டும் மென்மையா இருக்கு