இயற்கை போற்றி சில பாடல்கள் - கிரிகாசன்

**kirikasan** · **kirikasan** Wed Oct 31, 2012 3:50 pm

அந்தத் இழையில் புதிதாக தொடங்க முடியவில்லை. அனுமதி மறுக்கிறது , இதோ கடவுள் வாழ்த்தும் ஈகரைக்கு நன்றியும் இது கணக்கில் சேராது. இதை புதிதாக எங்கு சேர்க்க வேண்டுமென்று ஆரம்பித்து விடுங்கள். உடன் தொடர்கிறேன்.

சக்தி வணக்கம்

மலையும் நதியும் மறையுதி வெய்யோன்
மதியும் முகில்வானம்
மலர்கள்,சோலை மாங்குயில் கீதம்
மங்கல மணியோசை
கலையும் கணிதம் கற்பனை நாதம்
காலம் எனயாவும்
கட்டியமைத்துக் காக்கும் சக்தி
கற்பனை தா அம்மா

ஈகரை வாழ்த்து

நாலும் பலதும் நனிதேனாக
நற்சுவை பொருள் கொண்டு
போலும் நடையில் ராஜ கம்பீர
புகழும் வாய்த்திங்கு
மேலும் பலதாய் கிளைகள் கூட்டி
மின்னும் பொன்னாக
நாளும் வளரும் ஈகரை வாழ்த்தி
நானும் கவி கொண்டேன்

நன்றிகள் இது ஆரம்பம்...

**kirikasan** · **kirikasan** Wed Oct 31, 2012 4:13 pm

. 1 . தாமரைப்பெண்

பொன்னிறத்துவானம் புள்ளினங்கள்கூட்டம்
புனலூறும் நீரோடை
கன்னியவள் கன்னம் காணும் வண்ணக் காதல்
கதிரவனின் தாமரையாள்
தன்னை யிழுத்தாடும் தாயவளாம் நீரின்
தொல்லை கண்டுகூறுகிறாள்
என்ன இழைத்தாலும் என்னைஅலைத்தாலும்
உண்மைக் காதல் உடைவதில்லை

**kirikasan** · **kirikasan** Wed Oct 31, 2012 4:26 pm

2 .வாழ்வின் எல்லை

வெண்ணிலவு ஓடி விளையாட
விரிவது வானின் எல்லை
மண்ணிலிளந் தென்றல் விளையாட
மாவுலகென்பது எல்லை
கண்ணிலெழும் காட்சியும் கற்பனைகள்
கண்டிடுமோ ஓர் எல்லை
எண்ணிலெம துயிரும் விளையாட
எதுதான் இறப்பே எல்லை

**kirikasan** · **kirikasan** Wed Oct 31, 2012 4:40 pm

3 தவழும் இன்பம்

மலையிடை தவழும் முகிலும்
மலரிடை தவழும் வண்டும்
அலையிடை தவழும் கயலும்
அவள்மடி தவழும் சேயும்
கலைமடி தவழும் பாவும்
கடலிடை தவழும் அலையும்
இலையொரு இயற்கை தழுவும்
எழில்தனை ஒத்தோர் இன்பம்.

**kirikasan** · **kirikasan** Wed Oct 31, 2012 4:58 pm

ஒரு வேண்டுகோள் இயற்கையை போற்றி என்பதை இய்ற்கையைப் பற்றி என்று மாற்றி எண்ணுங்கள்.அதுவே என் நோக்கம்!

