துவங்கியது கடல் சத்தியாகிரகம்

**ராஜா** · **ராஜா** Thu Sep 13, 2012 2:47 pm

கூடங்குளம் அணு உலைக்கு எதிரான ஆர்ப்பாட்டக்காரர்கள், இன்று இடிந்தகரை அருகே கடலில் இறங்கி மனிதச்சங்கிலி அமைத்து சத்தியாகிரகப் போராட்டத்தில் ஈடுபட்டுள்ளனர்.

துவங்கியது கடல் சத்தியாகிரகம் 120913080420_kudankulam_protest_304x171_pti_nocredit

துவங்கியது கடல் சத்தியாகிரகம் 120913080420_kudankulam_protest_304x171_pti_nocredit

மத்தியப் பிரதேசத்தில் நடைபெற்ற ஜல சத்தியாகிரகப் போராட்டத்தைப் பின்பற்றி, கூடங்குளம் போராட்டக்காரர்களும் தங்களது போராட்டத்தை புதிய பாணியில் இன்று மாற்றினார்கள். கடற்கரை அருகே, கடலில் இறங்கி பெண்கள் உள்பட ஏராளமான நபர்கள் இந்தப் போராட்டத்தில் ஈடுபட்டுள்ளனர்.

கூடங்குளம் அணு உலைக்கு எதிரான போராட்டக் குழுவின் தலைவர் சுப. உதயகுமார் இன்றும் போலீஸ் கண்ணில் படாமல் மறைந்திருக்கும் நிலையில், அவர் இல்லாமலே இந்தப் போராட்டம் நடைபெற்று வருகிறது.

அசம்பாவித சம்பவங்கள் ஏதும் நடைபெறாமல் தடுக்க, அங்கு பெருமளவில் போலீசார் குவிக்கப்பட்டுள்ளனர்.

கூடங்குளம் அணு உலையில், எரிபொருள் நிரப்புவதை நிறுத்த வேண்டும், போராட்டக்குழுவின் தலைவர்களைக் கைது செய்வதை நிறுத்த வேண்டும், ஏற்கெனவே கைதானவர்களை விடுதலை செய்ய வேண்டும் என்பது உள்ளிட்ட கோரிக்கைகளை வலியுறுத்தி அவர்கள் போராட்டத்தில் ஈடுபட்டுள்ளனர்.

கூடங்குளம் அணு உலையில் எரிபொருள் நிரப்புவதற்கான ஆயத்தப் பணிகள் நடைபெற்று வருவதாகக் கூறப்படும் நிலையில், அந்தப் பகுதியைச் சுற்றிலும் கடுமையான பாதுகாப்பு போடப்பட்டுள்ளது.

நன்றி :- BBC தமிழ்

துவங்கியது கடல் சத்தியாகிரகம்

துவங்கியது கடல் சத்தியாகிரகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக