உன் மெளனம்....

பூவன் · பூவன் Fri Sep 14, 2012 5:09 pm

அன்புக்கேது அளவுகோல்
அளந்தளந்து அன்பு வைத்திட....

நிலவு தேய்ந்திட
வானம் அழுவதில்லையே - நீ
தேய்வதால் நான் அழுகின்றேன்......

தேய்ந்திட்ட நிலவு வளர்ந்திட
மலர்ந்திட்ட பூ வாடியதே
உன் சினம் கண்டு.....

மழை நீரென அன்பை நீ பொழிந்திட
சிலிர்த்துப் போகுதே எனதுயிர்....

கனிந்திட்ட பழமென இனித்திடும்
உன் புன்னகையின் தித்திப்பில் என்னிதயம்....

என் பூவாசல் தேடி வந்த தேவதையே
உன் அன்புக் கனிகளை
மரமென விதைத்திடு என் மனதினிலே
என் ஆயுள் முழுவதும் புசித்திடுவேன்...

என் தேகம் தீண்டிடும் தென்றல் காற்றே
என்னுயிரின் தேகம் தீண்டி வந்தாயா
என் ஆருயிரின் ஸ்பரிசம் உன் தீண்டலில்.....

பூக்களே பூக்களே - என்
கவிதையில் மலர்ந்திட்ட பூக்களே
என்னவள் கூந்தலில் அடைக்கலம் தேடுங்கள்
உயிர்த்திடுவீர்கள் என்னவள்
தொடுகையில்....

உன்னோடு நான் பேசியதை விட
உன் மெளனத்தோடு இரண்டறக் கலந்தது
அதிகமன்பே...

உன்னை விட - உன்
மெளனம் பிடிக்குமெனக்கு
என்னை அணுஅணுவாய்
சித்திரவதை செய்வதால்...

அதில் கூட சுகமுண்டு உயிரே
என் உயிரே நீயாகி போனதால்...

நன்றி
கவிதை பூங்கா ......

பூவன் · பூவன் Fri Sep 14, 2012 5:45 pm

உன் நினைவில் இன்று வரை...

கண் மூட இயலாமல்
கனவை உன் நினைவு
களவாடி செல்கிறது...
செவ்வரி ஓடிய நின்
கண்கள் நினைவில்
கலந்த வேளை - மனம்
கலங்கி போகிறது...
கல்லாகிப் போன
கடவுளை சபிக்கிறேன்..- மனம்
கலந்த காதலில்
கண்ணீரை ஏன் கலந்தாய்...?
வரம் நீ எனக்கு என
வரைந்த கனவு
வரையளவு வளர்ந்த போது
பொங்கி வந்த களிப்பு
அடங்கிப் போனது
நீ எனக்கில்லை என்றான
பொழுது...
உன் வரவின் ஒலி
தெருவில் கேட்கையில் - அன்று
அருகில் செல்ல துடித்த மனம்
அவலப்பட்டு நிற்கிறது இன்று...
இது என்ன காதல்...
இதயம் இற்றுப் போகும்
வரை கதற வைக்குமோ?
விடை காண துடித்து
வீழ்ந்து கிடக்கிறேன்
உன் நினைவில்
இன்று வரை.....

நன்றி கல்கி அருணா ........

Guest · Guest Fri Sep 14, 2012 9:50 pm

Sponsored content · Sponsored content

உன் மெளனம்....

உன் மெளனம்....

Re: உன் மெளனம்....

Re: உன் மெளனம்....

Re: உன் மெளனம்....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக