தொந்தி ஒரு தொல்லை

வாய்லே கொழுப்பு இருந்தாலும் பரவாயில்லே சார்! எப்படியாவது ஒரு வழியா சமாளிக்சிக்கலாம்!

ஆனா... வயத்துலே மட்டும் கொழுப்பு இருக்கக்கூடாது சார்.அப்படி இருந்தா அதை அலட்சியமாவும் விட்டுடக்கூடாது!

சிலபேர் சொல்லுவாங்க... "எனக்கு தொந்தி கிடையாது சார்...வேணும்ன்னா என் வயத்தை எழுத்திப்பாருங்க... கல்லு மாதிரியா இருக்கு!"ன்னு!

வயிறு கல்லு மாதிரி இருந்தா உள்ளே கொழுப்பு இலலேன்னு நினைச்சுடக்கூடாது! வயிற்றுத்தசைக்கு அடியிலே உள்ள கொழுப்பு சில வாத்தியங்கள்லே இருக்குமே நரம்பு - அதுமாதிரி 'டைட்' டா இழுத்துக்கிட்டிருக்குன்னு அர்த்தம்!

அதனாலே தொட்டுப் பார்த்தா கல்லுமாதிரிதான் இருக்கும் இருந்தாலும் தொந்தி தொந்திதான்.

வயிற்றில் கொழுப்பு அதிகமா இருக்கறது சங்கடம்தான்! அதனாலே கொலெஸ்ட்ரால் அளவு அதிகமாவும்! இதய நோய்கள், நீரிழிவு - Hypertersion - stroke - இது மாதிரி ரிஸ்க் ஜாஸ்தி.

ஒருத்தர் ஒல்லியா இருக்கலாம்... உடம்பு எடை அதிகப்படியா இல்லாமே இருக்கலாம்... அப்படி இருந்தாகூட அவரு உடம்பிலே மற்ற பகுதியைவிட வயத்துலே கொழுப்பு அதிகமா இருக்கும்! நாமதான் ஒல்லியா இருக்கோமே... நமக்கு ஒண்ணுமில்லைன்னு நினைக்கக்கூடாது!.

சரி... நம்ம வயிறு இருக்க வேண்டிய அளவைவிட அதிகமா இருக்கா... இல்லையா? அதை எப்படி கண்டுபிடிக்கறது?

அதுக்கு சில வழி இருக்கு!

முதல்லே நீங்க நேரா ஸ்ட்ரெயிட்டா நிமிர்ந்து நில்லுங்க! உங்க பார்வையை மட்டும் கிழே தாழ்த்தி கால் விரலை கவனிங்க, விரல் உங்களுக்குத் தெரியுதா? அப்படின்னா உங்க வயிறு நார்மல் தான்! கால்விரல் உங்க கண்ணுக்கு தெரியலையா? அப்படின்னா உங்களுக்கு வயிறு பெரிசுதான் சார்!

இன்னொரு வழி இருக்கு!

ஒரு தரையிலே நீட்டா படுங்க. ஒரு மீட்டர் நீளமுள்ள அளவுகோல் ஒண்ணை எடுத்துக்குங்க, கழுத்து எலும்புலே ஒரு பக்கத்தையும்... இடும்புலே ஒரு பக்கத்தையும் வைங்க! படுக்கை வாட்டுலே வைங்க, அது நடுப்பகுதி... வயத்துலே முட்டி தராசு மாதிரி ஆடுதா? அப்படின்னா உங்க வயிறு உங்களுக்கு 'பிராப்ளம்' தான்!

தலைசுத்தல் வர்றதாகவும், வாந்தி வர்றதாகவும் என் மனைவி சொன்ன மறுநிமிஷமே...!"
"டாக்டர்கிட்டே கூட்டிகிட்டுப் போனீங்களா...!"
"உஹ¥ம்... 'ஜெயிண்ட்வீலை' சுத்தறதை நிறுத்தச்சொல்லி இறக்கிவிட்டுட்டேன்."
-ஜெயாப்ரியன்.
மருத்துவ அறிவியல் ரீதியா உங்களுக்கு தொந்தி இருக்கா இல்லையான்னு கண்டுபிடிக்கறதுக்கு ஒரு வழி இருக்கு!

உங்க இருப்புலே (Waist) ஒரு அளவு எடுக்கணும்! - சுற்றளவு! இடுப்புக்கு கீழே (hip) உள்ள அதிகபட்ச சுற்றளவை எடுக்கணும்.

