இந்தியாவின் புதிய தலைமை நீதிபதியாக அல்டமாஸ் கபீர் நியமனம்

இந்தியாவின் புதிய தலைமை நீதிபதியாக, அல்டமாஸ் கபீர் நியமிக்கப்பட்டு இருக்கிறார். வருகிற 29-ந்தேதி அன்று, அவர் சுப்ரீம் கோர்ட்டின் தலைமை நீதிபதியாக பதவி ஏற்றுக் கொள்கிறார்.

அல்டமாஸ் கபீர்

சுப்ரீம் கோர்ட்டு தலைமை நீதிபதியாக பதவி வகித்து வரும் எஸ்.எச்.கபாடியா ஓய்வு பெற இருக்கிறார். அதைத் தொடர்ந்து, தற்போது சுப்ரீம் கோர்ட்டில் நீதிபதியாக பதவி வகித்து வரும் அல்டமாஸ் கபீர், புதிய தலைமை நீதிபதியாக நியமிக்கப்பட்டு இருக்கிறார்.

கடந்த 2005-ம் ஆண்டு செப்டம்பர் 9-ந்தேதி முதல் சுப்ரீம் கோர்ட்டு நீதிபதியாக பதவி வகித்து வரும் அல்டமாஸ் கபீர், மேற்கு வங்காள மாநிலம் கொல்கத்தாவில் கடந்த 1948-ம் ஆண்டு ஜுலை 19-ந்தேதி பிறந்தவர்.

கொல்கத்தா ஐகோர்ட்டில்

சட்டம் (எல் எல் பி) மற்றும் முதுகலை (எம்.ஏ.) பட்டப்படிப்பை கொல்கத்தா பல்கலைக்கழகத்தில் முடித்த இவர், 1990-ம் ஆண்டு ஆகஸ்டு 6-ந்தேதி கொல்கத்தா ஐகோர்ட்டில் நிரந்தர நீதிபதியாக நியமிக்கப்பட்டார்.

கடந்த 2005-ம் ஆண்டு ஜனவரி 11-ந்தேதி கொல்கத்தா ஐகோர்ட்டு தலைமை நீதிபதி(பொறுப்பு)யாக பதவியேற்ற அல்டமாஸ் கபீர், அதே ஆண்டு மார்ச் 1-ந்தேதி ஜார்கண்ட் ஐகோர்ட்டு தலைமை நீதிபதியாக பதவி உயர்வு பெற்றார்.

29-ந்தேதி பதவி ஏற்பு

அதன்பின் 2005-ல் சுப்ரீம் கோர்ட்டு நீதிபதியாக நியமிக்கப்பட்ட அவர் தற்போது தலைமை நீதிபதியாக பதவி உயர்வு பெற்று இருக்கிறார். வருகிற 29-ந்தேதி அன்று இந்தியாவின் தலைமை நீதிபதியாக அல்டமாஸ் கபீர் பதவி ஏற்றுக் கொள்கிறார்.

கொல்கத்தா ஐகோர்ட்டில் அல்டமாஸ் கபீர் பதவி வகித்தபோது, மாநிலத்தில் உள்ள அனைத்து கோர்ட்டுகளையும் கம்ப்ïட்டர் மயமாக்கியதில் முக்கிய பங்கு வகித்தார். கடந்த 2010 ஜனவரி 14-ந்தேதி முதல் தேசிய சட்ட சேவை ஆணைய தலைவராகவும் அல்டமாஸ் கபீர் பதவி வகித்து வருகிறார்.

தினத்தந்தி

ஏன் மாமா அங்கள் உங்களுக்கு அந்த பதவி கிடைக்கலையா.
உங்களுக்குதானே நான் சிபாரசு பண்ணேன், கழட்டி விட்டுட்டாங்களா.
பரவாயில்ல அடுத்த முறை முயிற்சிப்போம்.