ராமானுஜன் எண்

ஒரு முறை ராமனுஜன் நோய்வாய்ப்பட்டிருக்கும்போது லண்டனில் உள்ள மருத்துவமனை ஒன்றில் சேர்க்கப்பட்டிருந்தார். அவரைப் பார்க்க வந்த அவர் நண்பர் ஹார்டி "நான் இங்கு வந்த டாக்சியின் எண் 1729 . அது ஒன்றும் அவ்வளவு சுவாரசியமான எண்ணாக எனக்குப் படவில்லை", என்றார் ஹார்டி. "இல்லை ஹார்டி, அது மிகவும் சுவாரஷ்யமான எண். இரண்டு வெவ்வேறு முப்படிகளின் கூட்டுத்தொகையை, இரண்டு விதமான கூட்டல்களில் வெளிப்படுத்தினால் 1729 என்ற எண் வரும் (12 ன் அடுக்கு 3 + 1 ன் அடுக்கு 3 = 10 ன் அடுக்கு 3 + 9 ன் அடுக்கு 3 )" என்று கூறி ஹார்டியை ஆச்சரியத்தில் ஆழ்த்தினார் ராமானுஜன். கணித உலகில் 1729 "ராமானுஜன் எண் " என அழைக்கப்படுகிறது.

செய்திக்கு நன்றி கவியன்பன்

இவர் எல்லாம் நூறு வருடம் வாழ்திருந்தாள் எவ்வளவு நன்றாக இருந்திருக்கும் .கணித உலகம் கொடுத்து வைத்தது அவ்வளவுதான்

22 12 18 87

88 17 9 25

10 24 89 16

19 86 23 11

மேலே உள்ள எண்கள் ஒவ்வொரு கட்டத்தில் இருப்பதாக பாவித்துக் கொள்ளுங்கள். (கட்டம் போட்டுக் காட்ட என் கணினி அறிவு போதவில்லை.) இது ஒரு மேஜிக் சதுரம். இதில் உள்ள தனித்தன்மை என்ன என்று புரிகிறதா. ? இது நம் கணித மேதை ஸ்ரீனிவாச ராமானுஜன் வடிவமைத்தது. அப்படி என்ன தனித் தன்மை என்று கேட்கத் தோன்றுகிறதல்லவா.?இதில் எந்த வரிசையில் கூட்டினாலும் கூட்டுத்தொகை (இடமிருந்து வலம் அல்லது மேலிருந்து கீழ்.) 139 வரும்.

குறுக்காகக் கூட்டினாலும் கூட்டுத்தொகை 139 வரும்.( 22+17+89+11 = 139
87+9+24+19 = 139

மூலைகளில் இருக்கும் எண்களைக் கூட்டினாலும் கூட்டுத் தொகை 139 வரும்.
22+87+11+19 =139
நடுவில் இருக்கும் நான்கு எண்களின் கூட்டுத்தொகை 139 (17+9+89+24 =139 )

மேல்வரிசை கீழ்வரிசைகளில் இருக்கும் இரண்டாவது மூன்றாவது எண்களின் கூட்டுத்தொகை 139 வரும் ( 12+18+86+23 = 139 )

மேலிருந்து கீழாக உள்ள வரிசைகளில்முத்ல் வரிசையின் இரண்டாம் மூன்றாம் எண்களும் கடைசி வரிசையின் இரண்டாம் மூன்றாம் எண்களும் கூட்டினால் வரும் கூட்டுத்தொகை 139.( 88+10+25+16 =139 )

இதோ இன்னொரு கூட்டின் எண்ணிக்கை:
முதல் வரிசை இடமிருந்து வலம் இரண்டாவது எண்.
முதல் வரிசை மேலிருந்து கீழ் இரண்டாவது எண்
இடமிருந்து வலம் கடைசி வரிசை மூன்றாவது எண்
மேலிருந்து கீழ் கடைசி வரிசை மூன்றாவது எண் இவற்றின் கூட்டுத்தொகை 139.
18+10+86+25=139
( 12+88+23+16 =139.

இன்னுமொரு காம்பினேஷன்
முதல் வரிசை இடமிருந்து வலம் மூன்றாவது எண்
முத்ல் வரிசை மேலிருந்து கீழ் மூன்றாவது எண்
இடமிருந்து வலம் கடைசி வரிசை இரண்டாவது எண்
மேலிருந்து கீழ் கடைசி வரிசை இரண்டாவது எண் இவற்றின் கூட்டுத்தொகை 139( 18+10+86+25 = 139 )



இந்த சதுரத்தை நான்கு சம சதுரங்களாகப் பிரித்தால் ஒவ்வொரு சிறிய சதுரங்களில் உள்ள எண்களின் கூட்டுத்தொகை 139
உ-ம் 22+12+88+17= 139
18+87+9+25= 139
10+24+19+86=139
89+16+23+11= 139.

இதோ முத்தாய்ப்பாக ஒரு செய்தி. ஸ்ரீனிவாசன் ராமானுஜனின் பிறந்த நாள் உங்களுக்குத் தெரியுமா.? முதல் வரிசை எண்களைப் பாருங்கள். என்ன தெரிகிறது.?
22 12 18 87 விளங்க வில்லையா.?அவரது பிறந்த நாள் 22 -12 -1887......!