ரூ.7 லட்சம் இழப்பீடு அறிவித்த கூடங்குளம் போராட்டக்குழு: பணம் எங்கிருந்து வருகிறது?

First topic message reminder :

கூடங்குளம் அணு உலையை எதிர்த்து நடக்கும் போராட்டத்தில் உயிர் இழப்போரின் குடும்பத்திற்கு ரூ.7 லட்சம் முதல் ரூ. 5 லட்சம் வரை வழங்கப்படும் என்று போராட்டக்குழு அறிவிப்பு வெளியிட்டது பல்வேறு சந்தேகங்களை கிளப்பியுள்ளது.

முதலாவது அணு உலையில் எரிபொருள் நிரப்ப எதிர்ப்பு தெரிவித்து கூடங்குளம் போராட்டக்குழுவினர் கடந்த ஞாயிற்றுக்கிழமையில் இருந்த தொடர்ந்து போராட்டங்கள் நடத்தி வருகின்றனர். கடந்த திங்கட்கிழமை கூடங்குளம் மற்றும் இடிந்தகரையில் போலீசாருக்கும், போராட்டக்காரர்களுக்கும் இடையே ஏற்பட்ட மோதலில் இருதரப்பினரும் காயமடைந்தனர்.

முன்னதாக கடந்த சனிக்கிழமை போராட்டக்குழுவினர் கடலோர கிராமங்களில் தண்டோரா போட்டனர். அதாவது ஞாயிற்றுக்கிழமை நடக்கும் போராட்டத்தின்போது ஏதாவது அசம்பாவிதம் நடந்து உயிர் இழப்பு ஏற்பட்டால் அவர்களின் குடும்பத்திற்கு போராட்டக்குழு இழப்பீடு வழங்கும் என்றும், கூத்தங்குழியைச் சேர்ந்தவர் இறந்தால் ரூ.7 லட்சமும், இடிந்தகரையைச் சேர்ந்தவர் இறந்தால் ரூ.5 லட்சமும் வழங்கப்படும் என்று தண்டோரா போட்டனர். மேலும் இதற்காக 32 பேர் கொண்ட நிதிக்குழுவும் அமைக்கப்பட்டது.

கூடங்குளம் போராட்டக்காரர்களுக்கு வெளிநாடுகளில் இருந்து பணம் வருகிறது என்ற குற்றச்சாட்டை போராட்டக்குழு மறுத்தது. அரசியல் கட்சிகள் வேண்டும் என்றே தங்கள் மீது பழிபோடுவதாகத் தெரிவித்தது. இந்நிலையில் போராட்டத்தில் இறப்பவரின் குடும்பத்திற்கு ரூ.7 லட்சமும், ரூ. 5 லட்சமும் இழப்பீடு வழங்க அவர்களுக்கு எங்கிருந்து பணம் வருகிறது என்ற சந்தேகம் எழுந்துள்ளது. ஒரு வேளை அரசியல் கட்சிகள் கூறிய புகார் உண்மையாக இருக்குமோ என்று பலர் நினைக்கின்றனர்.

தட்ஸ்தமிழ்!

போராட்டமும் முறையல்ல போராடுகின்ற வழியும் சரியல்ல. இதில் வேறு இவர்கள் எல்லாம் அறிவாழிகள் மற்றவர்கள் எல்லாம் முட்டாள்கள் என்ற நினைப்பு வேறு

lgp wrote:போராட்டமும் முறையல்ல போராடுகின்ற வழியும் சரியல்ல. இதில் வேறு இவர்கள் எல்லாம் அறிவாழிகள் மற்றவர்கள் எல்லாம் முட்டாள்கள் என்ற நினைப்பு வேறு

ஏன் போராட்டம் முறையல்ல போராடுகின்ற வழி சரியல்ல என்று கொஞ்சம் விளக்கம் தாருங்கள் நண்பா,,,,,,

(குறிப்பு: 13000கோடி செலவு வீணாகிறது , இதுவரை போராட்டகாரர்கள் எங்கே போய் இருந்தார்கள் , பணம் எப்படி வருகிறது ,,,போன்ற மொக்க விளக்கம் தவிர்த்து,)

கூடங்குளம் உலையை உடனே இயக்கினாலும்
ஆகஸ்ட்டில்தான் அது மின்சாரம் தரும் என்பதும்,
அதுவும் உற்பத்தி திறனாகிய 1000 மெகாவாட்டில்
40 சதவிகிதமான 400 மெகாவாட்தான்
உற்பத்தி செய்யும் என்பதும் அதிலும் 48
மெகாவாட்டை அதுவே செலவழித்துவிடும் என்பதும்,
மீதி 352 மெகாவாட்டில் டிரான்ஸ்மிஷனில் 70
மெகாவாட் போய்விடும் என்பதும், எஞ்சிய 280
மெகாவாட்டில் நாராயணசாமியின் கருணையில்
தமிழ்நாட்டுக்கு 50 சதவிகிதம் கொடுத்தாலும்
கிடைக்கப்போவது வெறும் 140 மெகாவாட்தான்
என்பதும் உங்களுக்குத் தெரியுமா?

கூடங்குளத்தை சுற்றி இருக்கும்
தெருவுகளுக்காவது இந்த பவர் பத்துமா??????????????????

அரசியல்வாதிகள் ஓட்டுக்களுக்காக என்ன வேண்டுமானாலும் செய்வார்கள். அப்படிப்பட்ட அரசியல்வாதிகளை நம்பித்தான் போராட்டம் நடைபெற்றுக்கொண்டிருக்கின்றது.
சட்ட்த்திற்க்கு புறம்பாக தொண்டர்களை வழிநடத்தி தலைவர் தலைமறைவாகிவிடுகிரார். தமிழ்நாட்டில் உள்நாட்டுக் கலவரத்தை உறுவாக்குகிறார்கள்.
இதற்கு முன் காவல் துறையினர் விரட்டி போராட்டக்காரர்கள் ஓடுவதைத்தான் பல நாடுகளில் பார்த்திருக்கின்றோம். ஆனால் போராட்டக்காரர்கள் விரட்டி காவல் துறையினர் அடி வாங்கிக்கொண்டு ஓடுவதை இங்கு தான் பார்க்கின்றோம். மேலும் காவலரின் துப்பாக்கியை களவாடி ஒளித்து வைப்பதையும் இங்கு தான் பார்க்கின்றோம்.
சைனாவும் பாகிஸ்தானும் ஸ்ரீலங்காவில் கால் வைத்து மகிழ்ச்சியுடன் பார்த்துக்கொண்டிருக்கின்றார்கள். மத்திய அரசோ ஸ்ரீலங்காவை எதிர்க்கவும் முடியாமல் ஆதரிக்கவும் முடியாமல் முழித்துக்கொண்டிருக்கின்றது.
நண்பா இந்த விளக்கத்தையும் மொக்கை என்று தான் சொல்வீர்கள். எனவே இதற்கு மேல் நாங்கள் விவாதிக்க தயாராக இல்லை

lgp wrote:
நண்பா இந்த விளக்கத்தையும் மொக்கை என்று தான் சொல்வீர்கள். எனவே இதற்கு மேல் நாங்கள் விவாதிக்க தயாராக இல்லை

மிக்க நன்றி நண்பரே!