பொருத்து X பொறுத்து எது எங்கே வரவேன்டும்? நல்ல தமிழ் அறிவோம்

அசுரன் · அசுரன் Wed 19 Sep 2012 - 0:26

பொருத்து X பொறுத்து

"இதைப் பொறுத்து அது மாறும்", "இதைப் பொருத்து அது மாறும்" - பொறுத்தா பொருத்தா - எது சரி? பொறுத்து என்று நினைக்கிறேன். பொருத்து என்றால் ஈடாக, இணக்கமான, "பொருந்துமாறு" என்று "பொருள்". பொருதல் என்றால் போர் புரிதல், இங்கு கருத்து என்னவென்றால், ஏறத்தாழ ஈடான வலிமை உடையவர்கள் (இருவரோ, இரு அணிகளோ) மோதுதல். திருமணத்தில் பொருத்தம் பார்த்தல் என்றால் ஒத்ததன்மை அல்லது இணக்கம் உடைமை பார்த்தல். பொருள் என்னும் சொல்லே கூட ஒரு சொல் குறிக்கும் அதற்கு ஈடான உண்மை என்று "பொருள்". பொருள் என்றால் பணம் என்றும் "பொருள்"; ஏன் இதற்குப் பொருள் என்றால், ஈடாக தரும் பொருள் புன்னகை

(இங்கு பொருள் என்னும் சொல் பல பொருள்களில் ஆண்டுள்ளேன்). இறைவனுக்கும் பொருள் என்று பெயர், இதை இங்கு விரித்தால் பெருகும். பொறுத்து என்றால் "தாங்கி", "ஏற்று" என்று பொருள். பொறுமை என்றால் "தாங்கிக்கொள்ளுதல்". பொறுத்தார் பூமி ஆள்வார்ர். திருக்குறளில் கூறுவது போல,

அகழ்வாரைத் தாங்கும் நிலம்போலத் தம்மை
இகழ்வார்ப் பொறுத்தல் தலை.

அங்கு பொறுத்தல் என்பது தாங்கிக்கொள்ளுவது. பொறுப்பு, பொறுப்புணர்வு என்பது responsibility என்னும் பொருள் தருவது. இதைப் பொருத்து அது மாறும் என்பது சரி. என்னைப் பொருத்த அளவிலே அதனை நான் சரி என்பேன் என்று கூறும்பொழுது என்கருத்தை, என் கணிப்பை ஈடாகக் கொண்டு பார்க்கும் பொழுது அதனை நான் சரி என்பேன், என்று பொருள். எதனையாவது ஒப்பிட அல்லது ஒப்பிட்டு ஒன்றைச் சொன்னால் அது பொருத்து (இடையின ரகரம்). பொறுப்பானவர், பொறுமையானவர் என்றால், நிறைய தாங்கிக்கொள்பவர், நிறைய "பொறுப்புகளை"" ஏற்றுக்கொண்டவர் என்னும் படியாக பொருள் வரும். இங்கே என்னைப் பொறுத்த அளவிலே என்று கூறினால் என்னை மன்னித்து ஏற்றுக்கொண்ட அளவிலே என்று பொருள் வரும். பொறாமை என்னும் சொல் ஏற்றுக்கொள்ளாமை (இன்னொருவர் பெறும் உயர்வை, உயர்ச்சியை, பெருமையை ஏற்றுக்கொள்ளாமை, தாங்கிக்கொள்ளாமை). பொராமை என்றால் மோதி சண்டையிடாமை என்று பொருள். ஈடாகாமை. பொராது என்றால் ஈடாகாது, இணையாகாது. சல்லிக் காசு பொராது என்றும் கூறலாம்.

இந்த இடத்தில் இதை மற்றொரு கோணத்தில் நான் பார்க்க விரும்புகிறேன். "என்னை பொருத்த வரையில்" என்ற சொற்றொடரை ஆங்கிலத்தில் மாற்றினால், "according to me" என்று தானே வரும். பலர் பலவிதமாக கூறும்போது என்னுடைய கருத்து என்று நான் முன்வைக்கிறேன். இதை Match the following அல்லது பொருத்துக என்ற கோணத்தில் பார்ப்போம். கணேசன் இவ்வாறு கூறுகிறார், சங்கர் இவ்வாறு கூறுகிறார். நான் இவ்வாறு கூறுகிறேன். பள்ளியில் 'பொருத்துக' செய்வது போல, கணேசன், சங்கர், நான் என்ற பெயர்களை ஒரு வரிசையிலும் எங்களுடைய கூற்றுகளை மற்றொரு பக்கம் வரிசையாக அடுக்கிவைத்தால், பொருத்தித் தானே பொருள் காண்கிறேன். அப்படி பார்த்தால், என்னை பொருத்தவரை என்ற சொற்றொடரில், பொருத்த என்று தானே வர வேண்டும்.

நன்றி விக்கீபீடியா!

யினியவன் · யினியவன் Wed 19 Sep 2012 - 1:33

அடடா வாத்தியார் அமர்களப் படுத்துகிறார்.

பொறுத்தது போதும் பொங்கி எழு
பொருத்தும் அசுரன் பொறுமை சோதிக்க
பொறுப்பாய் ஓடிவிடு இவ்விடத்திலிருந்து... புன்னகை

இந்த பதிவைத் துவங்கியவர் நன்றி கூறியுள்ளார் யினியவன்