இதுமட்டும் எப்படி நியாயமாகிவிடும்...?

பூவன் · பூவன் Fri Sep 14, 2012 11:23 am

பூக்களை அறுப்பது
பாவம் என்று சொல்லிவிட்டு
முழம் பூவை தலையில் சூடிக்கொள்கிறார்...!
இது எப்படி நியாயம்...?

கோயிலுக்கு செல்கையில்
சப்தம் வேண்டாம் என்று சொல்லிவிட்டு
காலில் கொலுசு அணிந்து செல்கிறாய்...!
இது எப்படி நியாயம்...?

கடவுள் நம்பிக்கை
அதிகம் இருக்கிறது என்று சொல்லிவிட்டு
கருப்பு தாவணி அணிகிறாய்...!
இது எப்படி நியாயம்..?

இரவு வான்நிலவை
அதிகம் நேசிப்பேன் என்று சொல்லிவிட்டு
வீட்டுக்குள்ளே முடங்கிவிடுகிறாய்..!
இது எப்படி நியாயம்..?

கவிதை எனக்கு பிடிக்கும் என்று
கண்சிமிட்டி சொல்லிவிட்டு
என் கடிதத்தை கிழித்துவிட்டாயே..!
இது எப்படி நியாயம்...?

காதல் தவறு என்று
எனக்கு வன்மையாய் சொல்லிவிட்டு
கண்களில் காதல் பாடம் நடத்துகிறாயே..!
இதுமட்டும் எப்படி நியாயமாகிவிடும்..?

நன்றி கவிதை வீதி ................

யினியவன் · யினியவன் Fri Sep 14, 2012 11:31 am

அருமை பூவென்.

பூக்கள் பிறப்பது மங்கையர் சூட

கொலுசொலி உன்னை வழி நடத்தி செல்ல

கருப்பு அனைத்து நிறங்களின் கலவையே என உணர்த்த

காதலனைப் போல் தேடி வரும் நிலவென நினைத்த பேதைப் பெண் அவள்

அவளுக்கு பிடித்த கவிதை நீயென அறிய மறந்த மண்டோ நீ?

கல்யாணத்திற்கு பின் வரும் காதலை விரும்புபவளோ?

**விஸ்வாஜீ** · **விஸ்வாஜீ** Fri Sep 14, 2012 6:12 pm

யினியவன் wrote:அருமை பூவென்.

பூக்கள் பிறப்பது மங்கையர் சூட

கொலுசொலி உன்னை வழி நடத்தி செல்ல

கருப்பு அனைத்து நிறங்களின் கலவையே என உணர்த்த

காதலனைப் போல் தேடி வரும் நிலவென நினைத்த பேதைப் பெண் அவள்

அவளுக்கு பிடித்த கவிதை நீயென அறிய மறந்த மண்டோ நீ?

கல்யாணத்திற்கு பின் வரும் காதலை விரும்புபவளோ?

அவருடைய கவிதை அருமை என்றால் அதற்கு நீங்கள்
கொடுத்த விளக்கம் கவிதையாகவும் ரசிக்க கூடியதாகவும் உள்ளது,
சூப்பருங்க