காலிபிளவர்

**சிவா** · **சிவா** Sat 15 Sep 2012 - 1:37

காலிபிளவரின் அருமை பெருமைகளை நாம் அறிந்திருக்க மாட்டோம். இதன் மேற்புறம் மக்காச்சோள பொறிபோல ஒட்டியிருக்கும் அத்தனையும் சத்துக்களின் பொதியல் என்றால் மிகையில்லை. காலிபிளவரின் சத்துப்பட்டியல் இதோ...

* காலிபிளவர் ஒரு பூ வகையாகும். அதிகமாக வெண்மை நிறம் கொண்ட இது, கண்ணைக் கவரும் பல வண்ணங்களில்கூட உற்பத்தியாகிறது என்பது அறிவியல் நவீனத்தின் சாதனையாகும்.

* காலிபிளவர் கலோரி குறைந்த உணவுப் பண்டம் என்பது நமக்கு நற்செய்தியாகும். கொழுப்புகள் இல்லையென்பதும் போனஸ்.

* 100 கிராம் காலிபிளவரில் 42.5 மில்லிகிராம் `வைட்டமின் சி' இருக்கிறது என்பது குறிப்பிடத்தக்கது. இது உடலில் அத்தியாவசியமாக சேர்க்கப்பட வேண்டிய ஒரு சத்துப்பொருள் என்பது உங்களுக்குத் தெரிந்திருக்கும்.

* இன்டோல் 3 கார்பினோர், சல்பராபேன் போன்ற அரிய சத்துக்கள் இதில் அடங்கி உள்ளது. இவை ஆண், பெண் உயிரணு மற்றும் கருவியல் சார்ந்த தேவைகளுக்கு அத்தியாவசியமானவை. மேலும் புற்றுநோய்க்கு எதிரானவை என்பதும் குறிப்பிடத்தக்கது.

* இவை தவிர வைட்டமின்கள் பி5, பி6, பி1, தாதுஉப்புக்களான மக்னீசியம், தாமிரம், கால்சியம், பொட்டாசியம் என எண்ணிலடங்கா அத்தியாவசிய சத்துக்களும் காலிபிளவரில் அடங்கி இருக்கின்றன.

செய்து சாப்பிடுங்கள்: காலி பிளவரில் சாம்பார், பொறியல், குருமா என கறி வகைகள் செய்து சாப்பிடலாம்.

பக்கோடா செய்து சாப்பிட்டால் மொறுமொறுவென்று சுவையாக இருக்கும்.