அந்த அளவை இந்த அளவாலே வகுக்கணும். அதாவது உங்க Waist measurement ஐ Hip Measurement ஆலே வகுக்கணும். இந்த விகிதம் அதாவது Waist-Hip ratio ஆண்களுக்கு 0.95க்கு மேலே போகக்கூடாது! பெண்களுக்கு 0.85க்கு மேலே போகக்கூடாது! அப்படி போயிட்டுதுன்னா வயிறு பெருத்திருக்குன்னு அர்த்தம்!

சரி... இந்த தொந்தியைக் குறைக்கறதுக்கு என்ன பண்ணலாம்? பட்டிகி கிடக்கலாமா?

அது தேவையில்லை! ஆனால் கலோரி அளவை குறைக்கணும்! அது எப்படி?

கொழுப்பு ஆகாரத்தைக் குறைக்கணும்! இப்ப... கார்போஹைட்ரேட், புரோட்டீன்லாம் இருக்குல்லே, அதெல்லாம் ஒரு கிராமுக்கு சுமார் 4 கலோரி கொடுக்கும்! ஆனால் கொழுப்பு ஒரு கிராமுக்கு 9 கலோரி கொடுக்கும்! அதனாலே ஒரே அளவுள்ள ஆகாரங்கள்லே கூட கலோரி வித்தியாசம் இருக்கு! கலோரி அளவு குறைச்சலா கொடுக்கக்கூடிய ஆகாராம் சாப்பிடணும்.

தொந்தியைக் குறைக்க கடுமையான உடற்பயிற்சி தேவையா? அதுவும் தேவை இல்லை!

ஆகாரத்துலே கொழுப்பை குறைச்சாலே போதும்! மத்த ஆகாரம் செரிக்க லேசான உடற்பயிற்சியே போதும்!

வயத்தைத் குறைக்கறேன்னு சொல்லி சிலபேரு உட்கார்ந்து உட்கார்ந்து எழுந்திரிப்பாங்க! அதுவும் தேவை இல்லையாம்!

அப்படியெல்லாம் பண்ணி உங்களை கஷ்டப்படுத்திக்க வேணாம்! வயத்தை குறைக்கறதுக்கு அது உதவறதே இல்லைன்னு அது சம்பந்தமான நிபுணர்கள் சொல்றாங்க!

இது சம்பந்தமா 1984 லே ஒரு சோதனையே பண்ணி பார்த்தாங்களாம்! ஒரு நாளைக்கு 185 தடவை உட்கார்ந்து உட்கார்ந்து எழுந்திரிக்கறது! இது மாதரி 27 நாள் பயிற்சி பண்ணிவிட்டு பாத்தாங்களாம்! வயிற்றுக் கொழுப்புலே எந்த மாறுதலும் இல்லையாம்! அதனாலே உட்கார்ந்து உழுந்திரிக்கிற வேலையெல்லாம் வேணாம்.

தொந்தியை குறைக்க முயற்சி பண்றவங்க தோற்றத்தை அழகாக்கறது ஒரு பக்கம் இருந்தாலும் ஆரோக்கியமான நீண்ட வாழ்வுக்கு அவங்க அஸ்திவாரம் போடுறாங்கன்னு தான் அர்த்தம்!

ஒருத்தர் வந்தார்... சார் எனக்கு தொந்தி இருக்கா இல்லையான்னு கண்டுபிடிக்கறது கஷ்டமாயிருக்குன்னார்.

"சரி... நான் கண்டுபிடிக்கிறேன்... இப்படி தரையிலே காலை நீட்டி ஸ்ட்ரெயிட்டா படுங்க!ன்னேன். படுத்தார்.

இப்ப உங்க கண்ணை திருப்பி... கால் கட்டை விரலைப் பாருங்க... கட்டை விரல் தெரியுதா?ன்னு கேட்டேன்.

"தெரியுது சார்!"ன்னார்.

"நீங்க தெரியிதுன்னு சொல்றதை நான் எப்படி நம்பறது?"

"அதோ தெரியிற அந்தக் கட்டைவிரல் நுனியிலே ஒரு 'ஈ' கூட உக்கார்ந்திருக்கு பாருங்க சார்!" அப்படின்னார்.

"அப்படின்னா நீங்க பார்க்கறது கட்டைவிரல் இல்லே சார் உங்க மூக்கு நுனி! அங்கேதான் 'ஈ' உக்காந்திரு ககு!" அப்படின்னேன் நான்!


தென்கச்சி சுவாமிநாதன்

சுயபரிசோதனைக்கு ஆட்பட்டு நீங்கள்
தொந்தியும் தொப்பையுமாய் அவதிப்படுவதை
எங்கள் நலம் விரும்பி பகிர்ந்தமைக்கு நன்றி சிவா.

மிக்க நன்றி... எனக்கு தொந்தி இல்லை... ஆனா என் நண்பர்களுக்கு இதை தெரிவிப்பேன்