4 . இனிமை

மாங்கனி தூங்கிட சேர்ந்தன கிளிகள்
மாமரச்சோலையிலே
பூவினி தேனிடை மொய்த்தன தும்பி
புதுமலர்க் காவினிலே
நாவினி கரும்பினை கொண்டன கைகள்
நல்சுவை யாவிலுமே
ஏனிந்த உலகில் இனிப்பது இல்லை
எம்முடை வாழ்வு ஒன்றே

**kirikasan** · **kirikasan** Wed Oct 31, 2012 6:51 pm

5 . நிலவும் மலையும்

எழிவான நிலவோடு முகிலோடிடும்
இதையேந்தி மலையோதன் உடல் போர்த்திடும்
இளங்காற்று மலைமீது துகில் நீக்கிடும்
இதைக் காண நிலவோதன் முகம் காட்டிடும்
பழமென்று அணில் தூங்கி நிலவேங்கிடும்]
பழுத்தால் பின்விழுமென்று கி|ளி காத்திடும்
குழல்மாதர் துணையேங்கும் கனவாக்கிடும்
குறைவற்ற முழுமதியில் காணின்பமே

**kirikasan** · **kirikasan** Wed Oct 31, 2012 7:02 pm

6 . நெளிவும் சுழிவும்

தெளிந்த நீரில் விழுந்த பூக்கள்
திரை யெழ நடமாடும்
மிளிர்ந்த பூக்கள் மதுவினை ஊட்ட
மயங்கியே வண்டாடும்
குளிர்ந்த மாலை இரவென ஆக
கரு இருள் புவிமூடும்
நெளிந்த ஆடும் மங்கையின் கூந்தல்
நிறை மலர் குதிபோடும்

**kirikasan** · **kirikasan** Wed Oct 31, 2012 8:53 pm

7 . நம்பிக்கை

வெட்டியது மின்னல் விசையெழும் காற்று
வீசிவர வீழ்ந்தன மரங்கள்
கொட்டியதாம்தூறல் குளிர்ந்ததுபூமி
குதித்தே எழுந்தோடியது வெள்ளம்
தட்டியது மேளம் தடபுடலாய் இடியும்
தலைமேலே கேட்டது சத்தம்
விட்டிடுமா என்றான் விளையாடும் சிறுவன்
வெளித்தது நம்பிக்கை வானம்

**kirikasan** · **kirikasan** Wed Oct 31, 2012 10:08 pm

8 . விழ்ழ்ந்தால் எழும்

மலையிடை உருகிப் பனிவீழும்
மரமிடை கனியப் பழம் வீழும்
தலையுடை கேசம் தனிவீழும்
தலைவனை இழந்த படை வீழும்
வலையினில் ஓடும் மீன்வீழும்
வரம்பினை மீறும் வாழ்வுவிழும்
அலைந்திடும் புவியில் ஒளி வீழ்ந்தால்
அகிலத்தில் புதிதோர் நாள்: பிறக்கும்

**kirikasan** · **kirikasan** Wed Oct 31, 2012 10:32 pm

9 . உரிமை

பச்சைவயலும் படரும்காற்றும்
பகலவ னொளிதானும்
இச்சைஎழுந்த இயல்பில் கிளிகள்
எடுத்திடக் கதிர் போகும்
மிச்சமிருந்தால் போதும் என்றே
மெல்லிய நடைபோடும்
உச்சூ என்றே ஒட்டியசிறுவன்
ஊணுயிர்க் குரிமை, விட்டான்

Sponsored content · Sponsored content

இயற்கை போற்றி சில பாடல்கள் - கிரிகாசன்

இயற்கை போற்றி சில பாடல்கள் - கிரிகாசன்

இயற்கை போற்றி 100 பாடல்கள் - கிரிகாசன்

Re: இயற்கை போற்றி சில பாடல்கள் - கிரிகாசன்

Re: இயற்கை போற்றி சில பாடல்கள் - கிரிகாசன்

இயற்கை போற்றி 100 பாடல்கள் - கிரிகாசன்

இயற்கை போற்றி 100 பாடல்கள் - கிரிகாசன்

இயற்கை போற்றி 100 பாடல்கள் - கிரிகாசன்

இயற்கை போற்றி 100 பாடல்கள் - கிரிகாசன்

Re: இயற்கை போற்றி சில பாடல்கள் - கிரிகாசன்

Re: இயற்கை போற்றி சில பாடல்கள் - கிரிகாசன்

Re: இயற்கை போற்றி சில பாடல்கள் - கிரிகாசன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக